樓主...
我都係搵左個內地女仔做女友, 同你經歷有少許相似
不過佢係正經女仔, 以前係我內地分公司做,不過佢黎做個過程好複雜, 原來佢男朋友係我內地同事(我後來溝左先知), 果時我係青頭仔, 又未拍過拖, 見到個女仔幾正咁就奮不顧身追. 追成左先知關係咁複雜, 仲令個男同事因而離開公司, 所以我拍拖半年以來一直都懷疑佢仲同佢男友夾埋握緊我(尤其係佢男友話佢曾經同中年男人訓過!!! 我呆左!!! 但吾知真假!!!) 但吾知我天真定點, 識得佢耐左完全吾認為佢係"果D女人", 所以一直拍, 拍到而家2年都快黎緊啦
我搵得比你少好多, 文員仔一個, 8K, 每個月我比2K佢, 大陸黎講,多吾多, 少又吾算少.
我比你高好多.我183高, 但我呢個身高完全吾配合我個頭, 所以睇起上黎成日比人笑我高過頭. 以前青春期時我算靚靚仔仔, 白白淨, 住係屋企附件D女仔都幾痴我, 但青春期發育過後無故全身皮膚變黑, 面變長, 身高不停, 而家成日比人笑高之外, 有時仲被人笑樣醜. 我諗樓主比我幸運, 起碼似蘇X康,蘇X康而家溝D妹都OK啊! 你5呎5-6係香港吾算矮啦, 正常啦, 香港D女仔都出名矮, 你吾使怕, 只要你有3萬一個月, 一定溝到港女, 問題係你面皮吾夠厚, 小弟自變樣後比人笑足10年,又如何?
不過勸你, 雖然愛情無用國界,年紀,學歷, 家世, 但, 真係, 吾好比1萬佢. 或者你吾會聽, 但1萬黎講, 深圳已經算好好好好使, 好多內地大學生係深圳做左好多年,有專業知識都未必有1萬. 雖然我明白, 對女人來講, 有個收入豐厚既男友/老公係非常重要, 但如果佢只係為左錢先同你一齊, 真係無幸福, 你吾應該搵咁既對象. 勸你都係搵黎個正正經經既香港女仔做老婆. 不過我知你吾會聽的, 因為我係而家經歷緊既人, 我明白你心情. 如果我同我內地女友分手, 我諗我再無咩興趣踏足情場, 因為我了解了拍拖都只不過"係咁之麻", 無咩大不了.
如果你真係想搵佢做老婆, 你真係要小心你既財產, 你吾了解佢外面識咩人(C家偵探都未必查得晒), 總之一句, 記住, 一定要保護自己財產, 就算同佢如膠似漆都要保持呢個念頭, 幾百幾千無所謂, 少少地當叫雞<衰D講句,別介意>(你搵得3皮野, 最少有十幾或幾十萬儲蓄吧?), 幾一萬幾萬就吾好動用啦, 買禮物都係幾百幾千算啦, 否則係好女仔都比你搞到變貪慕虛榮.
樓主, 如果想經過最吾尷尬既方法識女仔, 咁試下係香港報讀D課程/專業文憑, 會識到D女女, 起碼清清白白既可能性大好多, 而且大家思想相近. 而家係經過長時間讀書期間交流, 對所識之女性了解亦會較深.
深圳D女仔,大複雜啦,好多係四方八面穿州過省來, 之前經歷係點, 你一無所知, 拍拖密月期時就當然咩都話無所謂, 做過雞都能包容, 但一個男人, 好現實, 往往後來總有一條刺的, 除非你係老手, 玩過無數女, 所以吾介意自己女婆都係以前爛玩過.
