異地奇緣之鄰家人妻 (P.1, 6, 9, 13, 17, 22, 26, 35, 41, 61, 74, 98)

收藏 | 訂閱

1.5k 291.0k

ryanwwk

等待驗證會員

ryanwwk

901^# 大中小發表於 2009-6-23 只看該作者

PART XI

上到車，向江原道出發。個日天氣暖番少少，下著毛毛細雨，所以車速都唔太快。我同佢係車坐番係同一個位，雖近在咫尺，但感覺卻遠隔天涯。全程車，我地大家都講唔過三句野。

我：今日冇雪，但都好凍，你夠暖麻？
Ｓ：嗯。
我：今朝係房唔見你既？
Ｓ：冇，我半夜番左自己房。
我：有野做？
Ｓ：係呀．．．

搖晃既車廂，佢不知不覺就訓左。我就眼光光，心神紊亂，望住車外不停奔走既風景發呆。我知道自己冇權知道太多，除非佢自己走黎同我講，但我一直掙扎緊，到底我應唔應該再問佢同老公之間既事。

今次車程唔太耐，個零鐘就到江原道區，去左春川同名洞。到達個陣都中午時份，大隊去左食韓烤，我同佢被編成兩個人坐雙人枱。席間，大家你眼望我眼，無言無語。今日食烤雞＋年糕，我主動咁烤左好多野食，亦有夾俾佢，佢報以微笑輕輕一聲唔該，終於打破左沉悶既氣氛．．．

我控制唔到自己個心，嘗試再問多ｄ關於尋晚既事。

我：唔好意思．．．今朝我熄電腦個陣幫你ＬＯＧＯＵＴ番個ＥＭＡＩＬ．．．無意中我睇到你老公俾你既野。
Ｓ：唔緊要，都冇咩特別。
我：你一直冇開電話嗎？我好似冇見你同老公傾過。
Ｓ：我一直熄左．．．直到尋晚，我打左俾佢。
我：！？
Ｓ：佢好緊張我，叫我自己遠行小心，以前佢都好少咁既．．．仲話落機個日會黎接我。
我：原來係咁．．．你開心嗎？
Ｓ：我唔知．．．心情好複雜．．．
我：點解呢？佢咁緊你．．．
Ｓ：可能，我明白到我同佢之間既矛盾同問題根本係冇辦法解決既。我想我老公可以陪我多Ｄ，可以俾多Ｄ愛我，但事實上唔太可能。男人事業為上，佢又冇可能放低哂間廠既野成日陪到我，我好矛盾，唔知自己下半生係咪一定要咁樣過埋佢．．．
我：你有冇後悔當初同佢一齊先？
Ｓ：我唔知．．．講唔出．．．

我見佢越講越灰，於是暫時扯開話題．．．講下野食，講下玩樂，佢先識笑番。餐飯都好快食完，之後大隊去左名洞行市集，我同佢同行。我唔敢再問太多，一齊行市集，睇左好多風土野，佢既心情又好番ｄ。

行左好多地方，日落黃昏，天快要變暗，大隊去酒店下塌。

TO BE CONTINUED...