鬼王日誌~~~放縱的一夜
今日突然被一首舊歌, 觸動左心底某一條心弦. 攪到我下午响公司開完會後, 我已經無心戀戰. 於是簡單交代過某 d 工作後, 我大約 4:30 pm 就離開公司. 揸車返左屋企 .吾知點解突然想搵個異性攬下傾下偈, 無奈我所識的女伴, 佢地全部都有自己的另一半, 打左幾個電話, 佢地全部都各有各節目. 好多網友話好羡慕我有咁多女伴, 可惜佢地只見表面風光, 根本就吾明我地呢 d 活在地底的人果一份無奈……….我返屋企冲凉換衫後, 本來開 msn 想搵d online 朋友傾下偈, 可惜今日吾知係咪撞鬼?! 發覺自己同 online 的人好難溝通………最後都係off 鬼左算, 自己一個出去蒲下散下心.
當我揸車出九龍途中, 我一直响度諗究竟去邊呢? 本來想去揼骨, 但又吾知近排邊間有靚女? 諗下諗下, 最後都係去左尖東新X都夜總會. 呢間場我已好多年無去過, 雖然响樓下碰到一班令人極度討厭地產經紀, 我並無職業歧視, 但我最吾鍾意就係佢地一見有人, 就三五七人埋黎捉手捉腳, 七嘴八舌叫你去睇乜野示範單位……
估吾到一踏入門口, 我腦中又不禁浮現起昔日果種歌舞昇平的景緻. 呢間場雖然裝修過, 但仍保留住昔日我最愛的全海景房. 當侍應領我入房坐好後, 我問佢幾個昔日的媽媽生仲有無响度做, 先發現環境依舊, 但可惜已人面全非. 我唯有叫佢介紹媽媽生入黎. 個侍應出左房無幾耐, 就有一個肥肥地的媽媽生入黎, 我只係好簡單咁講左兩個要求, 就係要陀地同有美腿的女仔, 正所謂一雙美腿能解千愁呀. 好可惜媽媽生第一個帶入黎的女仔, 雖然二十一二歲左右, 衣著暴露身裁好好, 但其舉止儀態好明顯就係所謂的北妹, 並非香港陀地女仔.
直至第二個女仔入黎, 我先ok叫佢留低.
呢個女仔叫“嘉X” , 佢有一把長直髮, 身型正正就係我偏愛的嬌小玲瓏果類, 佢話佢20歲, 著一件黑色低胸上衫加條短裙, 一對白滑美腿並無著絲襪, 再加埋對露趾高跟鞋, 正正合晒我的心意呀. 可能太耐無跳舞啦, 最初的氣氛的確有d尷尬, 但青春活力的確好易感染到人, 我地玩左幾局骰盅飲左幾杯紅洒之後, 雖然房中仍然只得兩個人, 但氣氛已變得輕鬆又再無咁拘束. 响紅唇綠酒的醉人環境, 再加上心底那份寂寞, 我決定暫時收起都討厭的理智, 盡情投入眼前呢種買返黎的浪漫中.
“嘉X” 的而且確係一個盡責的公關小姐, 佢以身體黎滿足我的空虛, 我地互相攬攬錫錫, 我已被佢挑起心底最原始的性慾. 即使我明知眼前呢個女仔的熱情係假, 目的只不過係為左最後的交易, 但我仍選擇照單全收, 決定好好去完成呢場偷歡的戲份. 我再坐多陣就埋佢鐘出街, 去左尖沙咀的維記爆房. 今次所吾同的, 就係由入房到攪完野沖涼, 都係由“嘉X” 侍候我, 當享受完佢比我的無盡柔情後, 我的責任就係支付服務費, 彼此間立即緣盡於此, 再也沒有任何關係.
[ 本帖最後由 鬼王之王 於 2009-7-10 04:20 AM 編輯 ]
