長話短說, 總括黎講, 跟本就可以用簡簡單單o既兩個詞語黎形容整件事.情 ~

         ↓         ↓
→「藉口‧責任」←
         ↑         ↑

其實, 每個人都唔想負責任, 搵佢做藉口晦婚, 係唔想自己負晒所有責任 ~
話個老公唔好, 就係搵老公黎做藉口, 係唔想自己負晒搞離婚o既所有責任 ~

同樣地, 條友唔敢直接叫步妹晦婚, 咪又係唔想負責任 ~
之後再做小動作, 咪又係為自己製造藉口, 唔想為步妹o既轉變負責任 ~
.............. ....  ...  .. . .   .

諸如此類, 都係離唔開呢兩個詞語, 但 ... 妳地唔知咩 ?  我呢個見解好獨到咩 ? 唔係喎 ~
步妹妳就係知, 先至同佢拉拉鋸咗咁耐之麻 ~
既然明知妳地明白o既野, 我仲講黎做咩呢 ?
係因為, 雖則明知, 但卻就將注意力集中晒o係"點樣用對方黎製造藉口","點樣將 d 責任放o係對方身上" ...
但就偏偏唔去衡量下, 點解要咁呢 ?

咁點解呢 ? 對個男o既黎講, 咪就係冇諗過同個女o既做人世 lor ~
我唔知其他男人點諗, 但比著係我, 如果有心發展的話, 就算唔勸女方晦婚, 都會叫去諗清楚, 又或者最起碼 .... 就係最後補句:「咁唯有希望妳可以得到"幸福"啦 ~」(個幸福係括住架喎 ...)
既然結婚之前都冇諗住做人世o既, 離婚後就應該更加唔諗啦 ~
唔係點解咁多男人鍾意處女/學生妹 ?
睇中架新車點解要等人買咗落咗地先再同人買二手 ? 貪佢落地之後會平一大截 ? 咁咪即係唔想負出 lor ~
一般男人都會介意同 ex 比較 ... 咁又何必為自己愛人預先製造一個 ex 黎呢 ?

o係咁o既基礎上建立o既感情, 會有咩結局呢 ?? 自己諗諗 !!

* * * * *

我好眼訓呀 ~ 睇黎都回唔到落去勒 .... :smile_39:
   

我今日都自己放自己假,冇番學
我又係咁,訓覺會舒服好多

但係, 妳地因唔開心而去大訓一場的話, 會唔會醒來時會有失落o既感覺呢 ?

早知叫晒妳地去做義工啦 ~ 開心又有意義麻 ~ :smile_o12:


p.s. 又話 virtual 打我 ? 咁就算打咗架嗱 ??

冇 ~ 我覺得妳o係網上o既表現唔夠感性啫, 表現出黎o既真性情都係"火"多 ... :smile_35:
如果妳日常都以咁o既方式同朋友相處的話, 一 d 妳睇唔順眼o既朋友, 或者朋友o既一兩句妳聽唔順耳o既意見, 妳就可能會即插 ... 咁 lor ~

不過, 睇落, 妳做返真人時, 又未必會咁, 起碼, 妳仲經常記住以往o既感情事 (雖然係埋怨居多 ...), 都總算多返 d 感情, 而且又會扮乖扮純情 .... 我諗都幾吸引男生 ... :smile_47:
我個人認為, 女仔都係扮下多愁善感, 理性o既表現留返自己o係屋企先黎料,o係出面, 理性o既事留返俾男生黎表現啦, 唔係 d 男生就冇野好做, 只可以扮叻扮勁扮型架勒 ~   

已經打左ga喇~依家心情冇咩野,down完又可以重新充滿力量~
我都想做義工,不過過埋今個sem先諗啦~
見你仲在線喎~

我仲諗住攞定 D 皮鞭, 手扣, 麻繩 .... 出黎用添 ~ :smile_04:

我呀 ~ 頭先五點鐘就熄機出咗門口, 十點幾返到黎, 啱啱先黎開機咋 ~
果個在唔在線, 我覺得都唔準 GE ... 今朝妳夠成日都在線咯 ~

我今日瞓足一日, 像昏迷似的. 但如你所謂, 醒了心情也沒有好過.
我剛看了醫生, 佢話我係抑鬱症, 其實我都估到D, 平時我喜歡做的事, 如逛街買衫, 買鞋, 我而家完全無興趣, 連睇都唔想. 現只維持唯一的興趣, 就係瞓覺而已. 我成日都覺得唔開心, 最慘係我要對人歡笑. 我覺得很辛苦. 除了工作, 感情事對我都有影響

今日瞓醒, 我就玩MSN, 見他在線. 和他傾了一會, 主要係工作, 我今天故意唔返工.... 點知... 佢原來唔知我無返工, 我咪詐佢形話佢點會唔知我無返, 佢話佢除了去TOILET 外, 無離開個位喎. 有點失望, 原來我在他心目中連有無返工都唔知. 我依然唔想返工, 我星期一會再放多一日, 休息一下. 另外, 我騙佢, 我已辭職了,他好似好緊張咁, 真係唔知係緊張定八卦了. 總之有點失望. 今天我也不知那裡來的膽量, 我竟然..... 約佢看3D 玉蒲團, 不過佢話唔睇喎. 其實我都預左佢唔睇的.

俠兄, 你說他對於我結婚的決定時的表現, 咁講真, 佢有不斷叫我唔好結, 當我話我唔結唔得了, 因為己公佈了, 他對我講面子係一時的, 幸福才是自己的. 他也講左好多次, 只是我返唔到轉頭而已. 只是到我婚前一日, 即我地親熱後兩日, 我SMS 佢話唔結, 叫佢支持我, 好似今次我叫佢支持我辭職一樣, 但沒有反應. 無回應, 就係咁, 我才乖乖結婚了.

男人就係咁, 如你話, 責任問題. 佢係怕啫. 我好唔開心, 我知佢最喜歡的不是我, 佢都寫出來了, 不用講我也知道啦. 你話佢對我完全無興趣咩, 又唔係, 有咩, 更唔係. 我也唔想唸了, 但真係很不開心... 我也不知怎搞. 其實我沒有唸起佢的. 唔唸起都咁...

之前, 我咪講過當我看見他是, 我心跳得很快. 但而家, 我地咁樣食飯, 都沒有了, 我也搞不清, 是不是我已不喜歡他呢? 究竟我想要咩? 想同佢一齊? 想佢做我SP ? 我自己也搞不清, 我很混亂, 混亂得不想面對.

抑鬱症 ? 唔係掛 ? 睇一次就斷症 ? 咁肯定係私家醫生啦 ~
咁有冇俾藥妳食呀 ? 係咪有隻 AMI.... 字頭架 ? 成份呢 ?

斷估係都只係輕微啫 ~ 用返個平常心去睇野就 OKAY 啦 ~

妳咁樣做, 咁之前果 D 話憎死佢o既 sms 咪又廢晒 ~ 只會令佢覺得, 妳跟本就走唔甩 .... :smile_39:

佢有冇留意到妳冇返工呢樣晒, 跟本就唔係重點黎, 第一, 就好似 hate 妹其中一個目標咁, 佢大可以扮冇留意麻 ~
第二, 佢有幾留意妳又點呢 ? 佢係咪真心想同妳做人世丫 ? :smile_45:

叫妳唔好結, 只係一個提議, 我諗除咗佢之外, 仲有其他人都有咁勸過妳啦 ~
點解一提到叫佢支持妳, 佢就"失聲"呢 ?

因為, 妳呢句叫佢支持妳, 咪就係想將部份責任分俾佢, 想搵佢黎做藉口 lor ~
要佢負責任喎 ... 佢就縮 ~ 咁妳諗下佢打算用咩心態同妳一齊呢 ?
點解佢咁怕向妳付出(有承擔o既姿態)呢 ?

結果, 本來打算用佢o既"支持", 黎做妳晦婚o既藉口, 點知, 佢o既"失聲", 就倒轉頭做咗妳結婚o既藉口 ...
妳 ... 始終都搵到個藉口俾自己黎後悔 ~ 唉 ~~~