引用:
原帖由 andy_2008 於 2011-3-13 08:12 PM 發表 
老師, 我地真係唔知,可唔可以講少少來聽?
轉貼
另類「火速救兵」 「紀律猛男」寫叫雞指南
正當消防處與港台聯合製作電視劇《火速救兵》在無綫播出時，本港一個網上討論區，最近出現自稱「紀律猛男」的「火速救兵」，將北上嫖妓經過，圖文並茂詳盡報道，直情是叫雞指南一樣，除大晒自己性能力了得之外，更上載半裸攬女相，大晒其健碩的六嚿腹肌身材；回覆者近千之多，不少更有稱他為偶像，有人問他拿歡場地址，還說要「跟他搵食」。
本報記者從知情人士口中得悉，該名紀律猛男是一名消防員，今年10月開始寫北上尋歡經歷，文字露骨，照片變態；有法律界人士指出，紀律猛男在網上公開召妓實錄，等同鼓吹嫖妓，這樣的「救火」令紀律部隊蒙羞，更違反內部守則，分分鐘被炒魷！ 採訪：專題組
「雖然網上啲相，男女個頭都用圖案遮住，唔識佢嘅人梗係唔知紀律猛男嘅身份，但識佢嘅，一睇就認得出佢係邊個啦！佢咁夠膽登埋啲相，都係想畀啲同僚知啫。」一名知情的現役消防員私下表示，事件已引起消防高層關注。
由本年10月18日開始，紀律猛男開始在討論區寫北上嫖妓實錄，更用上英文名
smallcannon，暗示其性能力超乎常人。
首篇文章題目為「常平自稱被騙女四Q評核報告」，由租酒店到揀女，都描述得巨細無遺。
每次均拍照留檔
文尾還有對妓女的評價，包括其樣貌、身材、禮貌和服務態度，並以英文effective（有效率）或very effective（非常有效率）作評語，相信其意思指妓女合乎他的要求，但從其用字來看，顯然英文水平不高；評語之後還有嫖妓總開支，連肉金、酒店房租、飯錢等都詳細寫下，更註明酒店名稱。
文字介紹之後，是好此道者最關注的戲肉，就是妓女照片和紀律猛男的艷照，每次大約會上載7至8張，最先幾張是妓女單人性感照，接着是兩人合照，紀律猛男僅穿緊身三角褲，妓女則只有胸圍和內褲，他左手拿着全自動俗稱「傻瓜機」的相機，右手攬着妓女，站在酒店房內梳妝鏡前拍下。
知情的同僚稱：「我都有上討論區睇過，佢（紀律猛男）同妓女影嘅合照都好變態啫，見到妓女用手摸佢上身，有時用條脷舐佢胸口，甚至啜佢乳頭，真係核突。不過做得妓女都唔想畀人知，好多妓女都好驚嫖客影相，因為怕對方會將啲相擺上網，不過睇條女任佢擺布，在床上做出各種性感動作，又做Ｖ字手勢擺晒甫士，睇嚟佢應該係熟客。」
不乏支持者認同
文字露骨，照片核突，但更令人反感是回覆者之中，十個有十個都是支持紀律猛男；有人讚他揀的妓女身材好，也有着他留下酒店的電話，更令人作嘔是竟然有人留言大讚紀律猛男下體雄偉，不排除該些fans是男同性戀者。
紀律猛男雖然將自己的面貌用圖案遮住，但從知情者口中，得知其底細。知情者為存忠厚，姑諱其名，表示紀律猛男年過30，未婚，本來駐守市區，聽講早前因為做錯事，被調到新界偏遠地區；正所謂多見樹木，少見人群，工作都幾悶，消防工作是「做一日抖一日」，所以紀律猛男一放假就北上，每次都去東莞尋歡，事後當更時，都會跟同僚提及嫖妓之事，但卻從無講過在討論區有「地盤」。
紀律猛男的網上叫雞實錄，已引起消防處高層關注，可能會「一身蟻」，但知情的同僚者表示，當事人未必有事，「以前有報紙影埋消防員當值時喺館燒嘢食，同埋有消防嘅女性朋友着住消防制服嘅相擺上網，上頭都不了了之；佢哋嘅心態唔係包庇下屬，只係多一事不如少一事，大事化小，小事化無，最緊要自己唔使孭鑊；既然事件唔係喺香港發生，又冇同僚企出嚟指證紀律猛男嘅身份，一於側側膊、唔多覺。」
