但係, 如果緣份要令妳抱憾終生 ... 妳會後悔嗎 ??? :smile_41:

樓下有個 15 歲o既細路女, o係外國讀緊初中, 問好唔好俾咗佢個當地男友喎 ... 妳不如去睇下丫 ... :smile_44:

我都知你有這個謎團, 本來我都唔打算講, 唔係因為我唔講, 而係連我自己都唔想提起, 就當從來沒有發生似的.
其實我同佢親熱那天, 係我結婚前兩日, (係咪破壞左我在你心目的形象呢? SORRY, 我因為唔想提起, 所以一直沒有講, 很對不起你同HATE 妹), 我PLAN 結婚已是兩年前的事, PLAN 了後他出現了, 亦同事我和男朋友之間出現問題(到而家仍未解決, 稍後再講), 所以想退婚, 但因為種種問題, 例如家人, 面子... 等等, 最主要原因係佢無主動, 我當時有點鬥氣的, 想著既然我喜歡的他對我沒有表示, 結就結啦, 我就係咁, 在最後一刻, 緍前一個月才搞, 租衫, 印惦等事宜. 是有點趕, 但係又順利喎, 不期然令我唸到是不是神的安排.

到我對他宣佈時, 他很氣, 沒說什麼, 只是說"你都決定左, 決定左至同我講有咩用",.... 就係咁, 我婚前兩星期, 每日放工都同佢一齊, 佢不斷問我野.... 等. 就係咁, 發生了親熱事件. 之後一天, 即我婚前一天, 我決定退婚了, 但媽哭著表示不可能. .... 全家也發瘋了.. 我打比佢, 佢無聽電話, 我比SMS 佢, 求他覆我, 他沒有覆, 我很傷心, 哭了一病, 其實只要他說一句, 我就不會理會屋企人跟定他, 但他沒有理我. 最終我無得走.

你從未見過不開心的新娘, 是嗎? 我結婚時, 沒有拖手, 撓手等. 全程黑口黑面, 很多人都問我是不是不想結.  我爸媽全晚都係擔心我的樣子. ... (你可能覺得我自己攞黎, 且氣我沒有和你講, 很對不起, 我很想和你講, 但我沒有勇氣, 我打這個, 你永不知, 我的眼淚不停在流, 心也在痛, 所以我不想提起, 俠兄, HATE 妹, 很對不起) , 他在我結婚那天早上打比我, 不知是不是緣份, 那天咁忙我MISS 了很多CALL, 郤沒有MISS 到他的電話, 他沒有出聲, 我喂了很多聲, 他也沒有出聲. 我的伴娘搶了電話說了一句" 唔出聲唔好打黎" 收線了. 我在電話裡, 我很想叫佢一聲, 但我叫不出. 其實若他叫我, 我就走.... 可惜.

這個, 是不是可以解釋到點解佢一直無出手呢?

俠兄, 我估你應該會明白我多D, 我唔想提起之余, 結婚的相及錄影, 我到而家一次也沒有看過, 我一直在逃避著不提自己已婚, 我自我催眠自己, 就當什麼事也沒有發生. 我的生活也不似已婚, 只似搬出來住而已.

我和老公的生活也不太如意, 我自己也不知因為什麼原因, 可能因為我不愛他, 所以.... 和你同老婆一樣, 我唔想同佢咩, 連KISS 都沒有. 雖是新婚, 但一個月好似被迫咩一次. 每次都沒有好的感覺, 所以一直在逃避. 我到而家經驗都好少. 家人成日問幾時生BB, 哈哈, 都無咩點生呢? 但我沒有答.

我有我心結.... 其實我一直都唔開心, 沒有愛情的感覺. 家人也常問我開不開心, 我也不敢答, 俠兄, 我答你.... 我未有一日開心過. 我不是為我隱瞞這事作解釋, 這的確是我一直沒有講出來的原因. 每次見你同HATE 妹努力分析一個我明知而你地解不開的結時, 我很內疚. 你倆待我這個素未面的網友推心切複, 而我郤.... 很對不起.

你亦不難發現, 我真的不開心, 我怕家心擔心故沒有說出來, 在家和老公一齊也不開心, 在公司見住他又..... 工作上又.... 我好耐沒由心而發咁笑出來了.....

希望你明白我點解成日話唔開心, 成日話想同佢一齊....

對唔住, 我睇到唔係話嬲定唔嬲 ... 係錯愕 ... 唉 ~

妳知唔知, 妳時不時又攝 d 新野出黎, 令我發覺, 我之前o既推斷都要改晒 ...
妳攝一次, 我又由頭再睇一次妳呢個 post, 妳再攝一次, 我又要再由頭睇多次呢個 post ...
講真, 呢個 post 係我o既心血多過妳 ... 大大話話都打咗幾萬字 ... 究竟打黎做咩 ? 有幾多係廢o既呢 ?

令我突然諗起幫人做辯護o既律師 ... 都唔知點同妳打埋場官司好 ~ :smile_o16:

* * * *

咁即係點先 ? 政治婚姻 ? 妳家陣係人妻 ?? 想去偷食 ?
有 d 野唔攪清楚的話, 我真係好難再俾到 d 咩意見架喎 ~

* * * *

咁, 妳同我傾咗咁耐, 妳當我係咩先 ?
除咗呢個 post 外, 妳有冇睇過我o係第二 d post o既留言架 ??? :smile_41:

無新野攝架啦, 這個係最後一個了.
我知你對我好, 我真係當你係朋友架, 我每日都查看你有無留言比我架, 我一有事就第一個話你知. 見工結果都只係話你知咋. 我都覺得好對唔住你同HATE 妹. 其實係有點驚而家至講會令你地唔再同我傾計, 所以一路都無出聲, 很對不起呀!
講出了真相, 雖然很不開心地入去沖涼喊左一大場, 但總算舒服了點. 之後就係擔心你同HATE 妹的反應, 亦怕無晒你兩個朋友. 之前都講過, 我在網上雖然各不相識, 正因為各不相識才可詳所欲言, 所以我講的全是真的, 只是沒有開口而已.

你問我係咪想偷食, 我唔知, 我只想同自己喜歡的人一起, 感覺會好些, 當晚同佢一齊, 是我有史而來最ENJOY 的, 雖然什麼也沒有做到, 那個迷迷糊糊的感覺超正. 但係同其他人完全無.  其實最近我想離婚. 因為感情唔好. 唉, 同你CASE 差不多, 只係你偉大D 為對仔女, 我就唔知為乜.

俠兄, HATE 妹, 很對不起你, 請原諒我吧!

我唔應該明白妳, 而係應該明白妳老公 ... 妳咁樣對佢真係真係好唔公平 lor ~
我同妳講過, 我其實一路都仲愛我老婆, 只係佢變咗在先, 我低聲下氣咗咁多年, 終於頂唔順先至話知輸, 放棄啫 ~
點解我冇變, 反而係我錯呢 ? 既然都睇我唔順眼, 仲o係埋一齊把托咩 ?! :smile_45:

* * * *

妳咁樣拖落去, 倒不如離婚啦 ~ 如果有一日妳老公知道晒所有野, 第二日報紙就 .... 唉 ~

之前o係呢度有個 netfd 話老公餵佢唔飽想出去搵食 ... 我就介紹套韓片過佢睇, 睇黎妳都應該睇下, 戲名 : 「快樂到死」

* * * *

唉 ~ 點解我咁咸濕, 都可以一生人只得一個女人, 就算家陣冇得食, 都仲可以死忍難忍 ....
反觀家陣 d 為人老婆o既, 夠膽擺明車馬去搵食架 :') ~~~ 原來, 我自己係咁冰清玉潔架喎 .... :smile_27:  

冇新野 ? 關於妳結婚/老公o既事, 我諗我想妳要交代一下添呀 ~~~ 妳想同妳喜歡o既人一起, 就唔好同個唔喜歡o既人一起啦 ~ 妳係咪太過任性呢 ? :smile_45:
係想離婚就趁早啦唔該 ~ 一日未攪清楚, 我都唔會讚成妳同第二個一齊 ~
我真係真係好介意我老婆同第二個一齊, 就連俾人望我都唔開心 ~
如果我係妳老公, 我真係驚忍唔住傷害妳 .... 唉 ~ :smile_42:

* * * *

我同妳 case 唔同, 我想同我老婆做, 係佢唔想同我做啫 ~ 妳同我老婆差不多, 或者我同妳老公差不多就真 ... :smile_27:
我話咗要離婚架, 係佢話為咗仔女先唔離啫 ~
一日唔離婚, 我都唔夠動力出去搵新感情, 而佢呢 ... 唔離婚又晚晚鬼咁夜返 ... 妳話o係公司做野我都要打個折扣啦 ~
真係咁多野做又可以定時定候去上興趣班 ??

* * * *

唉 ~ 我有 d 頂唔順, 要 d 時間消化下成件事先得 ... 仲要就黎天光 ... 都係係咁先勒 ~ :smile_15:

吊高嚟賣,俾啲唔俾啲

偶是男生，向往你的这份对爱情的感觉！

直系无估到，会有甘样的经过！