就算妳幾唔了解佢, 都總比我了解佢麻 ~ 我講o既都只係一 d 可能啫 ~
其實, 到時佢真係會點做都唔知, 我都係果句, 俾定 d 心理準備妳麻 .... :smile_13:

....

妳地成日話唔明點解 d 男人咁鍾意拖拖拉拉 ...
其實, 我都唔明點解妳地 d 女人仔咁鍾意唔甘心, 要駛回馬槍, 返轉頭伸人一腳 .... :smile_39:
講真, 俾妳伸完又點, 俾步妹令條友鍾意咗佢又點 ? 咪又係自找麻煩 ... 男同女之間就係咁 ~ 來來往往一個煩字 !! :smile_27:

諗落都係我好, 做一個半男不女o既怪人 .... :smile_44:

hate 妹, 妳此言差矣 ~

如果我周圍溝女, 昆女上床 ... 妳就周圍爆我o既衰野, 等 d 女唔上當, 妳係講"事實"呀, 但就算唔算唱我丫 ... ?
又或者, 我果度得果兩寸, 仲要硬唔到, 又得三秒鍾 .... 妳又周圍講妳認為o既"事實", 但又算唔算唱我丫 ... ?

唱就係周圍講, 話之係咪事實丫 ~ 妳都係得罪咗我, 我就自然有報仇o既心 .... 妳 ~ 都係小心 d 好 ~~ :smile_38:

咁多人, 妳做咩偏偏要搵佢陪妳訓呢 ? 呢個只係"甘心"有幾重呢 ? 會重得過"真心"咩 ??!!
無謂去走鋼索 ~ 自找麻煩麻 ~ :smile_42:

哈哈~我都知你只係講定D有可能發生的處境比我聽
不過咁,我又冇諗過要唔甘心要駛回馬槍,
正如我所講,如果我要引番佢,贏面細,所以我根本冇諗過要令佢鍾意我:smile_42:
話伸佢一腳,已經同之前既恩怨毫無關係,
只不過佢話訓覺但手多多既話,唔通我唔比response佢由得佢咩?:smile_45:
我呢一腳唔係處心積慮既報復黎ga,
只係諗定如果佢想搞我既時候我會點對付佢啫~:smile_44:
如果佢真係正如佢所言,只係訓覺,唔會攪我,咁咪唔會比我伸一腳囉~:smile_30:

睇到嗰句,笑左:smile_30:
佢就算有復仇之心,我都係睇死佢做唔出d咩ga 喇~:smile_44:
不過都多謝你提醒我
俠兄,唔係我搵佢訓,係佢搵我訓,
佢之前都有用呢個理由搵我,我reject過,
之後佢都有不斷搵我,但又唔係次次都係講sex既,
10次有兩三次啦~
不過佢就算唔講sex,同我好似朋友咁吹水都好啦~
我覺得佢都只係想吊住我同令我放下戒心,
到頭黎都係為sex:smile_42:

至於今次我應承,
我講過,我係想比理由自己做得絕,
本身無段白事我都唔想做到無彎轉冇朋友做,
但係如果佢今次呃我(係好大機會),
咁我就有好強理由比自己去得盡,
同佢連朋友都冇得做;
因為我唔想佢再黎煩我!

之於其他可能性咯,例如利用感情,咪同佢玩下囉~:smile_42:
我話可以拍拖唔比搞睇佢仲會唔會自動消失~?:smile_34:

你地約係邊到見面？
不如你唔好去啦！曾經聽說對付男人最好的方法莫於當佢無到，不聞不問，你今次見佢我唔知佢會點對你喎，例如影你相威脅你等。有點擔心你啊！
俠兄，你點睇？

唉 ~ 講到尾咪又係果樣 ~ 點解要讓呢 d "如果" 有機會發生呢 ?? :smile_39:
唔知係妳講極都唔明, 定係我講極都唔明勒 ~ 家陣 .... :smile_27:

哼 ~ 人地太擔心妳, 一時手快打咗我o既"一半"私隱出黎, 妳居然攞黎笑 ....  
妳叫我以後點見人呀 ~~~~ :')

唉 ~ 妳真係對妳o既睇法咁有自信 ? :smile_41:
試問, 呢個世上, 有幾多個人o係犯法之前/做傻事之前, 周圍 d 人就已經睇得出佢會犯法/做傻事丫 ...
唔係咩叫"估妳唔到"呀 ?
可能, 佢自己都估唔到佢自己會點做架 ~~~ 唔係又咩叫"失控"呀 ?

咁多人過馬路唔睇燈, 都冇事, 點解我望住個綠色人像燈過都會俾車撞x死咗丫....
唔怕一萬, 至怕萬一 .... 世事難料呀 ~ 女 !! :smile_45:

sorry, 係我打少咗幾隻字 ... :smile_42:
我意思係 : 咁多人搵妳上床, 妳偏偏唔揀, 偏偏要揀佢呢 ? :smile_13:
唔通佢攬妳會特別舒服咩 ?
話之佢搵妳幾多次啦 ~ 用返妳果句, he is nothing ~ :smile_38:

我都想知佢地約係邊, 咩時候 .... :smile_41:

妳兩個真係好姊妹,
兩個都係識得勸人, 唔識得勸自己 ...
兩個都係識得同人分析, 唔識得同自己分析 ... :smile_42:

嗱, 呢個 post 黎黎去去就得我地三個, 我真係擔心妳地架 ~ :smile_22:

.....

一係咁勒, hate 妹, 玩得"吮核" d 丫~
妳俾我棟o係度睇住妳地訓丫 ~ 妳地當我透明得架勒, 我會自己上網 / 打機架勒 ~~~ :smile_34:
當然, 妳都可以搵返妳自己 d 男性朋友都得, 我講下啫 ~ :smile_44: