異地奇緣之鄰家人妻 (P.1, 6, 9, 13, 17, 22, 26, 35, 41, 61, 74, 98)

收藏 | 訂閱

1.5k 291.0k

ryanwwk

等待驗證會員

ryanwwk

241^# 大中小發表於 2009-6-18 只看該作者

PART VI

一個人落到去餐廳，周圍都幾爆，我就求其搵張枱坐低左，放低行裝，就走左出去搵食。時間都已經唔早，我拿拿林是但拎左ｄ泡菜＋炒面就算。埋到自己個位，見到佢已經坐左係對面。今日天氣凍番Ｄ，佢著左一條黑身連身紗裙，襯住一對毛毛ＢＯＯＴ，再加一件白色厚外套。

Ｓ：好多人喔．．．一齊坐好嗎？
我：隨便坐～

佢報以微笑，就放低哂Ｄ野出去搵食。雖然周圍真係好多人，但其實我見到遠處仲有吉枱既，不過多個人一齊坐都冇咁悶，加上經過尋晚既事，令我覺得我地距離拉近左，無妨。過左一陣，佢拎左好多野返黎，又肉又菜咁。

Ｓ：我拎多左，不如一齊食丫？ ^＿^
我：好豐富ＷＯ～　你都幾照顧得人，做你老公個個其實好幸福。
Ｓ：（面紅）你有冇咩係唔食架？
我：我並唔揀飲擇食。

＝＿＝”　之後佢就係咁夾係咁夾，我個碟本來得Ｄ炒面架姐．．．最後變成一堆山咁。不過種感覺係幾ＷＡＲＭ既，估唔到千里迢迢黎到咁遠，有人會對自己好。

個早餐雖然大份，但好快食完。領隊係咁催，搞到我都唔好意思慢慢嘆。大家就飛快食完就滾水碌腳咁上車。我地都係坐番尋日個位，係最後面黎既，領隊點夠人頭就開左車。

車開左，慢慢離開首爾。望住窗外景色，再望一望身旁既佢，外表由頭到腳都似係一個正經女仔。我開始有Ｄ唔好意思．．．開始想知清楚尋晚佢係醉酒所失控越軌丫，定係真係好想要呢．．．？仲有點解會係我？三年．．．要偷食應該早就去左，點解要係今次？腦裡面太多問號，係咁轉係咁轉，正係我苦惱緊點樣開口個陣，佢突然講野。

Ｓ：我幫你掛起左個Ｄ衫，你有拎走嗎？
我：丫．．．有。
Ｓ：咁醒，岩岩醒起仲諗住你可能見唔到或者唔記得左。
我：唔會，難得有人咁好心幫我掛衫～
Ｓ：唔好意思．．．
我：下？做咩？
Ｓ：尋晚我冇嚇親你麻？
我：冇．．．飲醉酒姐～見得多。
Ｓ：我酒量一般．．．有時同ＦＤ出去飲幾杯都會醉。
我：咁做咩尋晚要去一個飲悶酒呢？人生路不熟，唔多好ＷＯ。
Ｓ：唔開心．．．
我：床頭打交床尾和，過幾日返到去佢會氹番你既～
Ｓ：到時先算，呢幾日我淨係想開開心心。尋晚好彩有你陪我，如果唔係我一個人都好難過。

我開始放大個膽去問。

我：我陪你時，你都陪左我一晚。尋晚好難忘．．．你覺得呢？
Ｓ：嗯．．．
我：其實你尋晚清醒嗎？
Ｓ：我知道我講左Ｄ咩．．．同埋做左Ｄ咩．．．
我：點解．．．你一直都忍，但尋晚．．．？
Ｓ：可能同你有幾面之緣，我望到你就有一種講唔出既親切感。我老公其實唔鍾意我飲酒，真係好嬲佢，尋晚飲左好多，之後成個人都好慶，真係好想．．．。我老公有Ｄ大男人，我好少同其他人傾關於我地既事．．．
我：開心就可以了。
Ｓ：嗯～

傾左一陣，感覺佢同尋晚係有Ｄ唔同。心想機會可一不可再，當開心過發左場好夢算啦。架車好快上左國道，開得好快，開始有Ｄ眼訓，其實尋晚都唔夠訓。不知不覺間，我合埋雙眼就訓左。

全程大約過左三個幾鐘，終於到左雪嶽山溫泉酒店區。我差Ｄ訓到不省人事，領隊開ＭＩＣ叫醒我地，我朦朧咁撐開對眼，赫見佢枕左係我膊頭熟睡緊。於是我叫醒佢，佢一開眼就若無其事就話好好訓，醒哂。

時間已經中午十二點幾，行程去左一間五星級酒店，照舊大家去左ＣＨＥＣＫ　ＩＮ拎左房放低行裝先。今次，我同佢再唔係鄰房，係同一層而斜對面，其實都冇咩分別啦．．．放低哂Ｄ野就走左去食ＬＵＮＣＨ，冇咩特別。去到溫泉區就梗係要去浸溫泉，食飯個陣佢約定我一齊去冇咁悶。不知是機會還是再會。

我同佢約左係外面既更衣室門口等。天氣有ｄ凍，個陣岩岩３月頭，當日氣溫只有三度，我著住一條泳褲企係度等，頂唔順都要圍條毛巾係膊頭保暖。我先到，等左大約十分鐘佢終於出黎。佢行出黎個刻真係令我眼前一亮，一套粉紅色綁帶比堅尼。身材已經唔洗講，尋晚了解過，個幾塊布仔只將佢表露無遺，腦海中泛起尋晚既情境．．．

佢捉一捉我隻手，都幾凍。

Ｓ：ＳＯＲＲＹ丫．．．等左好耐？
我：一陣姐～冇咩事。都幾凍，你圍住毛巾好ｄ。
Ｓ：黎丫～

佢捉住我隻手，一齊向各式各樣溫泉行過去。

TO BE CONTINUED...

[ 本帖最後由 ryanwwk 於 2009-6-18 04:45 PM 編輯 ]