手術後一個星期要去覆診, 我另外有個post係關於覆診情況既:
17/7/09:
今日去覆診搣膠布, 嘩, 痛到飛起, 因為塊膠布都黐得幾實, 醫生一面搣膠布, 一面用消毒藥水抺傷口, 簡直痛到入心入肺, 成個人震晒.......:smile_27: , 搣完膠布佢叫我坐起身望下自己既傷口埋成點, 之後再幫我用紗布輕輕包住聯針位置, 黎緊七日, 每日都要自己換紗布, 洗傷口, 之後就可以唔駛再包紗布, 游水都無問題, 一個月後就可以ML. 起身望番張床, pat pat位濕左一片, 原來係剛才痛到流晒汗, 可想而知痛得幾緊要.:smile_42:
今晚沖完涼自己打開塊紗布洗傷口都仲幾痛, 不過自己會就住慢慢洗, 先無今日俾醫生洗咁攞命. 同埋而家搣左膠布, JJ再無俾野"cool"住既感覺, 痾尿輕鬆好多.
下次覆診就係一個月後, 姑娘話如果無乜問題, 唔再覆診都ok.
覆番你既問題:
痛唔痛? 我覺得覆診搣膠布係最痛個陣係最痛, 其他時間可以自己就住, 係會唔方便一段時間囉, 同埋覆診後一個星期, 每晚沖完涼都要自己換紗布.
會唔會阻礙曰常生活? 行路要就住就住, 唔可以做運動, 唔可以ML, 至於返工, 我返寫字樓影響唔大, 睇下你工作性質要唔要成日行黎行去啦.
[
本帖最後由 bongbong456 於 2009-8-7 01:22 AM 編輯 ]
