剛剛發生了件小插曲，急不及待講你知佢白痴野。午飯後佢行過我位，平時我會低頭扮見唔到，可能佢都習慣左。但今日當佢行到我前面時，我突然站起身，其實我想入老闆房。佢可能以為我搵佢，佢笑到好開心見牙唔見眼咁望住我仲停晒腳步等我咁，我無理佢，望一望我笑。佢就慢慢向前行. 佢可能唔肯定我係唔係搵佢，所以頭繼續向前行但頭就向後望住我。
哈哈，係咪好低能呢？

嘩~你真係有d似我~
我之前失戀又係搞到唔想番學(雖然ex唔係我同學)
係冇動力做其他野
不過你咁樣唔得,唔可以少少野就唔番工,
唔可以好似我之前咁!
你要慢慢focus番工作!
要有事業心!
加油!:smile_o06:

我感受到,你可能覺得呢d曖昧有d甜蜜或者開心,
什至因為呢D而成日諗佢會唔會真係鍾意自己..
不過,作為旁觀者,
你們都暖昧左咁耐,
正確d黎講,係佢做D小動作都好耐,
如果一直冇進一步,冇明示D咩,
咁樣對你只會變成折磨,
什至令人懷疑,他只係玩野,
所以,我覺得你應該調節自己心態,
連呢D曖昧/小動作都唔hei罕唔鍾意,如果你決定死心,
當然可能我誤解左你心情啦,可能我估錯,
anyway,等你再傾!

你真係講得啱呀, 我雖然已下定決心離開這段曖昧關係, 但又唔捨得那種甜蜜的感覺.
好似今日咁, 即上面講的LUNCH 事件, 我見佢望到我時那種開心的表情, 我的確有點滿足感.

其實下午, 我在會議室門口都見到佢, 我沒有和他打招呼, 後來他見到我, 就係咁望住我, 雖然我有避佢, 但見到佢咁想望我時, 我都忍唔住由心笑出來.
就在那一刻, 真係有甜蜜的感覺, 所以若你問我, 我可以答, 我未必唔捨得佢, 只係唔捨得由曖昧而來的甜蜜感覺.

今天的事件, 令我忽發其想, 星期五的合作, 我可以主動和他講野, 只限公事, 等佢估我唔到, 開心一陣..... 哈哈, 不過講真, 我驚我表現得唔夠自然. 到時面紅, 口窒窒就現形了.

死啦, 本來表現得好好, 突然又因為佢D 望望望搞我個心又唔定.... 點好呀!

放心啦, 我唔會唔返工的. 但以前開心時, 係就算病都想返工, 最憎星期六日, 因為見唔到.... 而家... 你也是這樣的嗎? 正常嗎?

未發生那件事前, 我一入這公司, 我第一二日返工, 佢已經不斷約我食飯, 記得佢話" 你無帶飯, 不如跟我食啦", 但我無同佢食過. 仲有, 由於我坐近影印房, 所以佢每逢影印都會走過黎同我講野, 佢其實都幾低能白痴的, 講少少你聽啦, 有次佢影完印, 過黎問我借釘書機, 話"你黎左, 肯定好多人好開心, 因為有釘書機用", 跟住坐我隔離位個男同事聽到就同佢講 "其實我都有釘書機架", 好搞笑囉.

當時佢成日走過黎同我講野, 行過都好似而家咁望我, 只係當我見佢望我, 我會同佢SAY HI, 後來一次, 食完飯, 第一日仲好地地, 第二第三, 到第五日佢當我好似仇人咁, 自此我沒有再和他打招呼了. 還有一次, 在影印機等影印, 我同佢講野 (都係講部機), 佢唔睬我又唔望我, 我拍了他一下, 問佢做咩唔睬我, 佢竟然偷偷在笑, 問我"你做咩打我呀", 我都唔明佢做咩, 又唔答我, 問多佢兩次就偷笑, 好無聊, 就係咁, 之後我地都無咩講野, 有時一大班人training, 我都無同佢講野, 雖然如此, 佢放工都會同我say bye 的. 但, 自上次我約佢, 佢無覆我之後, 佢放工經過我都無望過佢一眼, 以一句bye bye 都再無機會講了.

連我隔離位同事都好嬲佢咁, 所以都唔理佢, 佢再也沒有機會借任何人過橋同我講野. 哈哈.

八字呢, 其實連我自己都唔知, 所以比唔到你.
個位呢, 我後面係影印機, 碎紙機等, 但我同影印機之間係有幅實牆的, 且, 每人有一個到腰的書櫃, 個書櫃就放在我椅背後, 櫃後就係牆, 牆後面就係影印機囉.

至於我前面呢, 就係條走郎, 不是直衝過來, 條走郎係由右至左, 或者係由左至右的通向, 走郎另一邊係老闆房, 間房門又唔係對住我的, 哈哈. 明唔明呢？
至於方位，我唔記得查下, 等我明天返去看看先.
有咩高見?

其實, 既然阿 hate 妹已經覆咗妳, 關於點樣放低佢我就唔多講勒 ~

但有樣野我想講, 佢一見到妳笑, 就會以為仲有得"傾" ~ 而妳又更難擺脫佢 .... 因為妳享受緊麻 ... :smile_45:

當然, 妳能夠攞佢黎笑, 某程度上已經係進步咗, 只係同我建議o既路線(即係淡)唔同啫 ....:smile_13:

妳要小心, 妳選擇o既呢個方向, 要令妳更在佢o既存在...
所以唔講得上係擺脫, 但就能夠將佢移去妳心裡面另一個房, o係一埋令妳討厭/看不起o既人士當中 ~ :smile_44:

呢個方法係比較易做到, 但不過, 由於佢仲o係妳心入面, 如果把持不住的話, 好容易又會再將佢又唔知移咗去邊間房, 要小心 d, 關好妳呢間房門, 知冇 ? :smile_38:

八字上網就 check 到, 只要妳知自己出生.年.月.日.時.就得, 最難就係"時"啫 ... 就算冇都推到 d 掛 ... :smile_o10:
以前有冇人話過妳五行屬咩, 咩用神之類呢 ?
有冇話著咩色衫好運 d ? 邊年運氣好 d ? 之類之類 ....

妳雖然用咗咁多字黎形容妳個位, 但最好就有圖啦 ~
有幾點係必要知o既 :
妳公司整體o既大門方向, 入伙年份, 妳個位o係公司整體o既位置;
仲要妳個位o既出入口相對妳個位o既方向位置, 電腦o既擺位 ...... 之類 ~ :smile_13:

不過, 睇落起碼都總算有靠山, 最大問題就係多人經過妳附近, 令妳易分心啫 ~ :smile_o01:   

睇黎, 佢對於妳o既關注, 好大可能係源自妳o既外表, 而唔係妳o既內在 ... 佢 ~ 咸濕在先勒 ~~~ :smile_o14:

...

(話時話, 我以前都同我果個好靚o既女同事講過差不多o既野 ... 因為佢真係幾靚, 而我呢行又多數男性居多 ....
果時有 d 同事擺位都仲要特登擺到望到佢, 話做野都做得開心 d 喎 ~ :smile_o11: )