鍾意一個唔鍾意自己的人是不會有好結果
停一停　諗一諗　自己真的甘差　沒有其他男人會鍾意妳...

你千祈唔好做傻事呀!唔好再send e-mail比佢喇!
唔係他唔reply你你實後悔!!!:smile_27:
我覺得你依家只係處於想放手但又留戀既反反覆覆階段啫:smile_13:
所以如果你夠堅定,就唔駛再為呢個人煩
其實今日都一月五啦~得番今晚最後機會..
今晚都唔約/reply你,聽日都冇咩可能臨時約你啦~
不如你今晚開始比心理準備自己,
聽日就要block佢,要了結左件事同唔再諗佢唔再理佢!
聽日放假不如約定朋友出去玩好過啦~

你再send EMAIL比佢,講呢句 "不用覆了, 落畫了" ,
你都係想話佢知你好失望啫,
但你有冇諗過,如果他正如俠兄所言,
他D咁既人,
只會覺得你飛唔出他手指X,他佔上風,因為你好在乎他你鍾意他,
然後他只會一直keep住玩野,
直到你上吊為止(你同他上床為止),
你係咪想咁先?

你要愛情既,放開雙眼,比他好條件又令你有feel既,
大把啦!
何必為佢呢D低智賤男(又想食又唔想負責)浪費時間?
同朋友去wet唔好?

你當局者迷啫,到你抽離得到,
你就發覺自己做咩咁傻呀?
就憑他D咁既人?咪玩啦!

哈哈~唔知逃避係咪大部份男人既共通點呢?
在我女仔角度黎講,
一個男人我約他睇戲,唔睇唔緊要,
但覆都唔覆就咁offline,
咩解釋都冇,
咁他既"逃避"都係一種表態啦,
就係他根本唔在乎我,唔理我感受,
一個唔理我感受既男人,
一定唔會愛我,
唔係鍾意我囉~

步姐姐,hope你明白啦:smile_o06:

講開又講,
我之前都咪話同你差唔多既~?
我鍾意左一個唔鍾意我既人,
仲要又係已經同他有sex在先,
不過係我自己衰,鍾意左自己sp,
同他做做下sp突然對他有feel..
我都經歷過又想斬攬又唔捨得呢個階段ga,
但後尾有一日我突然醒喇,
知他冇可能鍾意我唔駛再發夢..

有次我同他have sex完,喺他屋企,大家一起走一起落樓,
本來兩個人嗰陣都好親密,
但一去到有其他人既地方,
他好有技巧地同我行到離行離遠(其實之前都有兩次係咁),
初頭我都唔為意他特登咁做,
我仲行番快兩步同他一起行仲同他講野,
但他就好似聽唔到好唔想應我唔想同我講野咁,
他答我都唔係望住我講野..

嗰一刻我心裡面明白,他唔想比人見到他同我一起,
他唔想比人知他識得我!
因為他有fd同他住得好近,他唔想比他fd見到他同我一起,
而且他都識得好多住同一條村既人

但我既想法係:
咩事呀你!?
我可以理解,sp關係他未必想所有fd都知,
我自己都唔會隨便話比人知,除了某D close fd外,
但,你唔講,人地就算見到我們行埋一起,
人地都唔會知個囉~
只會知我們係朋友啫(我同他本身真係朋友,但唔熟)

你咁樣做,係咪即係連朋友都唔想承認我係??
咩事呀?
我係咪咁失禮你呀!?
我假假地都樣靚身材正,唱歌又好聽呀~(請原諒我自大一下)
我真係唔明他咩事囉~
我駛唔駛受你D咁既人咁既態度對待?

最好笑係,大家散band後他又喺sms到回復番他D"熱情",
但我唔會再上當了!
他唔鍾意我唔緊要,係我自己唔識玩sp遊戲自己過界自己衰,
但係我覺得我好歹都值得比人尊重,比人當係朋友囉~
所以嗰一刻,我雖然仲留戀,但也都嬲到有動力斬攬

然後幾日後同一個人傾計,
她講左好多說話點醒左我,
最記得既係: 其實你鍾意他d咩啫!?
而我,啞口無言,根本答唔出..

而我同他say bye bye之後竟然冇掛住他冇諗起他,
比我想像中快得勁多咁放低他!
個感覺抽離左之後,
我都唔信自己之前鍾意他..
我會覺得: 唔係呀話?

所以,hope你可以了結他啦~:smile_o06:

我今日放假呀, 但成日想著他.
我想再EMAIL 佢唔係想留戀D 咩, 我係想斬, 我怕自己唔夠堅定, 所以想同佢反面, 反左面, BLOCK 埋佢, 自此我唔會再理佢, 亦唔想比一條後路比自己. 我連稿都想好了 "其實你唔想睇套戲, 或者不陪我看, 大可大方D 回覆我(暗串佢小家), 何必這樣? 我SMS, MSN & EMAIL 你, 你都係沉默, 我而家至知我是這樣令你覺得討厭. 如果話你用沉默來磨滅我對你的好感, 那你成功了! P.S. 不用回覆, 已落畫了" (落畫不單指套戲, 而係我同佢)

但出唔出都未決定到, 心大心細, 所以至上黎問下你地, 我而家等到12點就BLOCK 佢. 其實我好想鬧佢好小家. 真係好想. 仲有叫佢唔好再望我, 唔好再跟我. 唔好再做小動作, 及在公事上搞咁多野, 等我同佢有合作的機會, 我唔想. 既然佢唔覆我, 公事上我都唔想同佢有任何瓜葛.

你的故事很精彩, 但個男仔又真係... 其實話係普通朋友都得架, 咁即係佢有正印啦. 否則佢唔會咁驚咁. 我覺得你好堅強又好堅定, 話斬就斬. 但佢之後仲有無搵你, 你有無同佢講清楚, 定那晚之後, 佢SMS 你你唔睬佢就算呢? 你地平時不會見面的嗎?? 這個我比較想知. 尤其係斬斷的過程. 要學下野.

我同你剛剛相反, 在FB, MSN & SMS 他好冷淡, 好似唔想傾唔想講咁, 但當我地兩個一齊時, 或者無咩人時, 即使在公司, 佢同我都好親近, 例如大家一齊搭LIFT, 架LIFT 都無咩人, 但佢都會企得我好近, 好貼, 等LIFT 時又係咁, 我試過好多次, 好似比全世界知我地有野咁, 但確實我地又無野喎.

我真係唸唔明? 尤其男仔的逃避.
其實女仔真係好煩, 同個男人咩左好易中意左, 之前我都無咩野, KISS 時, 我都知我唔中意佢, 但之後無啦啦又好想同佢一齊咁.

而家, 我有點憎自己.

哈哈~我覺得你咁講都幾好喎~又串佢小家又暗示你們game over:smile_30:
既然你咁做係為左斬攬,自絕後路,
有決心一刀兩斷,我好支持你!
唯一擔心既係唔知他會唔會公開你send比他既e-mail比其他人睇,
或者唔知攞黎做d咩野,要小心小心!:smile_13:
俠兄快D上黎講解下男人睇到會點諗~?

到你遲下抽離左,你就嬲都唔會嬲他,因為他係nobody,he is nothing:smile_30:

嘩~睇到你呢兩句:"其實女仔真係好煩, 同個男人咩左好易中意左, 之前我都無咩野, KISS 時, 我都知我唔中意佢, 但之後無啦啦又好想同佢一齊咁.
而家, 我有點憎自己."
真係覺得你同我之前好似呀!!
我之前又係明明覺得自己冇可能會鍾意他先搵他做sp,
點知冇啦啦鍾意左他,
我就好嬲同好憎自己!
因為覺得自己玩玩下搞出個大頭佛自己攞黎衰!:smile_13:

他當時應該單身既,呢個係他自稱,他有冇呃我就唔知了..
嗰晚之後,本身我都有同他sms既,
但後尾愈諗愈嬲,我就直接同他講sp關係結束,
他有問點解,但我當然冇講真正原因啦
他之後都仲有搵我,
但我已經好清醒,
知道他只不過想吊住我,所以冇受他氹!:smile_34:

我們唔同學校,所以冇咩機會見(呢個也係加快死心的原因)
但就住得超近:smile_27:

好多謝你支持我呀, 不過男人同女人的看法不同, 看看知輸俠看法先. 有你支持, 加強了我SEND 的決心.

係架, 我都覺得同你的情況好似, 只係佢在網絡世界較沉默, 見面時就熱情一點. 但比我, 我寧願好似你那個他咁, 起碼得閒可以傾下計, 消磨下時間, 好過我咁. 加上, 我地係同一間公司, 坦白講, 真係有點辛苦, 我唔想佢再黎搞我, 既然我主動了, 他亦無反應, 唔明佢點解仲要搞D 小動作. 我地都曖昧了一年了. 佢要玩都玩夠了. 其實我之所以有SEND 一個EMAIL 比佢, 唸頭係源自一年前的今日, 因為公事上的誤會, 我以為佢出賣我, 但我沒有怪佢, 只係唔睬佢, 佢在晚上二點幾, SEND 了一個SMS 給我, 內容係 " 比朋友話我出賣, 感覺難受至極, 我想大家應該保持距離, 以免人家說我出賣朋友"

其實無論佢有無出賣我都好, 我也是受害者吧. 但無論點, 我都有同佢SAY SORRY, 後來大家關係都OK, 仲親熱起上黎, 而家唸返, 都唔知佢係咪專登引我. 但我就絕對無引佢的意思. 因為我真係好嬲, 佢不斷在FB POST 一D 似係比我的野, 講埋D 無謂野, 又做D 小動作, 等我以為佢有意思, 只係無膽, 所以至引到我出手. 唉! 點知.... 我真的很後悔了.

係呢, 你和他住得近, 有無碰過面? 見面如何? 點解你唔同佢講因為佢咁對你, 你至走人??

講真, 其實我唔介意和他咩, 我都想同佢咩一次, 只係佢而家咁, 可能佢都真係唔想. 但而家, 我唔會了, 我唔想益佢.

唔好意思, 果 D 時間, 我多數都唔上得黎 ... :smile_44:

其實我未睇晒妳地講咩, 但見到妳呢句, 都係快快回一回妳地先 ~~~

步妹, 千祈唔好 SEND EMAIL 過佢呀 ~!!:smile_38:

妳話我話啦 ~~  :smile_34:

轉頭先打埋個原因 ~