I am sorry. 之前一直都唔係香港，出一部份頂住先，呢一part一d sex都無，請見諒，等下一part就有野睇
我返到屋企之後就去尋找呢個方案既可行性。結果係行得通。第二日返到公司，離死期只有五天，我老細peter突然收到simon call，話要落黎傾下，peter就緊係暴跳入我房搵個伴一齊死啦。我好老定同佢講已經有方法，而家唔夠時間同佢解釋，一陣叫佢執生，唔好亂講野。返到peter房，simon已經到左，佢問我地有咩方法令到robinson出席唔到。我拍晒心口話我同peter之前一晚已經度好，而家爭實際功夫，叫佢唔使驚，諗掂當日點同個大客social好過啦。當然simon無咁順灘信我呢d死靚仔。我就同佢講，如果唔得就炒我，呀，唔係，我辭職，公司一蚊都唔使賠。Simon見我咁有信心，就走返上去。佢出左去之後到peter望實我，問我做乜玩到咁大，玩辭職呀。我笑笑口同佢講，我話搞唔掂我辭職咋，不過唔知simon耳入面會唔會聽到搞唔掂 “我地辭職” 。之後我解釋左成個plan，佢聽完之後眼都突埋，仲讚我「你個仆街」。我仲同佢講，如果一切順利，你睇定catalog換benz都得啦。
我返到位，再仔細諗一下有咩意外可能發生，一切我認為controlable既我都做定second plan。今次你個mr. robinson仲唔死，成日吹噓花旗國大牌MBA有幾勁，仲掛埋張沙紙係office慌死無人知。今次我就比你知港仔有幾勁。
案發四天，我老細peter連同robinson同一位女同事北上簽合約。本身呢一張合約並唔係咩大合約，不過robinson好鍾意北上，為左咩大家心照啦，所以一有機會要北上，robinson都會爭取。佢今次死得咁慘烈，真係同咸濕不無關係。原先plan左上去三天，第一日到埗，第二日簽，玩多晚先返香港。基於robinson驚有事變，所以佢叫秘書訂早一日既機票返香港，咁即係話佢會係見大客前兩日返到黎。今次我地重點要佢留係大陸返唔到黎。
大陸戰線
呢一部份我都係聽老細講，上到去大陸，先登記酒店，擺低行李，一行三個人就去食飯，例牌飯後robinson同peter都會係另一間酒店飲酒。我一早已經安排人手係呢間酒店，聽返peter講，佢地坐係bar枱，飲左一陣間，robinson就唔覺意撞到身後一名靚女，仲整濕左人地。其實唔係robinson整到人，而係條女搵個機會比佢撞。之後發生d咩事情，大家都估到啦。
Robinson就跟左條女上房，傳聞上到去幾個鐘之後，就有一班人殺入酒店房喊打喊殺。講到尾都係要錢。Robinson無晒計，唯有call peter幫手。Peter哥話入到房，robinson一面愁容，幫佢傾好價錢，十皮野。十皮野對robinson濕濕碎，不過一時三刻要搵十皮野人仔唔係話咁易，大陸唔係香港，即使有幾球係銀行，都唔係咁輕易攞到十皮野cash。呢一點robinson都好明白。如是者，簽合約呢一件事就不得不延遲。
Peter當然係死拖，結果張合約隔多一晚先簽好，即係見大客前一晚。簽完張約，所有飛往香港同深圳都已經開出。除非佢搵到架直升機，否則真係要識飛先返得切香港。
香港戰線
當peter由robinson房講完數走出黎，就向我報平安。我已知robinson係無可能返到香港。第二日返到office，我就準備埋餘下既事情。至於PR呢一邊，一直佢地都打左輸數，所以朝住點樣可以唔得失兩位大人同時，又令到個客滿意呢一個方向走。難度當然係非常非常高。等同於要老婆同二奶瞓埋同一張床。即係無可能。
我暗地裡同isabella講robinson當日唔會出現，當然佢唔係百分百信我啦。我就同佢講，幻想robinson唔會出現，做多個second plan啦。就算佢真係出現，損失都係花時間做second plan。唔會有更差既情況出現。佢都覺得有道理，就瞞住老細做左個second plan，專為simon而設。
案發當日，我地約左大客係早上見面，mr. robinson亦係當日一大早坐飛機飛住深圳，坐專車直通返香港。不過一切都已經太遲。Robinson當然係早一日就打返office話要遲，要我地拖一拖個客。呢個時勢，我地唔加快腳步都算係有人性。一切都非常順利，個大客走左，robinson都仲未返到office。佢返到黎當然有發我地老脾，不過佢都好明白無理由要個客去等佢，只不過錯失大好良機，發下脾氣。
係呢個會面，isabella因為做左個second plan，令到一切都好暢順，佢老細當然覺得佢好醒。佢都當然覺得我好醒，契機就係咁出現左。
