我孝哥一直都冇放棄到呢個討論區, 話說琴日早收工, 老友禿頭偉又聊我上去叫雞出火, OK, 無問題, 我孝哥快人快語, 無話搞埋d婆媽嘢嘅!! 一行兩人挺著胸行去尖東站搭去落馬洲, 期間車廂充斥住一班又一班嘅麻甩佬, 到左旺角東, 有兩條𡃁仔上車, 望落去二十三、四歲度, 講嘢大大聲, 其中一條貌似蔣志光嘅四眼仔開始嚟料, 內容大約話喺大陸識左條女叫華女, 開頭諗住玩吓, 點知華女好認真....又話華女喊撚住打左好多次電話比佢逼佢同自己結婚....下刪百字, 總括, 得出嘅結論就係呢條貌似蔣志光物體中撚左毒, 上到大陸自我膨脹, 情聖上身...本來呢d濕鳩嘢吾撚關我事, 但當時我孝哥本來想閉目養神, 點知呢條仆街上左車之後企正喺我前面, 當時又太多人無計, 我被迫全程聽撚住佢講佢d威水史
