鼓起好大既勇氣先出POST.
希望大家真係可以幫下我.>_<


我同而家既男朋友一起差唔多一年半.
今次係我第二次拍拖.而我既第一次都比左佢.

我第一次同佢發生關係既時候.我好痛好痛.
不過,我都知道每個女仔既頭幾次都係咁.
通常,正常既女仔過左頭幾次之後,就唔會再痛.
所以,我地都希望過多幾次就無事.

但係---問題就在於---

我係一個神經緊張,過敏既人.
唔知係咪因為呢個原因.
過左頭幾次之後,我都仲係好痛.我既痛楚係有增無減.
有時仲會有痛得撕裂既感覺.有幾次係痛到走路都有困難.
之後,,每次一同佢發生關係.我都好唔願意.
我唔想咁辛苦.但我又唔想失去佢.所以,,雖然我好唔願意.我都會同佢咩咩.
但係..每次係佢咩咩緊O個時.我都會背住佢喊

我明白..
每個男人都有O個方面既需要.我滿足唔到佢.
係我未能做到女朋友應有既責任.
我曾經有要求過不再或少D發生關係.但係..
佢唔得.佢忍唔到.咁我又可以點呢?

呢一個係我既個人問題.我身理上有問題.無得怨人.
我有諗過睇E生..我男朋友都好希望我去睇E生.
但我又唔想去.或者係我唔想去面對.

我,,好想解決呢一個問題.
男朋友曾經講過.每一個男人都好想咩咩.邊有一個男人係唔想.
有時嘈交嘈到好厲害時.佢會叫我係DISCUSS開POST問下人.
"有邊個男人唔想同自己既另一半有好開心既咩咩."
唉....

我可以點做?分開係咪會比較好一點?
大家又有冇遇到呢d問題呢?

呢個真係我既故事.唔係假架.
希望大家可以真心幫我.真係比d意見我.十萬個感激.謝謝.!!

[ 本帖最後由 sze0927 於 2009-4-14 12:29 AM 編輯 ]

我覺得唔係你差wo...
你次次都咁痛...唔通仲要硬要同佢做ar...
你咁辛苦佢見到唔心痛架咩...
我覺得...既然佢都講到出口...咁分開會對你地好d lo...
但其實我又覺得如果你次次都咁痛...真係要去睇下 E 生wo...
就當為在自己去睇la...

唔係呀...我係男仔...
我都會同你男朋友一樣要...但我會少D囉...
你睇下E生睇佢點講...如果有事咪E好先..但正常既女仔都唔會痛...

其實我而家都打算過多一,二個月去睇,
始終我諗佢會轉介我去睇婦科.都要一筆$.
我又唔可以比我屋企人知.所以我要儲$.

哦...咁就好...
咁你都唔好覺得係自己唔好la...最起碼你都有盡力去試ar...
+油...

首先諗下自己點解會咁既先!!!
你冇水既咩...做果時:smile_40:

其實會唔會係你男友前戲做得唔夠呀?所以你有個心理壓力會覺得痛呀?我初初生完bb成日'盈'住個傷口會痛,其實已經埋口好番晒!但一同我老公咩時就會覺得好痛,只不過係自己心理問題!

係囉，你係乾得滯痛定係點呀？
有冇試過用ｄ潤滑油呀？？？

我有時都會唔夠滑，咁我咪送支ｋｙ俾男朋友囉

同埋，你地有冇帶套？？
我以前同ｅｘ咩戈陣，用杜雷斯特別痛架，好易乾咁
轉用其他套套又唔怕ｗｏｒ．．．
不如你地試下用第二種套套啦
（但我依家同男朋友用杜雷斯又唔怕痛ｗｏｒ．
　可能係新出的多ｄ潤滑油～）

go to a female doctor la.

我覺得分開嚟講
   1.我女人同初初我做 同妳一定都好痛
      後尾我用k.y加強潤滑 當然我亦會溫柔些唔好夾硬嚟
      你亦可以試吓女上男下 由妳主導可以就住力度冇咁痛
      但亦需要時間配合、習慣  我女人都做過百次痛楚先開始減輕
      亦建議妳睇醫生或去家計會求議見
   2.需然性不可缺少 但兩人相愛唔係只有性
     因為妳不能滿足男友性慾 佢就可以去揾其她女人？
     真係愛一個人唔係咁呀！