因我知呢度好多成熟既師兄,所以先post0係度麻煩你地指教下小弟
錯失太易 愛得太遲~失去左先知珍惜.我和她的故事(香港)
識呢個女仔是在4月時,我地本身係同公司,但唔同部門,有段時間我掉過去兩個月,但一直都冇留意大家,正式識佢係透過另一同事(叫may)介紹的,佢幫我約佢出來3個人一齊食飯
之後阿may都有搞下活動一齊出去玩,咁我初時冇送佢返屋企果d,個女仔都知我鍾意佢,但佢冇出聲,咁就好正常咁平時又傾msn咁,傾左冇耐我就同佢表白左,但佢都冇咩野咁,因我初時以為阿may都爆左比佢知
之後傾左msn同電話冇耐(通常都是咁發展啦^^),在5月尾開始.有一次我地出去玩完,我冇送到佢返去既,走左之後冇耐佢自己send sms比我知佢已經返左屋企,有叫我小心d,快d返去訓之類(因果次玩通頂),由果時開始佢就對我好好,好關心我,...佢每次出完街,在msn都會同我講已經回家了,又事事都好關心我,成日問我沖涼未,同訓未之類,因為佢知我返工成日遲到,佢又會每朝打比我叫我起身,(維持左兩個月),佢平時又會特登早d返到,擺野食在我台面,有次我話鍾意車,佢即刻無聲無色咁送左架車仔登比我,又係擺我台面,佢真係對我好好
返到公司,佢又會到時到侯send sms比我問我返左未,有冇遲到之類,之後就會傾成日,佢lunch又會來我位同我一齊食飯,放工又會一齊走,有時佢會同我去後樓梯傾心事,佢成日同我講d傷心既往事,我本身之前鍾意個女仔.又係搞到好傷心,我地亦曾試過在樓梯口擁抱,我地攬過3次,搭車送佢返家時都拖過3次手(落左車冇),佢又試過因為我送到佢返去之後我冇車搭,佢陪我坐天光,即使佢好眼訓都好,佢仲挨住我膊頭訓,我就一手攬住佢,一手拖佢,果次真係好難忘
之後我話想同佢一齊,佢話以前傷過好多次,已經唔再信人口講既野,只信眼睇既野.......佢雖然拒絕1左我,但佢話同我已經唔係身份(情人/朋友)的問題,而係我對佢來說是一個好重要既人,
之後佢開始會好似管我咁,有次我同同事出去玩,食多左幾支煙,佢返到家就打電話話我.佢話要之前我話戒煙,初時都覺得我係有heart的,佢同我講話係要我一支都唔可以食果隻,,咁你們都應該明白,就算要戒好多時都唔可以一下子話唔食就唔食的
佢叫我對佢好d,話我對佢唔好
我自問從來冇做d咩去追佢,由開始都係佢做主動
之後我之前鍾意個女仔搵返我,咁我都有同佢出街果d,比佢發現左,佢話我呃佢
有次send sms比我話,突然在車上諗起我的舉動,我的態度,佢會流淚
終於有次我地嗌大交,我仲用粗口鬧佢.,佢話我一直以來冇追過佢,冇緊張過佢,好多野我話我有著緊有擔心,佢話我好多野都唔問佢,話一直以來咁多個追佢/鍾意佢既人都冇一個好似我咁對佢,佢同我講話好倦,都係做返普通朋友(係7月時)
自呢件事之後,其實佢都不是一下子消失,佢掉左出去做野,都有SMS話我知,同埋有時見我MSN寫左D字,都會慰問下關心下我,我見佢咁,其實之後我都有打電話去補救,但佢持保守態度
------------
之後佢到而家都已經好少找我,msn同sms都冇了,而且自10月9日到而家都冇再見過
之後我都有打電話去補救,但佢持保守態度
------------
之後佢到而家都已經好少找我,msn同sms都冇了,而且自7月31到而家都冇再見過
呢個case,我仲可以追返佢嗎??
(p.s,佢係都幾多人追既人)
00000000000000000000000000000000000000000
2009/9/29 上午 11:26:12 k 做朋友無所謂,但不用追我了
2009/9/29 上午 11:32:36 我 但做朋友我都知你避緊我
2009/9/29 上午 11:33:05 K 怕尷尬吧
2009/9/29 上午 11:33:37 我 做朋友不需要尷尬
2009/9/29 上午 11:34:37 K 怕你不止當我朋友吧,怕你誤會
2009/9/29 上午 11:35:44 我 不會的,我知道同你可以係好FD,無謂為了這些事而沒了朋友
2009/9/29 上午 11:36:15 不會誤會,我都不是易亂想的人,如果不是我之前一定追你,不用現在嘛
2009/9/29 上午 11:37:30 但我知之前發生這些事都令大家不太開心,由他自然建立吧,我明白不能一下子
2009/9/29 下午 12:29:10 K ^^"
2009/9/29 下午 12:29:39 我 ^^唔好咁啦,restart,fd來嘛
之後傾左幾句其他,就冇傾了
-------------------------------
之後到左10月我既生日,我知佢好想參加我的生日會,但我因為0係其他同事口,知佢同另一人發展中,但未一齊,我就為左呢件事同佢嘈左一交,我話估唔到佢咁快又鍾意第個,之後搞到佢唔去我既生日,其實我係故意的,因我怕自己見多佢一次又心痛多一次
---------------到左今日,我真係好後悔之前對佢做既所有事,現在才看清楚原來佢一直不是我所諗我那種人,唔係會係人都比機會,係人都比希望,對個個都咁好~我錯了,我真的徹底錯了
我好想見佢,send sms同msmn都有講掛住佢果d......之後我終於忍唔住問佢而家有冇拍拖,佢話唔會再同我講感情事,sorry,(佢即係唔答啦),咁我話想見怇,佢話唔太想,我問佢點解佢話唔想就唔想,冇點解,...
之後我msn有時都有寫d字係講我同佢之前果d,佢先會主動msn同我講返叫我唔好點點點寫,話唔想比人誤會
我真係唔明點解佢而家完全唔認之前有鍾意過我??
同埋佢唔話比我知佢而家有冇拍拖???
我真係好想追返佢
------------------------------
1/2/2010~事隔已經咁耐,我從別人口中得知佢已經同第2個開始左個幾月
我曾經在msn問過佢有冇拍拖,佢話唔想再同我講感情事,不肯正面回答我
於是我每日都在msn好似打日記咁,同佢講我每日發生既事同感覺,因佢話過我以前咩都唔同佢講
亦同佢講晒晒心中真正所想./我的後悔同感受
佢冇回應過我任何野
於是就咁我重新開始追求佢,我0係12號0係佢樓下等佢放工返黎,等極都唔見佢,我就打左比介紹佢比我識既一個朋友,叫佢幫我打比佢問佢幾時返,順便探下口風,因我真係好驚,我突然既出現佢會對我有什麼反應,還是很抗拒...好在經朋友轉述,話佢知道後既態度只覺得自己好榮幸(因我在佢心目中係從來唔會做呢d事),之後見倒我時佢都笑住口,,佢問我竟然仲係度,因我果時已經等左5個鐘,我話因為好想見佢,咁就一路係佢落車既地方一路一齊行到佢下既門口,傾左幾句,佢臨入去之前仲叫我都早d返屋企
本以為情況都ok,我咪繼續0係msn同佢打日記形式咁講野,之後又叫佢再比機會我,好肉麻果d說話
之後突然有一朝,佢自動0係msn同我講話[唔好意思,我係唔會鍾意你,亦唔會同你一齊,唔好再亂諗,謝謝]
呢句真係令我好心痛,我同佢講我控制唔倒自己鍾意你,佢話我唔好咁多幻想就好了
佢竟然話我係幻想,咁我同佢之前果d所有擁抱,拖手,佢對我既一切,...佢都已經反口唔認了嗎??
我想問係咪同佢已經冇可能啦???
還是我仲可以點做???
