十分同意

一定有真心,只係你都幾難撞到

我都係親身見識，先有今日見地....唉....以為識到正正經經，最後又係識唔夠2個月，又要比幾千家用，又要比錢番鄉下，又要從香港帶手機、帶化妝品上去...
我做過好多夜場識女女的"老公"，見過好多佢地姊妹啲"老公"，有啲就覺得點都係老家啲仔好，有啲覺得老家啲仔搵唔到錢唔好，有啲覺得香港仔好花心，有啲覺得得廣東識男仔都花心....總之就會因佢地自己遭遇而得出佢地自己感想。
我以前都會以為有賣藝不賣身的女女，但....我所遇過，女女因佢地同儕中有人被包養、或要和同儕炫耀，又要比幾千家用，又要比錢番鄉下，又要從香港帶手機、帶化妝品上去...

what is 賣藝不賣身 有咩例子 ?

例如酒吧拳手, 主管, 休閒中心服務員, 果d 係為底薪 + 提成, 唔係為肉金, 當然部分係為埋肉金的, 亦有 :smile_39:


大陸妹, 係乜女乜性格乜際遇都有, 所以唔可以一面倒講晒


例如我朋友老婆, 佢鄉下係貴州, 父母重男輕女, 佢由細比父母打大的, 沒有太多感情, 好細已經去到中山工廠打工, 做左好多年, 都係工廠處, 所以廣東話一樣係好差 , 亦賺得唔多 (好似得幾百,  部份仲要寄回鄉下 ) 後尾轉去做酒吧主管, 佢唔識飲酒, 又無經驗, 都可以做主管, 大家信我就繼續聽, 以為我吹水就算..............................待續

我想聽呀

當然做得酒吧主管, 平時返工都要飲返點酒, 亦要同招待客戶, 得閒打電話去聯絡熟客, 係佢做左兩個幾星期, 就預左我朋友同另一個大陸仔, 此大陸仔老逢要我朋友請, 我朋友亦知條友係枯寒鬼, 大話精, 靠痴飲痴食, 大家可能又問, 點解你朋友仲下下請佢 ?? 以我朋友既解釋係當請個保鏢, 大陸一個人行街好危險, 當多個保鏢.

好快兩個人就識喱個主管, 之後既發展, 聽我朋友講 ( 係正條女面前講 ) 係條女貪佢靚仔, 一日十幾廿個短訊寫 " 好想我 "
朋友講 "係佢 (條女 ) 溝我 ( 我朋友), 唔係我溝佢, 唔滿意既可以走 "
之後講乜唔多講啦, 我亦有問條女, 點解唔揀個大陸仔 , 佢話 " 睇見佢就飽, 又唔識氹我 "................................... 詳情唔多講, 講下我朋友點治女

大陸妹, 聽我朋友既講法, 係一定唔寵壞得

無耐條女已經由宿舍搬去佢星晨花園既屋企同居, 開頭我朋友仲會比錢條女搭的士返工, 後尾嚴貴, 要條女搭電單車返工, 當然治女一定要收放, 送禮亦唔可少, 送左兩條幾百蚊既玉 "手瓦" 比條女, 一隻條女帶, 另一隻當送比條女既鄉下老母, 又有一隻機械錶 , 卡地亞, 不過係假野, 又有一隻金勞比條女個鄉下老豆 , 當然又係假野, 條女都話佢老豆唔識野架, 唔洗話比佢知假野,
後尾條女話想買部 se 8xx 手機, 當時香港買, 我睇過價成3千蚊, 條女叫我朋友返香港時代買, 佢會比返錢我朋友, 不過我喱條古惑朋友, 當然唔會買, 點解 ? 因為買左返去, 都唔知收唔收返錢好, 所以佢就係羅湖商業城, 買左個 假d&g 手袋 $150, 送比條女, 佢話同條女講, 話香港買唔到部手機咪算羅, 假袋無所謂, 佢地大陸人都唔識分真假, 求其有個靚袋就得

跟著......................有次我朋友好唔滿意係電話度講, 想飛條女, 點解 ? 因為條女要買衫, 洗左佢成 2 千銀, 佢覺得砌到條女厭, 條女又小家 ( 小器, 妒忌等意思 ) 所以想飛佢, 我話 2 千銀, 唔算多0者, 我朋友話條女未識佢之前, 咪係沙岡墟買埋 d 十零廿蚊既衫, 唔係下下奉旨要比佢架, 條女又小家, 見親佢同其他女仔傾計都唔抵得, -------------------- 過幾日話要結婚------------------------ 條女做左酒吧兩個月, 人工共 5 千幾, 無做, 跟我朋友開店舖---------------------話條女有左, 打算 4 月結婚 ------------------生意未掂, 遲下先結, 條女話唔想大住肚結婚, 所以落左, ----------------條女返鄉下帶埋佢細妹來幫手打工, 我朋友好唔滿意, 原因係要養多個人, 條女細妹 ( 足年16歲 )又做唔到野, 成日想識又有錢, 又靚仔既男人嫁, -------------> 又大肚 ----------------> 差不多生得時係貴州條女鄉下擺酒, 男家禮金, 人情, 乜乜 77 都係條女收晒, 存入條女銀行戶口 -----------> 現在隨時生得, 條女打算自己開修甲店, 因為見到我朋友既細妹開左, 賺得唔錯, 又想炒股 ( 以為好搵 ), 最近我朋友打電話來, 話要買部 notebook 比佢老婆坐月時睇股票同帶返鄉下威,
我話佢老婆邊識炒股, 攞部 notebook 返鄉下好威咩 ???
我朋友話 " 知佢唔識, 知道買來無用, 但佢果少少要求, 唔通唔買比佢咩, 佢地 d 大陸人, 你唔明架啦, 搵錢好辛苦, 所以想野好急進 "

細節太多, 唔打啦, 大約既打左點