見過有成功例子，睇你彩數啦！

我發覺條條女都係講差不多的故事...

我每次去食快仔,條女都話過左深圳幾日,o岩o岩做..

懵仔,唔好柒懵懵扮救世主啦,
國內有成千上萬咁嘅女仔,:smile_30:
你幫得邊個:smile_41:

有Feel就去馬啦，如果你係喜歡佢就唔雖要計較計算太多，講感情一定要有一方先付出，計得來就慢你可能後悔一世，無論將來結果係點，最小你今天勇敢地沉船過，祝你成功。

CHING你錢多咪幫下人地LO,不過咪認真SN女多是分手的小心小心!!

師兄，我係過來人，俾 D 意見你，也是我親身經歷。

我先講我自己，我今年三十幾月入過二萬，工作穩定，可以說是正正常常的一個香港七十後男人。我和你一樣都是在 CA 某 K 場識到我老婆，佢當時才二十歲頭。對，現在是我老婆，已婚已兩年並有一個女，個女在香港出世是香港人。現在佢排緊單程證來香港定居，所以在拿到單程證之前都要用雙程證來香港和我們一起住，不過上年開始有新政策，如果在香港有細路，雙程證簽一次一年有效，比之前三個月一次方便好多 (德政呀﹗)。大致上我個情況係咁，但我想講o既係我結婚前後面對過的問題，俾大家分享下。

我們開始後佢都係住 CA，要見面一係佢去 SZ，一係就我去 CA，但多數都係我去 CA，一星期一次，我住就住酒店，因為佢住o個到無冷氣，其實真係幾辛苦，所以開始一個多月後我決定在 SZ 近落馬洲租了樓俾佢住，五十多平方米租金一個月 2300 人仔，是小區新樓，環境仲好過我在香港那間..... -_-"。除了租金外，還有她的生活費，我一個月給她 3000 人仔，佢會寄 1000 回家，一般我和她在一起的時候錢也是我出，所以她說錢都夠用，當然佢有時出街買o野用多o左我會俾到夠，總之一個月屋租 + 雜費 (水電煤電視費等) + 她洗費 = 7000 - 8000 人仔左右。還有我唔想佢平時一個人悶，所以在 Weekday 報了一些 course 俾佢讀，有英文、粵語、跳舞等等，總之俾佢唔好咁悶又可以識番一 D 正常朋友，學費 2000 人仔一個月左右﹗不過每月這 2000 幾值得，一來可以豐富佢知識，二來真係識到一班正常朋友令佢容易重投正常生活﹗即是在 SZ 只用在佢身上已經大約 10000 人仔，即是 HK 11500 咁上下。這種生活維持了一年多，期間我們回過佢老家兩次，唔講邊到喇，總之飛機 + 火車 + 巴士一程要花十幾個鐘先到那種，勁辛苦， 第二次回佢老家時我就說想結婚了。

婚禮在香港搞，我家人要大搞，但因為女家親人朋友根本很難出席，所以只可以辦男家，而外父外母和她幾個 SZ 識的朋友 (做姊妹) 有來香港，結婚都是早上註冊晚上酒店請飲o個種，結婚前前後後花了十五萬左右，好彩酒席回到本:smile_40: 。結了婚就可以拿雙程證，可以下來香港住所以不用再租 SZ 間屋，不過三個月要回大陸一次辦證，這段時間就去朋友家幾日等證件辦好再下來。婚後生活不談太多了，就是有了細路咁...... 現在生活開開心心，就是一個正常三人家庭。

其實歡場是有真愛，不過要得到真係要有比較大的付出和耐性，錢是最大的問題，因為妳要養埋佢，仲有佢屋企人，試過佢屋企人突然要錢用，最後都係我俾 (只試過一次，過萬)，好采外父外母在老家有自己經營店舖可以自給自足但不富裕，所以現在都係寄 1500 - 2000 人仔俾佢地就可以 (老婆話事)。其次是佢生活所面對的問題，外省人來到廣東其實會好唔慣，仲有要幫佢重投社會才最煩人，可能有些女女習慣了夜生活，突然要佢過正常人生活佢地會非常抗拒或難以適應，這需要你慢慢幫佢，基本上你要預o左同佢一齊之後時間先要俾晒佢，好似我咁俾佢返o下學都是好方法，還有佢和你一齊之後，佢可以依靠的就只有你，所以到時佢面對的問題你都要硬食。仲有你要面對你家人會點諗，曾經很多人問我點識我老婆，因為我做o野根本不用返大陸，識我o既人就知我非常討厭大陸的一切，我家人都有問，我只可以用謊言去回應。

到現在我都無咩怨言，最緊要是雙方真的是深愛對方，老實說和佢一起之後我生活品質 (指物質生活) 下降了不少，本來我是租住一間 700 多呎的樓一個人住，開歐洲車，鍾意買咩就買咩，去街就去街，但和佢一起之後要住便宜一點的地方和要賣車，生活也要有所節制，老實說我一開始是非常不習慣的。不過人始終要轉變，一個男人到最後只係想組職一個家庭，安安穩穩，製造下一代就滿足了﹗現在我要做的是努力工作，希望有更高的人工，而我老婆也說拿了身份證後會找工作做幫輕一下。到最後我總結一下，要和大陸女女一起，你要準備：

1) 足夠金錢，俾你自己和她﹗
2) 佢生活所面對的問題。
3) 長遠打算。
4) 要完全了解佢屋企咩環境，結了婚先知要你養佢全家就大 X 樂﹗
5) 要習慣一出糧會無立即o左一大舊的生活....
6) 你家人會點諗。

希望幫到師兄，原諒我會新 Acc 出文，免得俾 Friend 認出 ..... :smile_13:

[ 本帖最後由 MeoW_MAO 於 2010-7-10 06:12 AM 編輯 ]

還以為沉左底,原來仲有人睇, 多謝大家關心.
樓上的ching:不要緊,多謝樓上的ching回覆,恭喜你有個美滿的家庭!
我也有想過做樓上ching的做法,幫他找屋住,搵野學,識返d正常朋友,導佢入返正途,錢,我無妳咁多,但我會將價就貨,予左要付出了
不過有少少問題想請教,你跟她開始後,她在ca做什麼?之後到現在也沒有再打工?有無讓她玩qq?

我自己都有係大陸租地方自己都傻左人仔真係好貴丫開始吾想租丫女女又要用錢丫她自己又吾知做得d咩野..唉真係好辛苦丫

我都同個正骨妹行個,每個月比三仟,租屋雜費我比,
後來我叫去唔好做薗,因為做正骨時間好難遷就,
佢地多數星期六,日最忙,我就最得閒,佢叫我一個月比六仟就唔做
真無奈,都唔知點