回憶1 http://www.188channel.com/viewthread.php?tid=13237730
回憶2 http://www.188channel.com/viewthread.php?tid=13248476

有睇過既人都知道我有玩過豬多金, 其實之前係豬多女玩得耐左開始慢慢識多左人 而有一班人識耐左都有定期既飯局同酒局既而佢就係呢班人入面既其中一個-呀S
同佢既認為係由於我八掛去左佢個post度傾計咁其實都係吹下水講下笑為止 傾耐左其實自然開始傾下msn 咁當時佢有時都覺得幾悶所以我每次有gathering既時候都會叫埋佢出黎日子耐左 有時佢都會單獨大家食下飯不過由如至終都唔覺得同佢會有任何既野會發生

直至有一段時間佢經常會喺同我傾計當中講下自己同佢老公之間問題有時佢有意無意之下都會講其實自己都想搵個男人可以搵番拍拖同戀愛既感覺

呀S: 唉 同佢耐左好多野都變得老馮咁 有時真係覺得幾悶架
我: 咁你可以搵下你啲朋友出去或者多啲join我地既活動架
呀S: 同你地去玩唔係唔開心不過我覺得我需要既唔止係咁樣囉
我: 哈哈哈你咁講係唔係想同我講你想搵番個秘密男朋友呀?
呀S: 又唔可以咁講既不過其實如果大家都對對方有感覺又可以搵番拍拖既感覺都唔錯架
我: 咁你有無target呀? 要唔要我介紹啲俾你呀? 哈哈哈
呀S: 未有喎 呢啲野都係順其自然啦
我: 我都唔錯架你可以考慮下架 哈哈哈 講笑咋
呀S: 咁你又唔算好差其實我有諗過架 不過同你之間既feel未算係好強烈囉
我: 乜你咁睇得起我呀哈哈哈
呀S: 至少同你咩都傾得麻

就係咁, 同佢之間就多左傾一啲感情問題包括我同我gf同埋佢同佢老公之間, 而且有時都會傾下一啲sex既野添. 佢會知道我同我gf唔係成日做而我又知道佢老公好想同佢有小朋友. 有時我會八掛問下如果佢真係搵到要搵既人, 會唔會只係會上床之類, 而佢就話我知就算食個飯可能都已經好滿足因為起碼可以真係有一個拍拖既感覺.

以後每次都會打好短既啦, 咁可以又係另一種樂趣俾你地

[ 本帖最後由 Ricko 於 2010-11-22 09:56 PM 編輯 ]

咁其實每日都只係可以返工放工時間先可以同佢傾, 不過傾耐左我發覺大家對大家都開始有少少微妙既感覺, 例如我會唔捨得佢offline, 佢會同我講有啲想見我啦. 不過唔知大家之間係因為熟左定係其他原因, 大家都只係喺msn表露多少少自己同對對方既感覺.

記得當時佢同我都要返星期六, 而大家要返星期六既人都知其實星期六返工都唔係有太多野要做. 咁好多時都會同左大部分時間同仍傾計. 有一次傾傾下

呀S: 今日好悶呀, 放左工又唔知去邊度好
我: 去行下街囉, 不過我一陣都去科學館睇天文電影, 陪唔到你啦
呀S: 車, 你可以叫埋我一齊去睇架
我: 呢啲咁悶既野, 唔係每個人都接受到架麻
呀S: 你會幾多點去呀? 睇下我可唔可以join你呀
我: 我會睇兩點幾個場囉
呀S: 咁我應該趕到喎, 不如我陪你睇呀
我: 你係唔係真係唔怕睇呢啲野架?
呀S: 係呀, 講左就係架啦
我: 咁我到時買埋你飛架啦喎, 唔好放我飛機呀
呀S: 你又唔係第一日識我, 點會放你飛機呀, 見你到見唔切啦
我: 但係你唔洗返屋企陪老公咩?
呀S: 佢今日有野做無咁早放呀, 我又唔想一個人出街, 有你陪我不知幾好呀
我: 哈哈哈 係咩? 陪埋上床咪大件事
呀S: 你想咩? 好呀
我: 唔好講笑啦
呀S: 哈哈哈
我: 好啦 咁你一陣出到去打俾我啦
呀S: 知道啦
我: 咁一陣見啦

一點左右放左左之後我就自己搭車出去買飛, 而佢亦都好準時兩點前就去到搵我. 我地大約等左15分鐘左右就入左場. 其實套戲已經唔係太記得佢講埋, 只係同佢一路睇一路咬耳仔咁傾計, 好親密, 有少少似情侶拍拖一樣既感覺. 睇完之後

呀S: 跟住去邊呀?
我: 無諗呀, 其實如果你唔係話一齊既, 我諗住睇完就返屋企休息下架啦
呀S: 唔好啦, 陪多我一陣啦
我: 都可以既, 不過你想去邊呀?
呀S: 你唔係話陪埋我上床架咩?
我: 哈哈哈, 你都知我係講笑架啦
呀S: 試下你係唔係真係咁咸濕咋傻佬
我: 咁你想去邊呀?
呀S: 不如你陪我搭車啦
我: 都好呀, 當係遊車河

咁我就陪佢搭巴士返屋企, 搭搭下既時候

呀S: 我攰呀, 借黎訓一陣呀
我: 好呀
呀S: (訓左落黎之後) 你覺得而家我地似唔似拍緊拖呀?
我: 哈哈哈, 少少啦
呀S: 咁不如...
我: 我地開始拍拖好唔好?

佢冇答我, 笑左一笑. 之後就拖住我隻手繼續訓. 巴士到左站之後, 佢唔想我送佢去樓下因為其實始終唔係太好. 咁佢就教我點樣搭番車出去之後佢就返屋企, 我走之前, 我同佢都有俾大家一個goodbye kiss. 由嗰日開始, 我同佢正式開始左一段秘密既地下情, 人稱SL.

師兄, SUPPORT, 好有拍拖既感覺呢.

都可以咁講架
雖然唔可以俾人知
但係個感覺好sweet囉

好有心靈雞湯feel ar......
我會再等.........

心靈雞湯? 我又唔覺喎
其實每日四圍都發生緊架啦

你呢D經驗真係可遇不可求, 有時係平淡生活中有D excitement, 真係唔錯.

咁講啦
生活平唔平淡真係睇下你自己啦
有人生活多資多彩都可能好平淡架

好似搵番一d遺忘咗既感覺咁樣...:smile_o12:

可以咁講啦 其實真係拍拖耐左始終都有淡既時候囉
想搵番拍拖感覺都係正常既