各位大佬想請教一下, 我男朋友都4張啦! 曾經同一位細16年既大陸女仔結過婚, 當然一年貨仔離婚收場.  我知道佢有前科去滾, 半年前我同佢開始拍拖佢承諾唔會, 但係近期比我發現佢依然去玩女人, 因為咁樣我就執晒野走離開左佢, 呢段期間佢都不斷打比我同sent sms比我, 我一個都無回同聽, 內容大至上話佢知錯, 比多一次機會佢.  其實滾係咪癮黎既呢??? 佢會唔會真係改到? 定係改到一般時間又再去過呢?

會:smile_o01:

會!我個FRIEND以前係帶隊，結咗婚後真係唔去滾，就算同老闆去，人地比錢佢都唔要,淨陪老闆坐，吹水，真係唔同晒。我點會知?因為個次係佢老闆係東莞的新飯店開張，佢老闆叫佢帶D人去撐旺個場，賀賀佢。咁我個FRIEND就叫埋我上去，反正食住交通都係佢老闆比，去到晚上佢老闆包咗K 場間房，叫了十幾條女任揀，我個FRIEND都只係叫咗條女吹水，最後都無上房。

[ 本帖最後由 smallma2000 於 2009-12-10 10:48 AM 編輯 ]

我唔知呢半年黎佢去過幾多次, 但係我只係知道一次, 呢一次令我真係好心痛, 愛一個人點解可以做出對唔住對方既行為.  佢同我都有共識結婚生小朋友, 我真係唔想再聽到佢向我解釋係"玩下咋"

好記得5月有場曼聯波睇, 佢話約好晒同事成班上去, 我信任佢所以都比佢去, 之後佢好誠實咁比左張酒店簽帳單我睇, 仲話佢好乖只係一個人訓, 房費好似係4xx, 係東莞黎, 間酒店名"匯美", 之後我search知道呢間唔係正經酒店.  但係講真同佢一齊好自然會信佢.  所以我宜家要好冷靜諗清楚佢係唔係我想要跟既人.  講真~如果佢係玩開既, 我真係唔想阻佢.  我反而覺得大家都好過D.

會, 以前十分爛滾的我.. 而家有老婆有仔真係唔去滾... :smile_34:

註: 唔滾只係唔搞野.. 唔係唔去玩...

[ 本帖最後由 Jyuzo 於 2009-12-10 10:57 AM 編輯 ]

好多謝各位大佬既回答, 你地本身係玩夠就唔去滾? 定係覺得自己有頭家唔應該去滾既觀念? 你地以前去滾其實你另一半知唔知道?

去玩依樣野,真係好睇佢出黎玩左幾耐,有D人玩左十年八年就會收山玩厭玩夠,就想有個家定下來,有d人就以為自己係情聖,要不停媾女不停出去玩黎證明自己既存在,證明自己仲可以.......得一想二...係好多人都想....佢地會覺得喺香港果個....會有要求....日日報到....準備返屋企...唔俾同D朋友出去飲酒呀玩呀....仲可能要供樓儲錢呀咁..仲要同條女既朋友比較....喺大陸....D女女可能為錢.....對個男人無感情.....但係有D道行高既.....仲可以要個男人乖乖俾錢...個男人都可能知條女呃緊佢錢.....但個男人會覺得....真情假意都好.....總之就唔駛煩.....有條女可以小鳥依人....喺朋友面前仲可以威.....
有d人成世乖仔....一俾人杜就......

我好明白男人某程度上去玩都ok既, 但係佢直頭係sex囉! 真係好難接受

有頭家就有責任囉.. 一陣惹埋d咩病比老婆就唔好啦... 不過去玩.. 打波抽水一定有... 比錢坐女, 水都唔抽咪好蝕底... :smile_39: