引用:
原帖由 wrxgc8 於 2009-4-7 10:07 AM 發表
不如諗返最基本的問題
你地的感情 / 相處係咪出現左乜野問題呢??
ching都估到d。
其實個故仔好長...我節錄講少少。
我同佢一齊既時候,其實我做左第三者而不自知。
當初,佢同我講自己獨身,於是我地就混沌地開始左。
但後來,我大約去到第三個月個陣,有一次我偶然地發現佢同前度仲有來往。
好奇軀使下,我慢慢留意同查證,
發現...原來佢地未分手。
佢為左逃避自己心理責備...要永同我簽字結婚。
最後冇結到。
我當時好唔開心,一黎自己拆散左人地,二黎心傷。
糾纏左三個月,我決定離開...
最後,佢發現最愛既,都唔係佢個ex,最後毅然離開佢,返黎搵我。
我地就係咁樣一齊返,直到e家。
下省一萬字先...
一個月前,佢再提出想結婚,我拒絕...
其一...我有少少陰影,諗番起上次,唔知佢做咩無啦啦咁提出。
其二,經濟基礎未穩,貧賤夫妻百事哀,我唔信有情飲水飽呢回事。
為左呢樣野,我地呢個月嘈左一鑊勁。
不過...sex出現問題都係9月開始,呢件事,都係插曲而已。