驚喜 ?? 你想睇到 d 咩驚喜呢 ??? :smile_41:
想見到樓主已經俾條仔上咗 ... ?? :smile_55:

步妹, :smile_38:

我想話, 我之前送俾妳聽果首 :「我傻女」
唔係淨係因為個歌"名"架, 我有睇清楚咗首歌o既內容架 ~

...

p.s. 講單野大家聽 : :smile_34:
曾經有一次, o係一個結婚o既飲宴度, 個新娘請咗佢上司上台獻唱一曲, 個上司就揀咗張學友o既"愛是永恆"黎唱, 話祝對新人o既愛可以永恆喎 ... 真係嘔血 ~~~ :smile_27:
:smile_o16:
大家睇下, 佢個上司對呢對新人算得上"幾"有心呢 ??!! (淨係理會首歌o既歌名 ...:smile_45: ) 真係大吉利是咯 ~~~ :smile_39:  

:smile_42: :smile_42:

我好似有次問過佢咪等我(當然係未親熱前), 佢只係笑下, 答"咁你快D 執野啦" . 其實佢真係等我喎, 因為佢企我個位問我走未, 話等埋我. 所以我至話你.... 口花花囉

好煩呀, 就快一年了, 對我黎講係紀念日, 但對男仔黎講, 係NOTHING, 我都知.
但係, 我很想那晚可以再同佢一齊..... 我有唸過約佢, 但... 我又唔想主動.
我又想比封信佢, 講想講的事, 但....
點好呢?

我唔係反對女仔做主動,
只不過我覺得你大前題係保護自己先,
你諗下,你同他"拖拉"左咁耐,
次次你做主動既時候他態度即刻縮,
他D態度咁反反覆覆,
你再做主動(比封信佢),會有幾大可能有好結果??
你目的又係咩??
而最壞情況又係點??
我自己就可以想像得到,你比封信佢=有白字黑字既證據喺佢手,
佢大可以拎住封信周圍同人講你鍾意佢,
當然又要視乎你封信寫D咩啦,
如果你只係寫恭喜發財咁冇人吹得你脹既(打個比喻咋:smile_35: )
一係你寫得唔好咁明顯,即係第三者睇唔會知你講咩,只有佢先睇得明,
一係你寫D野拖埋佢落水,例如講佢自己主動對你做過D咩咩咩,等佢唔夠膽公開封信
而我既建議係: 唔好比封信

其實你識左佢起碼一年,你覺得佢個人點?
你認為佢會唔會係嗰D衰人會玩野?
再去估佢會利用,公開你封信既成數有幾大?

題外話題外話,
我之前對我另一個有好感既人做左少少主動
為免混淆,等我講清楚少少野先:
1.我依家係有兩個我對佢地有好感既人,之前同你們提過嗰個叫B,依家我想講既叫A
2.我堅持只係有好感係因為我覺得鍾意係要對對方既為人性格思想價值觀有所認識了解,而且依舊鍾意欣賞同時又接受佢地既缺點先叫真係鍾意;而現階段我對佢地了解認識有限,所以我堅持只能稱為有好感
(就係有好感先會令我想認識佢地多D )
3.我識A同B係因為同一樣野,而本來我,A,B,其他人係本身互相唔認識; 但日後大家gathering,我都會同時見到A同B
4.我本身一直只係對A有好感,一開始認識B已經對他冇好感,但係近來呢兩個月先對B有好感
5.認識左A,B之後唔多點聯絡因為唔同學系,甚至唔同年級,只係得幾次gathering,而A同B兩個也從來冇主動搵過我(facebook唔計)
6.之前同你們講既係B

好嘞,依家我想講既係A;
因為咁橋我上堂用既課室,上一班用既人係A,
所以黎緊呢個sem,我個個禮拜都會見到A一次,
而我踏出左第一步主動sms他,
諗住撩下他傾計,
點知.........原來他係冇save低我電話!
我肯定他之前有我電話no.,因為嗰時因為某樣野我們要contact,
他當時仲曾經問過我個電話no.係咪我既,
但.....原來.....他係冇打算save入自己電話度:smile_24:
係我sms左他,他先話要save低

其實我只係想在FB 的NOTE 留言, 並限制只有他一人才可以看到.
至於講咩呢? 我只係想講返我的感受, 例如, 我避佢都避得好辛苦, 我為左唔比佢見到我, 我唔去PANTRY入水, 每日飲隔夜水, 我去厠所要繞路行, 佢行過我扮專心做野望唔到等, 我都想比佢知( 但想比佢知的原因, 我連自己都唔知), 我亦想講講我的感受, 例如我SMS 佢, 佢唔覆, EMAIL, 電話... 無回應.... 等 (但我自己都唔知講黎做咩)... 就係想講這個而已. 你明白我嗎?

另外, 都問問你, 佢就快生日, 我日行過舊書店, 經過看到第一本書書名係" HAPPY XXXX (佢英文名)", 我朋友叫我買比佢做生日禮物, 目的只係JUST FOR FUN 喎. .... 我本來完全無想過送比佢, 因為我生日佢都無送, 佢連在FB 留一個行貨的生日快樂也沒有, 所以無唸過送, 要的話都係上年寫好又未送的生日卡, 今年加返個年份而已. .... 但朋友叫我送, 話好得意, 咁又係, 本書好難得, 係本兒童書, ...... 若果你係我, 你會送嗎???  我不知怎樣做好?

A 會唔會專登看看你反應呀?
因為我自己都試過, 當他叫我打電話比佢時, 我就問佢攞電話號話, 但其實佢之前比我時, 我已SAVE 低左, 當時佢仲話" 比過你啦", 我仲專登答"係咩? 無喎",  我係專登咁講的. 目的係想看看他的反應.
我估佢目的都咁..... 你話呢?