你呢個流血現象，試下用小小力按實個流血位（唔好整痛自己），按大約5-10分鐘，應該可以止到血；正常真係會有少量既血水，呢D情況就盡量多D護理佢啦，見塊紗布太多血就換啦

準則既野，真係人人唔同，個個醫生都唔同；
沖涼係可以架，我Day 0都有沖涼，不過係用保鮮紙包住下身唔好整濕；
至於紗布，唔通污漕都唔換咩？衛生D好~

消毒藥水又係好depend on你既condition，污漕／怕佢發炎就用來清潔下啦~我至少一日一次

至於尿呢樣野，因為尿都真係有唔少細菌，可以既，換左件底褲啦；
或，整濕左少少就盡快吹返乾啦…如果傷口埋得好，基本上唔會有大問題卦~~

龜頭hole個位好似有d血水 <- 真係血水？定係尿？尿道有血水好似有D大獲喎…呢樣唔關塊包皮事喎……如果係尿，都冇計，盡量去印／吹乾啦

紗布既位置方面，只要keep住佢保護個傷口、又冇濕，就OK了，不用太擔心

認同，真係要勤力D！

係呀...唔知膠圈定膠條(像筋咁既粗幼)，係腫位左右2邊，伸延到彼面焦位度...後日睇E生問返佢咩黎先,,,
係呀，我條JJ感覺好似有內傷咁...，骨子裡會有陣痛...。直頁好似有針留左係入面，得閒拮你一下咁...

唔該師兄...其實我見唔到塊紗布多唔多血...因為塊膠布遮住哂.... 但我會盡量換. 其實我都未見過個傷口係點, 因為今日第一日係個醫生幫我包既..

我都知尿有血好大件事, 我一向都無...我懷疑係個包皮傷口? D 血滲入去姐..我亦唔知個傷口位起邊... 我真係驚痾尿果陣整濕...但應該唔會掛= = 我抹左好耐架每次都...

我同你一樣...不過我係手術後第2個朝早。起身見到龜頭口有血水(果時我都驚入面係咪有事，果晚扯得好勁...好緊...)之後印走佢，到而家已經冇再發生同樣情況...

印極都印唔完，唔夠乾，我都係，我建議你當自己係女人坐係度痾，因為你條JJ係咁向上，痾完之後(未痾清)就攞返向上，D未清既尿會湧隔一陣去返龜頭口。
你試下坐係度JJ向下痾，痾完印乾再用風筒/風扇吹乾佢先攞返向上。

[ 本帖最後由 sotrouble 於 2010-7-13 12:11 AM 編輯 ]

唔該你 真係唔知要幾耐先搞得掂...
好難真係吹得乾佢呢..廁所無風筒...但我唯有盡力啦....

我果時都係話一次過做埋啦,還點都係要做落

怕比屋企人知咪掉咗條底褲囉有血水滲都好正常,可能你會今日早上都有啦
我就早晚換一次,間中如果去小便時有整濕D紗布咪再換囉,因為姑娘話千其唔好比小便濕倒,
如果濕咗就一定要換:smile_15:
其實最唔舒服都係早上勃起果時:'),但無辦法啦!!!!
e, ching 比較一吓先,你埋單幾錢呀???

7130...佢比果D紗布係正方形既, 點包住條JJ呀?! = =

至於我真係無整濕, 係濕都係D血....但佢CONSTANTLY 有血流既...咁點算...

我尋日割, 今朝訓醒, 成條底都係血....龜頭近傷口直情有D KING乾左既血添...
我知尋晚訓覺有扯到...食左藥都抑制唔到...但而家我個傷口勁痛....岩岩換紗布都超痛...

差不多啦,我都係$7000,因我見其他ching成 8xxx 喎,貴咁多??????????
D紗布可以打開的,用消毒藥水清理後,印番乾,用紗布圍住JJ個傷口一個圈就可以ga la, take it easy
有滲血都係正常的,因此終都有個傷口,同有扯旗,忍吓啦:smile_24:
陳醫生開D控制反應果D藥,我食咗後D反應少咗喎,你再試吓啦,
佢係少咗,不過就唔係無喎!!!!!!!!!