因琴晚返夜更, 下午睡了, 所以而家先上嚟寫埋去
繼續
同另一個舊同事A撞番, 講起佢, 知道佢頭一年同老婆仲好地地, 喺深圳租屋住, 但每月出完糧就月月清, 仲喺香港碌卡借財仔死充, 第二年仲生左個女, 開支更大, 最後佢都頂唔住, 同老婆講叫佢出去揾工幫補, 成日為錢吵大鑊, 條女根本以為可以喺屋企做少奶奶, 但點知嫁著比個窮鬼, 當然, 我個舊同事亦要負番最大責任, 明知冇錢仲要死充爛充做乜鳩?? 明知大陸妹係貪錢, 點解當初唔一早解決去, 禍及埋個女!!
後來舊同事A知道佢前後爭人30幾萬街數, 唔計結婚問我地借嗰幾萬, 你話死唔死??
之後點, 我諗大家都諗到
佢老婆走左佬, 聽聞跟左個澳門佬, 叫做有d錢, 剩低個女比佢, 可憐佢老母又老又多病痛仲要幫佢凑女, 而自從佢老婆走佬後, 就意志消沉, 連工都唔返, 唉, 爭人周身債, 我都唔知佢點還!! 佢老母有時仲要落街執紙皮汽水罐幫補, 佢個女又慘, 甘細個就冇左老母...
以上是真人真事, 我聽完都好心up, 本來好地地, 但為左隻雞, 搞到自己爭人錢, 個老母晚年又過得淒涼, 個女又可憐冇老母...