part 1 ~ ~ 當我遇上您

好耐冇出個post喇 ……  今日突然諗起一個人 … 一個令我曾經對佢又愛又恨架衰男人 ~~ 而我係到講出黎架原因2個 ……
(1) 我想係到俾個驚惕一班姊妹們 , 千其唔好咁易相信人 , 仲要係對你溫柔細心、無微不致個隻 (2) 有一個人好想佢知道 , 但我唔想自己開口講 ,
佢誤會咗我對呢個男人仲有情,但我一直都冇解釋佢聽 … 因為我都唔知點講 … e家就借呢個機會係到一五一十講哂出黎 , 希望佢睇到之後唔好
再問再提呢個男人同我架事喇 ~~
e家就等我簡簡單單交代事件架發生經過喇 !!

有睇過我出post架人都應該會記得係我生命中曾經出現過一個叫a君架男人 , 係我倆打得火熱架時侯 , 佢突然對我好冷淡 , 最後仲離我而去tim ;
係個時 … 我好唔開心 , 滿腦子都係問號 ; 係呢個時候出現咗呢個男人 ~ "J" ~  佢對我好細心 , 好無微不致 , 好到你冇諗個有個人會咁對自己 ,
佢唔會好似一般男人咁…猴猴擒擒 … 一黎就話要同你上床, (叫你唔好理a君 , 同佢上咗床就唔會記得a君架喇) ~ 哈 … 當時好多 nf 係 msn 到都
係咁同我講….我心諗…仆你個街吖 , 當我係乜吖…咁易同你上床架…你邊忽大呀…痴Q乜線架 ~ 但同 "J" 佢msn個陣, 佢只會問我心情點呀,
好d未呀 … 佢會想盡辦法幫我醫呢個情傷 , 佢不分晝夜都係到幫我 , 係呢一刻我真係好感動架, 佢俾我架感覺係真心, 從來都冇要求過我同佢要
有進一步架關係 … 就係咁我地keep咗好一段時間 , 有日 … 佢係msn都同我講, 佢好想一直係我身邊做我架護花使者, 佢會好care我, 唔會好似
a君咁對我, 佢話唔會俾我再傷心、 唔會呃我 、唔會再俾我係佢面前喊, 佢會係呢個世上最愛我令我最開心架男人 , 我地會係一對最開心架lover ~

[ 本帖最後由 supersweet 於 2009-9-29 10:48 PM 編輯 ]

撐左先~:smile_40:

part 2 ~～暗裡著迷

我諗當每一個女人聽到有個咁細心又溫柔架男人同你講d咁架說話…冇一個係唔會心動, 冇一個唔俾佢冧爆囉 ~ 我當然都唔例外 … 但我同佢
講 … 我仲未有心理準備 … 我仲係好怕 … 我唔想再hurt ~~ 佢當時都好明白我, 佢話會俾時間我 … 佢會証明俾我睇, 佢唔會令我失望 !
我當然好開心喇 … 至此之後, 我地都有keep住msn, 之後有日佢仲約我出黎食飯, 但佢約我個日我又咁岩又約咗fd,本來都推咗佢, 但佢又話好想
見一見我 … 佢知我約fd冇咁早 … 就話不如過黎接我收工, 飲杯嘢再送我去join fd ~~ 我見佢好有誠意咪應承咗佢囉 ~

出到黎 …  佢帶咗我去mk一個露天茶座, 個到環境好warm, 好舒服 … 旺得黎帶靜, 傾計一流; 我地出到黎同係msn一樣, 冇所不談 … 佢好識得攪氣氛  
一d dead air都冇 ~~ 佢會不斷有話題, 佢對我仲好君子, 完全冇佔過我半點便宜 ~ 而佢仲將自己架家庭背景、感情生活、工作一一都詳盡話過
我知, 佢話好想我了解佢多d, 等我知佢係一個乜嘢人 ~ ~ 嘩!! 心諗 … 邊有男人會咁架 … 佢真係咁好 ???? 我有冇咁 lucky吖 ……
開心時間過得特別快 … 又係時候講 byebye … 同佢傾到都唔知時間 … 佢望一望錶話 … 你夠鐘喇, 係時候走喇 … 唔係就遲到架喇 ~ 跟住就埋單
送我走, 落到留下佢話送我過去, 我就話唔使喇, 我自己走得架喇 … 我都唔慣俾人送架 … 咁佢都唔勉強我, 幫我截咗的士後 … 送咗我上車就話
你join到你個fd之後打個電話俾我 … 等我知你安全到步喇 ~~ 個下個心真係好鬼sweet sweet架 (當時) ~ 我開始心深處對佢著迷了 !!

[ 本帖最後由 supersweet 於 2009-9-30 03:05 AM 編輯 ]

part 3 ~ ~ 你是我的女人

係個晚約會之後, 佢都keep住每日最少同我通2次電話, 一有時間佢就會msn我同我傾計, 每晚都會開cam望一望我, 同我say個gd nite先去瞓 ~
試問, 有邊個女人會唔俾佢感動到吖 … (仲要係我最唔開心架時候俾我遇到佢。)
就係咁我漸漸俾佢溶化咗喇 ~ 記得 … 有一次佢知我約咗班 nf 飲酒, 佢知道之後佢話抽時間陪我去, 本來我話唔使, 但佢話怕我飲多咗冇人送我
返去, 係佢誠意之下我就應承咗佢； 咁我都例牌同我好姊妹講聲會帶多個人出黎喇, 佢仲話我帶人去見家長tim (指佢自己) ~~ 哈哈 ….
個晚落到去, 佢全晚都好照顧我, 好細心,我仲好記得 … 飲飲下酒, 佢話想唱歌, 之後就去咗點歌咁我咪繼續係到猜枚囉 ~~ 過咗一陣, 喇叭傳黎一
把好熟架聲音 … 聲音內容出現咗我架名字 … 名字提醒我叫我留意歌詞 … (六月六日沒有風的凌晨　街裡途人紛紛 …………….. 門外再一吻 芳心
換個方式愛著我的女人 原來最相襯 極合襯 願再可抱著情人 來深深的再一吻 …………………….) 當時我聽到呆哂, 好冧吖 …. 唔得喇 …. 真係要飛身
撲埋佢到唔使講嘢就咀落佢到 ……… 我咁大個女, 佢係第一個男人咁情深、咁大膽、咁公開係咁多人面前話俾人知 …. 我係佢架女人囉 (呢招
真係擋唔住囉 ) ~ 而呢首歌之後, 我就成為咗佢架女人喇 ~

part 4 ~ ~ 意亂情迷

女人 … 係 一種好重情架動物, 當佢接受你就認定你係佢心目中架地位; 不論大小事都會以你為先,處處都會為你著想。當然 … 理智就一定被蒙蔽,
防線都因此而破解咗喇 ~ 就係咁我同佢同一般情侶冇分別, 之前佢都同我講過佢有個拍拖10年架同居女友, 佢講過…女友同佢都有共識係唔結婚
架, 佢話過除咗女友之外…e家我就係佢唯一架女人。
一般情侶來來去去會做架嘢, 我地都有做….行街、食飯睇戲跟手就梗係做愛喇….我都唔例外 (詳情唔講太detail喇…..做愛架嘢來來去去都係抽抽插插、
依依哦哦、呀呀、呵呵咁完事架喇~) 最重要係當一個女人俾咗自己架身體你之後, 為你做架嘢可以去到你諗唔到架, 我就係呢類人；一係唔愛, 一愛
就會去到盡, 有時就係咁….返唔到轉頭 ~~~~~
我曾經愛佢愛到想同老公離婚, 我唔係一個鍾意一腳踏兩船架人, 我個人認為…既然我愛你多個自己老公, 我個心都飛咗去你到, 須知你有女友, 但我
都甘心去做你背後架背後另一個女人; (我知講到呢到一定有人覺得我好犯賤, 結咗婚都仲攪d咁架嘢出黎, 俾人玩俾人呃都低喇！) 冇錯 … 你地點話
我, 點笑我, 我都唔會mind…..因為…我愛佢 ~~ 女人枉枉就係咁意亂情迷, 就係咁就做錯決定架喇 ~
好在 … 我一路都係得個諗字, 仲未敢同老公講"離婚"呢兩個字, 如果唔係就後悔莫及喇~

[ 本帖最後由 supersweet 於 2009-9-30 03:11 AM 編輯 ]

part 5 ~ ~ 情是那麼笨

當我沈醉係佢架愛裡面, 我好似完全失去理智, 佢講乜我就信乜, 從來都唔會去懷疑佢。 有日, 我同 fd dinner架時候, 佢打俾我同我講, bb…你可唔可以過
$770去我a/c吖, 我有條票過唔到數, 你幫我入住先過咗之後我俾返你喇！當時我冇諗過就答佢好, 因為佢係我男人, 一千幾百都唔會走我喇, 佢使係我身
上都唔止喇 ~ 過咗幾日, 佢同我出街, 話一陣去過番錢俾我, 我咪話得喇….食完飯先喇….唔通你為咗幾百蚊走我咩 ~ 就係咁食完飯就冇咗回事lu。
隔咗幾日之後, 係我office hrs時間佢打俾我, 話bb….你可唔可以去bank過$640俾我呀…..佢助手入唔到數我趕住俾錢人之類咁喇….咁我又毫無懷疑咁過數
俾佢囉 , 因為佢係我男人嘛, 走我咩~ 又過多10日8日到, 佢又打黎話條票又過唔到, 叫我入$470去佢a/c, 過2 日記得提佢禁返俾我；我咪又話好喇, 因為
佢係我男人, 走我一千幾百咩 ~

2日後, 我地出完街送我返屋企之前話去禁機, 去到佢入咗去柜喇, 我係出面等佢, 轉頭佢一路行出黎一路係到屌哂鬼咁.. (你有冇攪錯呀, 叫你做小小嘢都做
唔到, 我點俾返錢人呀, 麻Q煩) 跟住佢就同我講~bb…唔好意思我, 我boss未入數俾我, 我a/c冇錢禁俾你呀, 聽日返工先叫boss攪俾我我先攪番俾你喇 ~
我望一望佢, ok喇…因為佢係我男人, 走我咩~
又過咗10日8日到喇 ~ 佢同我行行下街電話響起 ~ (你有冇攪錯呀….唔好成日咁喇…無嗱嗱又打黎話要, e家邊有啫, 我諗下喇…收線) 同我講, gf唔舒服, 話
冇錢係身, 我又未出糧, 你過$310俾我過咗俾佢睇醫生先好唔好吖; 是但喇, 睇醫生要緊嘛, 你…走我咩~
又過咗幾日, 佢打黎話助手入錯數去其他人a/c, 佢又開咗cheque俾人, 怕人地過唔到數俾bank罸change, 又再一次叫我過$430俾佢, 一陣出黎食飯個陣
話佢知total欠我幾多, 佢叫boss出返張票俾我, 我又係話ok喇, 因為你係我男人, 走我個2,3千咩~

個晚出到黎, 照舊行街食飯再去飲嘢….通常呢d節目架開支都係佢俾, 我從來冇出過錢, 因為佢唔會俾我俾錢架~ 亦都因為咁….佢每次問我借錢架數目都咁
零丁, 你點都唔會諗住佢會呃你囉~~到送我返屋企時間, 佢截的士送我返去 (通常夜咗都係咁, 先送我返九龍東再原車返佢自己屋企香港區)；差不多去到
我屋企時, 佢同我講, 我唔記我禁錢呀, 你俾住$200我先喇 ; 咁都要俾架喇….唔通有你死咩!
其實去到呢到佢已經係冇再提過還錢俾我架事架喇 ~~

part 6 ~ ~ 痴心錯付

呢件事發生之後, 我見佢冇提起過還錢架事, 亦都冇再問我借錢, 咁我都唔想再提, 我覺得佢身為男人, 如果要呃都唔會呃個3、2千吖 ; 我地依然好似平時咁
都冇再有特別事發生喇。

有晚, 我如常一樣冇街去就係屋企上網吹水….掃下post喇….突然有個女nf (叫佢"G") msn我問我 (呢個女nf我同佢不樓都有兩句, 仲傾電話, 都ok fd架) …..咦!
你同"J"好熟咁bor, 你re佢d post架說話….你地關係好似好close咁bor…..咁"G"問到我咪話佢知我同 "J"架關係囉 ….. 唉!! 唔講由至可, 講起原來"G"同"J"都
係有關係架, 仲唔係過去式, 係現在進行式吖("G" 俾我早一個月同"J"一齊)…… 仆你個街吖….點解會咁架, 點解我架男人會同我個fd有一手架…咁我點吖, 我算
係乜嘢呀….我排第幾呀??? 我唔想冇咗"J", 亦都唔想冇咗"G"呢個朋友, 兩者之間, 我應該點揀吖 ~~
而"G", 同樣有我呢個感覺同樣有我呢個煩惱 …. 個晚我地m咗好耐好耐….. 我地不停咁係到講"J"架事, 愈講就愈多問題出現, 好唔沈常 ….. 最後我同"G"
得出一個結論……"J"應該唔止得我同"G"兩個女人架….應該仲有1~2個or仲多d tim……

哈…..真係好可笑, 我同"G"真係好似, 對"J"、對佢架感情都係一樣, 我地真係同病相連, 俾同一個男人呃感情、呃金錢！我地仲決定先唔踢爆"J", 我地睇下佢
跟住會點做 ….. 無幾耐, "J"開始feel到有d唔妥, 成日都追問我發生乜事; 佢一早知我同"G"好傾, 佢都怕有日會爆……佢真係好醒, 好識捉女人心, 佢反問番我…
呢排我對佢咁冷淡係咪有事發生, 最後佢估到同"G"有關 ; 既然你估到, 我都唔使再忍落去, 咪一五一十一次過爆哂出黎囉~
呢個男人 …….. 我真係要俾萬二個叻字俾佢 ~ 係呢件事爆咗後, 佢話會同"G"劃清界線, 唔會再同佢一齊, 應承我…以後都只會有佢gf & me…….之前佢只係貪
玩bor….哈….唔係要我仲信你吖……我…係咪咁好呃呢?? 我唔會再俾你氹到架喇, 我寧願要朋友都唔想要個hurt我架男人囉~~仲要誓神劈願話唔會hurt我、
會care我、保護我、要我係呢個世上最開心架女人…….全部都係廢話…..又食又扲…..唔係男人~不知所謂……我憎死你…….更加憎死自己!!

part 7 ~ ~ 該走的時候

講到呢到….我諗大家都估到我同"J"架結果….其實我都仲有同佢拖拖拉拉….因為我真係好愛佢….甚至好想信佢原諒佢…..但我此終都過唔到自己個關, 我乜都
可以忍…不誠….no way ~~ 所以最後我都選擇離開…….呢個應該係最好架決定!!
我同"J"講分手後…我同"G"都有講過呢個問題…"G"知我好鍾意"J"….."G"同我講…如果你愛佢就同番佢一齊喇…佢話會同"J"分手唔會再搵佢….叫我放心…..
但我同"G"講…已經唔再係呢個問題….我亦都唔會為呢個男人而放棄我倆架友誼 ~~ 之後大家都係一笑至之喇~~~

PART 8 ~ ~ 自作自受

同"J"分手之後….佢失蹤咗一排再搵過我….但我地架關係已經係好普通到唔普通…但會帶d單單打打架對話tim (係我對佢); 我亦襯呢個時候問佢….你欠我個d
錢…幾時可以過番俾我呀….佢就話e家冇….俾d時間佢…攪掂俾電話我~
哈…..結果咪又係一拖再拖….問咗佢兩次答案都係一樣….其實我都打定輸數, 我知佢冇心還俾我架喇….咪為有同自己講 (佢係還就最好喇…唔還都冇計…咪當
自己唔好彩….又或者當自己包起佢玩咗幾個月囉…..幾低吖…..3、2千包條仔…..去邊樹搵)。

故事講到呢到都77、88架喇 ~~
呢次架經歷話俾我知….好多嘢都唔可以睇表面架….一定唔可以咁信人….呢個世界上, 冇一個人你係可以100%信任佢架 (除咗屋企人)。
唉~~都唔可以怪人…怪架都只可怪自己 …..自作孽…不可活~~~抵撚死 !!!


~~ 完 ~~

呢段故事都頗長...no sex...令大家失望~sry!


P.10 #140有感謝詞送俾大家~~多謝

[ 本帖最後由 supersweet 於 2009-9-29 10:48 PM 編輯 ]

回左先再睇