既然你真係咁想送本書,咁你送啦,
因為就算你做左,對你都冇傷害!
咁樣又可以還你心願!
至於facebook 寫note,冇錯,你可以set限制佢一人睇到,
但如果他有心玩你,他也都可以copy and paste,
我唔係話他一定會咁做,始終我又唔係真係認識他為人,
不過想提你最壞既後果,同寫信差唔多,
你再三考慮!
如果你衡量過,認為你自己可以承受到最壞結果,
例如他copy and paste你段note,揚比其他人睇,
或者直接比其他人睇他facebook再睇你篇野等等,
你承受到既,咁你就放馬去做啦!
我明你心情,你都係想他知你諗咩,知你真係鍾意他,也想結束避他同拖拉,
想他比response你,無論鍾意定唔鍾意,起碼有個答案,
所以呢,都係之前同你講過: 仲未發生一D令你真係死心既野
可能,如果你不顧一切咁做你想對他做既野,什至face to face攤牌,博完一舖,傷過之後,你先會真係死心啦...

我都唔係冇諗過他會唔會特登扮野..
不過當時只係sms,他根本睇唔到我咩反應..呢個理由好似講唔通..
我又諗唔到有咩理由他要咁做..
所以都係一句歌詞總結: 不要自作多情去做夢

當時佢問我扮唔知佢電話號碼時, 都唔係面對面, 我係MSN 架喎.
所以呢, 唔係無可能, 我都做過啦, 你問我點解, 我真係答唔出, 當時只係唔想比佢知我咁重視佢, 簡單一句 "吊高黎賣", 唔SAVE 扮唔重視, 扮唔知, 等佢再講多次電話號碼比我. 就係咁. 所以..... 唔好太失望囉.

你真係好了解我呀. 比我自己更了解自己.
送本一事, 因為係舊書店, 都過左幾日了, 若果我星期一二仍然見到本書的話, 那可能係緣份, 咁就送啦! 若果搵唔到咁就算囉!
我都有少少了解佢, 我覺得佢係唔會回應. 當無睇過囉! 咁我估佢又唔會POST 出黎掛.... 估啫. 所以仲唸緊.
佢下星期生日, 佢開始不斷在FB 留言話無人約佢, ...... 我有唸過約佢.... 但我唔會囉! 佢想的話可以約我, 而唔係我約佢. 另外, 佢曾經彈琴比我聽, 今日重看"不能說的秘密" 講彈琴, 我忽發奇想, 也想彈首生日歌給他. 但..... 算罷.

乜又咁夜唔訓, 聽日又有精神架勒 ~~~ :smile_38:

咁難得妳地兩個可以直接 check 到喎 ~ 等我睇下 d 留言再覆妳地啦 ~~

睇落, 未同我o既講法差不多 .... 講黎講去, 咪又係唔想直接俾其他人發覺佢主動搵妳 lor ~~ :smile_45:

有 d 男人就係咁, 愛面子, 怕俾人知自己約人, 驚被拒絕俾人笑 ~ :smile_44:
妳試諗下, 如果妳叫佢唔駛等勒, 佢大可以話算啦 ~ 順口問下妳啫 ~ 咁就開脫到勒 !! :smile_39:
...

但係, 再諗深一層, 佢點解怕俾人笑, 怕俾人知佢想等妳/約妳呢 ??? 點解覺得被妳拒絕係"冇面"呢 ~ 大家諗諗啦 !! :smile_38:   

妳又唔好咁樣講 d 男仔, 我到家陣仲記得我邊日第一次正式同我老婆開始架喎 ~ 廿年 lu ~~~ :smile_39:
(不過可能我唔係一個完完全全o既男人, 係半個師奶啦 :smile_42
...

至於對佢主動, 雖然我真係唔多睇好妳地, 但, 妳始終有權做妳想做o既事 ....
但, 就同 hate 妹講o既差不多, 要做定心理準備 ... 係"多方面"準備喎 ~

我到家陣都唔係好肯定佢想點, 但係總之 ... 佢就係想被人覺得, 佢係被動果一個 ~
到有咩事時, 佢大可以話唔好意思 reject 妳之類o既說話 ~
妳或者會話, 佢做到咁出面, 係人都知佢主動架啦 ~
但, 我之前都講過, 佢跟本就自以為心裡面o既答案已經可以解釋到佢o既疑似主動行為啦 ~ 起碼佢自己認定佢係講得通先啦 !! :smile_27:  
...

講到尾, 第日妳地之間有咩問題出現, 佢都會話係妳主動先咋 ~ 衰的講句: 係妳自己送上門啫 ~~ :smile_34:
又或者有日, 佢話想同妳分開, 因為佢已經對妳冇咗感覺 ... 妳真係吹得佢漲咩 ?? :smile_45:

咪就係 lor, hate 妹 ~

如果, 一個男生對住一個自己鍾情o既女生, 有需要咁多顧慮咩 ?
佢o既"拖拉","縮","反覆態度", 代表 d 咩呢 ? (又比 d 功課妳地做先 ~~)
點解果 d o係公開場合跪低向女仔求婚o既男仔, 會有咁多人話感動呢 ? (雖然我唔欣賞呢類行為 ... 因為亦唔見得有好結果 ...)
....

好, 等我舉個極端例子先 :
如果, 一個好似八兩金咁樣o既冇出色窮光蛋男生, 向好似陳法拉咁o既平民 OL 發動好"卑躬屈膝"o既追求攻勢, 個男生會唔會怕俾人知佢主動呢 ? 怕被拒絕呢 ? :smile_41:
相反, 如果果個o係妻夫木聰咁靚仔得黎, 仲要同李澤楷咁有錢o既男生, 做同樣"卑躬屈膝"o既追求攻勢, 呢個男生又會唔會怕俾人知佢主動呢 ? 怕被拒絕呢 ? :smile_34:

其實, 佢係點樣俾妳知道佢果時先至 save 低呢 ?
佢用咩字眼/語氣先 ?? :smile_41:

講真, 如果一個我注意到o既女仔留個電話俾我, 我就一定會 save 低 ~
所以冇 save 低, 真係可以代表"當時"佢對妳冇意思, 冇諗住有咩發展 .... :smile_44:

但, 步妹o既諗法 (即係扮野) 都唔係冇可能, 我起初都有諗過, 不過 .... 男同女唔同呢 ~
換著係我, 而我又想同 hate 妹有進一步發展的話 ...

第一, 我一定會 save 低佢個電話 ~
第二, 仲要特登俾 hate 妹知, 我一早就有 save 低佢電話, 等佢知我重視佢麻 ~
第三, 更會搵機會俾佢知, 其實我o係當初同 hate 妹見面時, 已經留意到關於 hate 妹o既細節 ....
(e.g. 我記得, 妳果日係著住件咩色o既衫呀, 用緊部咩電話呀, 梳住個咩髮型, 或者肢體習慣呀 ....)
更高招, 係向第三者透露, 自己打探過 hate 妹鍾意聽咩歌, 食咩飲咩, 口頭襌 ... e.g. 唔鍾意人食煙, 攪到連煙都戒埋 ...
等 hate 妹覺得我重視佢, 關注佢, 記住佢o既一切喜惡 / 講o既每一句說話, 肯為佢付出/改變 .... hate 妹, 我真係好鍾意妳架 !!! :smile_38:
...
hate 妹, 感動冇 ?? :smile_40:

...

不過, 話雖如此, 一早關注妳, 又唔代表一世對妳好 bor ~
相反, 當時冇在意妳, 又唔代表以後冇發展啫 ~ 唔緊要喎 ~  
成日都聽到一 d 恩恩愛愛o既老夫老妻, 原來一早就識咗, 只係事隔多年後再遇上先至走埋一齊啫 ~ 係咪 !!
...

話事話, 我當年讀書時, 唔同系用埋同一個課室o既機會其實唔係咁多 (因為通常會就 d tutor/ lecturer o既 office) ... :smile_44:  
所以, 睇黎, 妳地都總算有 d 緣份喎 ~~~ :smile_38:

哈哈, 終於等到你了, 我咁夜瞓都係想見見你咋....
我都好希望佢會記得我地當晚..... 黎個週年紀念你話多好呢??? 有點妄想吧! 突然傻左!

你地講既野我都有顧慮過, 有想過, 所以至要唸, 至會煩, 我想佢知我唸咩, 但知道又點呢? 佢都唔會有行動, 那有用嗎? 其實等同 "一封不寄出的信" 一樣, 和自己同自己說話差不多吧! 還有好多時間去深思熟慮, 可能最終係, NOTE照寫, 但只限自己睇, 不會給他看.

剛看完無線重播的"不能說的秘密", 看見周杰倫彈琴比桂倫美聽, 令我唸起他彈琴比我聽, 很感動. 又另一段桂倫美彈琴比周杰倫聽一幕, 我真的很想彈琴給他聽, 也想跟他四手聯奏, 真的傻了, 有點妄想! 但很喜歡這套劇