引用:
原帖由 勞特立 於 2010-5-17 10:59 PM 發表 
好想割左佢..已經拖左幾年,我唔怕痛..係怕尷尬...
點先可以勇氣踏出第一步..
好明白你o既心情，或者等小弟分享o下d經歷，希望可以幫到你。我四十幾歲人喇，要除褲比條jj第二個人睇真係好難接受，我舊年九月開始包皮口發炎，又痕又痛，包皮口又腫又收窄，苦不堪言，就係怕尷尬唔肯睇醫生，自己去藥房買d類固醇藥膏駁命查，唔知係咪查得過多，一唔查就即刻返發，如是者拖o左三個月，終於頂唔順去睇皮膚科醫生，果次確實係有d尷尬，可能皮膚科醫生都唔係睇咁多呢類症，所以檢查果陣大家都有d手忙腳亂，不過都感覺到個醫生都盡量用安慰說話叫我唔駛擔心，唔會令個氣氛太尷尬，之後食消炎藥，查類固醇藥膏，兩個星期後一度以為已經好返晒，心情輕鬆o左好多，點知過o左一星期又開始再發炎，於是唯有繼續查醫生d類固醇藥膏，不過就唔敢查咁密，如是者又拖o左三個月，最後都係的起心肝o係上個月搵陳東飛醫生割o左佢，一了百了。其實需要鼓起勇氣o既一刻只係打電話預約果一o下，因為d姑娘都非常熟習割包皮呢回事，佢地只係當日常工作咁做，你同佢傾過電話就知道唔會點尷尬，到上去比醫生第一次檢查果次，姑娘係唔會入房，直到入手術室果陣至會o係姑娘面前除褲，果時仲邊識尷尬丫，到做完手術後，姑娘會同你一齊對住條jj講o下護理o既問題，果一刻望住自己個龜頭傻o下傻o下咁，更加唔會意識到乜野係尷尬啦，之後去完小便，姑娘同醫生一齊幫我檢查，因為有o左以上o既經歷，o係姑娘面前除褲已經變得冇難度喇。
希望你可以快d鼓起勇氣，拎起個電話打出去啦！
