我28歲, 包莖, 10歲時曾經發炎。
十幾歲時已經知自己需要割, 但一直都唔敢, 一直到依家。因為出年要結婚, 為左未來太太, 唯有股起勇氣.....
割完之後忠告大家, 如果你係包莖+曾經發炎你就要小心, 因為割包皮既手術時間, 外觀同康復時間都會比別人差。
以下有我割包皮既分享, 施術地方係家計會。
預約包皮環切手術
3月中, 到了灣仔家計會, 去到櫃面, 向護士表示想割包皮(坐了3位中年女護士), 填了一張表格後就等叫名。
入到房坐低, 係一位男護士, 我同佢講做左婚前檢查, 需要割包皮。
可能係已經係婚前檢查時被建議割包皮, 所以佢並冇要求我比佢檢查。
預約了時間, 是4月尾的一個星期五的12:30pm, 填了幾張表格後出去櫃面交$660($60檢查費, $600手術費按金, 餘數$2700在手術當日比), 再將收據交回結男護士。
男護士簡單的介紹了手術過程和注意事項, 之後就走了。
手術前之準備
預定手術日的前1星期剃陰毛(肚臍以下皆要剃), 買了幾支即用即棄的剃鬚刀再加上剪刀,用了1小時才完成, 成了「青龍」。
初初剃既時候都驚整傷, 所以慢慢來, 後來開始貪快, 結果有幾個地方剃損左, 貼上兩塊膠布。
頭兩天都幾爽, 但到第3天因為長出了短短的硬毛, 所以行路時都吉吉地唔係幾舒服。
手術前一天再用剃刀簡單清整一下就完成了。
食個午飯, 再準備定一個麵包。
前往灣仔途中, 護士打來說醫生病了要改期, Oh My God! 我為無辜被剃的毛毛感到悲憤。
最後改了6月尾。
真正的手術日
來到6月尾, 手術前1晚再次變身「青龍」, 食完午飯後到了灣仔家計會9樓的手術室, 全部都係中年女護士。
簽下名, 驗下血, 換定衫。原本應該仲有1個男仔都約了12:30pm, 不過佢並冇到。
坐上輪椅後就被推入手術室, 訓係手術床上等醫生。
手術室很大, 但儀器不多, 有點空曠, 床就係手術室中間。
冷氣好大, 等了10分鐘後醫生才到, 凍到我呀。
手術開始, 醫生說: Music!
現場播出了輕快的音樂。(我想聽貝多芬第9交響曲)
時間是1:30pm。手術窒內有男醫生一名, 女護士兩名, 一個負責用紙索血, 另一個就係扶助。
先蓋上幾張毛巾, 毛巾有洞, 只露出JJ位。
醫生在JJ的根部左右各打了1支針, 都幾痛。之後再係入面的根部位置(即連接陰囊附近的位置)打多一支, 呢一隻比之後兩支更痛, 搞到我兩腳一伸。
1分鐘後醫生突然問我痛唔痛, 我話唔痛, 當時都唔明點解佢無啦啦咁問, 之後聽到D好似剪刀剪皮既聲, 原來醫生已經剪緊, 但我一D感覺都冇。
把剪刀都幾大把, 每剪一下就會聽到"Do"一聲, 聽到呢D 剪野聲, 再加上液體(即係血)噴出黎既滋滋聲, 令到成個人都緊張起黎。
醫生不停剪, 護士就忙於用毛巾不停索血。途中不停聽到佢地講野, 不過就聽唔清楚佢地講乜。
過左30分鐘都仲係剪緊, 醫生好嚴肅, 突然間佢叫護士拎D剃刀來, 但個護士話用晒, 之後醫生又同護士細細聲講野, 我開始心知不妙。
之後醫生同我講, 因為我係包莖而且曾經發炎, 所以有D皮已經同肉連埋一齊, 所以要耐少少。
之後聯針, 聯下又剪下, 又爆下線(醫生講左幾次"Shit", 佢每講1次我個心都離一離), 超擔心。呢個時候麻醉開始失效, feel到痛, 醫生見我郁黎郁去, 於是再加多支麻醉針。
最後用左1小時10分終於完成(醫生話一般人用30-45mins), 用紗布包紮後就搞掂(只露出龜頭), 落床時腳都軟埋。
護士推左我出外面坐, 這時外面已經有2個男人等緊做手術。
飲了一杯熱葡萄糖水, 再食自己帶來的麵包(因為要飽肚食藥), 其間醫生來了, 佢話我D好多地方係皮連肉, 佢已經盡量分開晒, 但有少部分仍然分唔到, 外觀上冇咁好, 但基上都算ok。
去廁所小便, 有點痛, 但明顯D尿比以前射得勁好多, 等親人來接就走得了。
7日後覆診, 醫生再三叮囑唔好沖涼。
得到4隻藥(5天份量): 止痛, 消腫, 女性荷爾蒙, 鎮定劇
得到假紙一張: 雖然上面寫住輕微手術, 但就好大行字寫住香港家庭計劃指導會。(若果交呢張野比公司人事部, 豈不是會被識穿!? 所以我決定用Annual leave請假了)
手術後的第一夜
用了1個多小時回家, 已經開始有點刺痛, 傷口又痛乙龜頭又痛, 基本上都著唔到褲, 總知就係一掂到就痛到成個彈起啦。
再去多次小便, 因為藥力已經過晒, 已經開始會痛, 所以唔可以用力, 要一滴滴咁柯, 一大力既話痛苦之餘亦會柯到好似花灑咁,。
之後用紗布同棉花卷左條腸粉咁既野出黎, 圍住JJ的根包住再固定, 目的係分開陰囊同JJ, 同埋坐既時候可以"浪"一"浪"條J。
2am, 食了醫生開的鎮定剷和女性荷爾蒙藥就去睡了, 但...訓到3:30am就痛到起左身, 因為條J已經戰勝了女性荷爾蒙, 佢狠狠的勃起左。起身望一望, 已經係D紗布既邊邊位標緊血, 不過好快就止左血了。
之後都唔敢再訓, 但真係極度眼訓, 坐係度合埋眼已經訓得著, 結果就係...訓著左應該唔夠5mins又標多次血。
之後真係唔敢再訓, 不停洗臉, 終於去到10am 左右先唔再眼訓。
第二天
今日既痛楚仍然同昨天差不多, 但有個更大既問題: 水腫情況開始了!
問題在那呢? 其實水腫的位置是龜頭(聽講水腫原因同麻醉藥有D關係, 我仲額外打多左支添, 今次真係大獲), 所以會壓住尿道, 小便時就會超痛的, D尿要係個好窄既洞口湧出黎, 有時唔小心太大力, 痛到眼水都標埋, 入了廁所要10mins先出到黎。
就算唔飲水, 尿仍然會有, 而且不能忍, 因為愈多尿, 力度愈難控制, 柯出黎愈痛。
結果每次去廁所就好像行刑一樣, 呢個水腫既情況要到第3日先開始舒緩。
好, 繼續市講第2日既情況。
基本上同尋日差唔多, 縫針處扯住扯住, 龜頭掂一掂都痛。
捱到3pm, 忍唔住要去訓一訓, 今次又係訓左1個鐘就醒了, 又係同一位置出血, 但今次唔太驚, 見慣不怪了。
當晚9pm 食左女性荷爾蒙就去訓了, 又係訓1個鐘左右就痛醒左, 不過今次只係少量滲血。
訓下醒下(醒左唔可以即刻再訓, 否則訓唔夠5mins就會再次勃起), 當晚total 應該訓了4小時, 算不錯了。
第三天
第3日, 今日上半日去小便時仍然係好痛, 於是我搵左粒以前食剩既消炎藥黎試下, 4小時後奇蹟發生, 小便時好明顯係冇之前咁痛(雖然有時仲會唔小心大力左痛到標眼水)。
今天出現另一個問題, 就是龜頭附近有些黃色的分秘, 抹完唔夠1個鐘又會出現, 已經估到係發炎了。好想去急症室, 不過真係著唔到褲, 聽日再算吧。
傷口仍舊係扯住扯住咁痛, 不過可以忍受。而龜頭仍然係一掂就痛, 但有D地方已經可以輕力摸了。
晚上睡覺既情況同之前差唔多, 都係訓下醒下。(真係好麻煩, 明明勃起左會痛, 但佢都唔肯縮細返, 要靠自己意志令佢縮)
第四天
一早醒來, 發現龜頭有好多黃色一舊舊既分秘, 好核突。
由於醫生只是叫我7日後覆診, 所以一直都冇換紗布或者洗傷口既概念。
但實在太擔心, 所以做好去醫院的準備。
呢度包下果度包下就出門了, 行路就好似機械人咁, 唯有扮係腳痛咁行。
講左個情況比醫生知(男的), 醫生有點詫異, 佢話應該一早就黎清洗傷口。
醫生幫我嘗試除下紗布, 超痛的。佢不停講「唔好意思」就不停用力撕, 我就不停「呀...」。除左第1層紗布之後, 還有第2層(連藥膏的一層)。但呢一層已經硬晒同痴塞晒, 所以就咁係拆唔到既。
雖然只係拆左一層紗布, 但我已經被嚇呆了。
龜頭係大大的, 龜頭下既莖部就窄得幼幼的, 根部就是正常粗粗的。你可以幻想下, 條J就好似有3節咁。
醫生轉我去另一間房, 一位男護士先幫我打一支止痛針(今次是打手臂), 之後就係戲玉了。
先坐低, 再用一張綠色既醫生用紙托住條J。
護士不停用沛消毒藥水浸佢, 涼浸浸幾舒服的。之後開始拆紗布, 但D紗布已經乾到太硬, 起初都無從入手。
最後佢唯有叫我忍一忍, 佢就用力一撕, 終於出現一個缺口。
佢係呢個缺口慢慢向兩邊撕, 其間要不停浸消毒藥水, 而我就不停痛到郁來郁去。(佢用2個膠鉗, 但佢有時會唔小心夾住我條J既肉, 不過呢種痛相比之下簡直係微不足道, 所以我都冇出聲。)
(間房放左D醫學用具, 其間有2個年輕女護士不停出出入入, 被她們看了我的核突JJ, 不過果時我已經毫不在意。佢地自己都話唔敢久留。)
搞左10分鐘, 終於拆完了。可以看見針線完好無缺, 窄得緊緊的, 望著核突既JJ, 其實有點心寒。
護士搽了幾次清潔用的藥水, 最後用紗布包窄好, 今次包埋龜頭, 感覺好得多。食埋藥就走了。
回到家, 感覺真的比之前好太多了, 可以著孖煙通, 龜頭的痛楚減弱了很多。醫生開既藥竟然咁有效!
去一去小便, 基本上已經唔痛, 而且亦可以柯到一條直既水柱, 水柱力度強勁, 應該可以射到好遠。(之前尿既方向係千奇百變, 甚至試過向上射, 果次差D變左顏射, 有時又柯到好似花灑咁)
針線位就時緊時鬆(因為JJ時大時細嘛)。
醫生比左張紙我, 叫我之後4日都要去健康院洗傷口, 走前再叮嚀唔好沖涼。
(起初我都唔明白點解個個醫生都咁緊張叫我唔好沖涼, 事後上網查看, 原來如果傷口入水, 會有好大機會出現嚴重水腫, 有D人唔聽走去沖涼, 結果龜頭腫到好似乒乓波咁, 苦不堪言!)
得到4種藥物(7天份量): 抗生素, 胃藥, 止痛藥, 消炎藥
得1到另一張假紙(5天): 今次是醫院用既紙, 而原因是Wound Infection。(可以用呢張做sick leave證明了, Yeah!)
事後心得: 雖然洗傷口經歷好可怕, 但換返黎既感覺實在係太爽。同時間埋怨家計會既醫生, 點解唔話我知要洗傷口!?如果真係第7日覆診先拆紗布, 我既弟弟豈不是會潰爛!?
晚上, 傷口開始有點點痕(呢個係好既現象, 代表開始結焦), 雖然R佢既時候會痛, 不過完全可以接受。
第五天
昨晚2am睡覺, 4am因為勃起惑到少少痛而醒一醒, 坐係身望下, 冇流血, 於是再訓, 一直訓到9am。係咁多日以來最好訓的一晚。
今日10am去了健康院洗傷口。今次是一個比較粗魯既男護, 佢幫我拆紗布時都冇乜理你痛唔痛, 仲要一路拆一路唱歌。
今次我訓係度比佢洗, 所以都冇睇到傷口係點, 男護話幾污嘈, 而且有甩皮, 佢幫我清潔埋。
唔知點解拆左紗布之後個傷口附近好鬼痕, 但之後包返紗布又冇再痕。Total只係用左5-8mins, 預約埋聽日洗傷口既時間就走得了。
之後佢有問我係邊度做, 我話家計會, 佢就話家計會麻麻地, 不過我到算ok既。
我話家計會只係叫我7日後回去拆紗布, 冇叫我洗傷口, 佢就話好差勁, 冇可能包住7日唔清潔。
今日同尋日差唔多, 有少少痛, 小便暢順, 仍然有少量滲血, 一切正常。
還有5天才上班, 有信心上班當日可以行動自如。
第六天
感覺和昨天差唔多, 用紗布包住時行動自如, 除左紗布後摸到會痛。
今早10點去到健康院洗傷口, 今次到一個年輕女護負責, 樣子ok, 好在處理傷口時仍然會痛, 否則好易出現尷尬場面。
每次洗完傷口後去小便都有痛痛地既感覺(因為入左水), 所以我相信仍然未沖得涼。
但因為內心極度渴望沖涼, 所以用保鮮紙同膠袋對JJ進行了防水處理, 之後愉快地去沖涼(當然係用花灑), 爽!
第七天
今天到家計會覆診, 醫生話健康院包紮得唔好, 叫我之後去返家計會洗傷口。
今次洗傷口既方法同之前健康院唔同, 佢係有杯紅色藥水比我浸, 浸左15mins 都有。
之後佢就用好大力咁用綿花捽, 要捽甩晒d皮, 又係痛的。
終於明白點解傷口唔太痛, 但龜頭仍然係痛。主要原因係以前發過炎, D皮同肉痴埋一齊, 咁分割完之後係會痛得比較耐, 而且康復後都唔會Smooth。
約左聽日返去洗多次傷口, 之後就可以隔1,2日先洗一次了。
