成日睇人地D故事覺得好有趣, 其實心諗都想分享下自己既故事
今次係小弟第一次開POST, 分享自己既經驗, 所以專登開左個新AC
話說2年前(小弟宜家20歲), 個時岩岩讀完中五1年,
出黎讀其他課程, 見到身邊同學個個都有女朋友
自己就從來未拍過拖, 只係中學時代比D女仔撩下咁,
我心諗自己個樣都唔差呀!所以個期就勁想拍拖...
跟住就上網去下各大論壇睇下邊到識到人, 個時我成日係人地POST度留言...
咁有一日係我MSN度有個女仔主動ADD我, 我見係女仔就緊係接受啦
我問佢係邊位, 佢就話係論壇度見到我個名, 覺得幾型, 所以就ADD左我
我心諗係咪呀? 個名覺得型都ADD? 不過唔理啦...傾下冇所謂
(叫佢做ICE啦)
呢個女仔係一個雙失少女, 我記得好似18歲, 讀書讀到中二就冇讀, 工又唔返, 不過住得好近, 同一區
傾左一陣之後, 我就問: 點解妳頭像冇相既
跟住佢好快就SO左張相出黎, 我一見到
我:嘩....有冇咁靚女呀, 成個嫩版林志玲咁
心諗肯定用假相啦..
ICE: 真係我黎架
跟住我就諗一定要見見呢個女仔
ICE: 妳呢? 我又要睇妳張相!
其實我唔自拍既, 所以冇相比佢睇...
我: 我? 我宜家冇相喎
ICE: 妳影比我咪得囉...
我: 唔好啦, 我屋企好核突架...個背景唔靚
其實我搵藉口想推左佢
ICE: 唔好啦...比我睇啦
我: 得, 聽日先啦..
ICE: 好, 不過聽日一定要睇到架喎
之後我個晚真係影左比佢睇...
後一日佢又ADD我啦
ICE: 點呀...今日有冇相睇呀?
我: 有...
其實我覺得影得唔靚, 不過冇所謂啦
ICE: 幾OK呀, 幾靚仔呀...
之後我地傾傾下又交換左電話, SMS左幾日
終於有一晚, 我仲記得好清楚係中秋節晚上
我SMS佢, 我: 喂! 做緊咩呀?
ICE: 同阿媽行街囉...
我: 我都係街喎..妳係邊呀?
ICE: 係XX度
我: 咁近, 可唔可以見妳呀?
其實膽粗粗之前約個佢幾次, 佢都唔出..
ICE: 等我同阿媽行完街先啦..
之後我等左陣
ICE: 我係XX度呀, 妳黎啦
我見度開心到呀...我個時仲好純情, 第一次約到女仔
我第一時間走過去....去度之後我就打比佢
第一次聽佢把聲, 幾溫柔, 好女仔FEEL
我: 我到左啦, 妳係邊呀?
ICE: 我咪係度囉...
原來佢係馬路對面, 第一次見真係好似電影咁, 相隔一條馬路見對方
原來佢真係好靚架, 女仔黎講, 佢都幾高, 170CM
佢果日著左件白色短袖窄TEE, 牛仔熱褲, 佢隻腳好長架!
我就走過去, 同佢SAY HI
我: 喂! HI!
ICE: 呀! 原來妳係後面
我行左去度後面HI佢, 佢嚇一嚇
我: 我地去邊度食野呀...
ICE: 冇所謂, 妳話事!
之後我地就去左一間越南餐廳度食金邊粉
====================================================
Part 2
岩岩見到大家話要快D...咁我就SKIP左餐廳對話啦!
一跳就去到我同佢食完野, 我比左錢...
就同佢行下街, 睇下花燈
今年花燈真係好熱鬧, 好多人, 成條海皮都係晒人
我同佢迫迫下....個時我又純情呢, 唔敢拖佢隻手
行行下既時候, 有人HI佢, 我睇下係邊個
係另一個女仔, 同2個男仔
原來係佢D舊同學, 又係幾靚女, 叫FD啦...
FD: 喂! 好耐冇見妳呀
ICE: 係呀...妳又係度呀
FD: 妳男朋友呀?
佢個FD望望我...
ICE: 唔係呀, 都未拖手
我個時都仲唔明佢咁講係咩意思...傻仔到呢!
之後我地就去左行下公園啦,
其實都係為睇花燈姐, 冇諗衰野
一路行個時, 我望住佢又講下野咁
但係佢就好怕羞咁全程望下面黎行...
我問佢做咩唔望住我呀?
佢話佢好緊張.....= ="
之後去左一個可以望住無際吐露港既地方
我地企左係度傾計
我: 係呢, 妳之前有冇拍過拖架?
ICE: 有呀, 仲好轟烈!
我: 係點樣架?
(SKIP一大段對話)
我: 咁另一D男朋友呢?
ICE: 有既, 之前有過做髮型師既男朋友, 識左唔夠佢2日, 就話要上床
我: 咁妳有冇比到佢呀?
ICE: 咁梗係冇啦! 我想留返第一次比真正既人
我: 咁妳未試過啦喎...
ICE: 其實之前初戀個時個男朋友, 有同佢錫過, 我坐係佢上面同佢打車輪, 又攬又錫, 但係最終都係冇比到佢
個陣時我望住佢個咀, 真係好想錫埋去, 但係我咁猴琴, 人地咪會叫非禮, 傻左咩
之後我地又行返去屋企, 一路行, 我終於拿出勇氣
我伸隻手出黎, 佢問我做咩呀?
我話我想拖住妳行....點知佢話唔洗啦, 就到啦
哎呀, 我宜家諗返都覺得自己白痴架...
============================================================
Part 3
之後我就同佢一路行返去佢屋企樓下
我就話: 不如我送妳上去啦!
ICE: 唔洗啦! 妳送我到呢到我已經好開心
我: 真係唔洗?
ICE: 真係唔洗呢...
哎...果時我又真係傻傻地咁"嗯"左一聲
就望住佢上樓啦...有D感慨添
打後果D日子我都有同佢出過一次街
又係夜晚黎, 不過果次就有佢個10歲細佬係到
同佢細佬個FD, 跟住因為太夜, 佢阿媽仲黎接佢走添...
過左一排我同佢好似淡淡地消失左咁
有一晚2010年倒數, 我諗住係大日子....
所以我係倒數前十幾分鐘SEND左個SMS比佢
"2010年, 祝大家XXXXXXXX"
其實我講到明係祝大家既...諗住會冇咁突然
點知好似比佢識穿左咁....
佢覆返話
ICE: 妳係咪淨係SEND比我一個?
我: 係呀! 專登SEND比妳祝福妳架!
ICE: 噢....多謝, 妳宜家有冇拍拖呀?
我: 我....冇呀
ICE: 係咩?
過左果晚之後我都好少聯絡佢
之後有次同佢MSN
得知佢宜家係我個區一個商場既麵包店做....
不過我都再冇搵佢啦....
其實呢個故事冇咩SEX,
只係我原先抱住搵女朋友心態, 而發生與這個女仔既事....
最後送首歌比大家
http://youtu.be/VGXY25e_-lY
[
本帖最後由 Music_Club 於 2010-10-15 08:32 PM 編輯 ]
