CP 中西餐美食，有時係CP唔知食咩可參考下。 食過好食請介紹下

我盡量介紹我食過個D拉。
三禾壽司(紅C對面) - 唔算勁好食，但係都算ok，價錢又平，十元八塊一碟，2條友1舊水多D都好飽。比起廣東D用機做既垃圾壽司好好多。呢間價錢大眾化得黎又入得口。星期五六日六點半後要排隊等位。

中原街入面個三間日本菜 - 可接受，一定好過三禾，但幾貴，音樂龍個間最貴，兩條友最少四五舊水埋單。

武当西餐厅(近天虹)- 食法國菜2個人大約消費4舊水，帶女女去食有情調，OK好食，但同香港冇得比，但咁既價錢食法國菜你仲想點？佢既湯唔錯，但係貴價牛扒就…:smile_39: ，鵝肝粒意大利飯ok，甜品一般，跟餐D cake 唔好食，要另外自己叫。

中原街路亦天天 - 海鮮、小菜，都幾多選擇，好多人食。但係CP千其唔好食蠔，食親都痾。係CP食海鮮都知唔會靚，只係貪平過下口癮。佢小菜都唔錯既，岩港人口味。

匯龍居(金郎酒店旁邊)- 唔洗多介紹，大把人去過，食燒雞同小菜都好ok，2條友食飽，一舊水埋到單。抵過去路亦天天 (燒雞晚上6點至9點先有)，星期5、6、日去要早D，唔係就要等位

阿捞火锅 - 又係大把人去過，通常豬骨湯底，肥牛、老水同煎鵝肝都正，但應該無可能係法國鵝肝丫，但又唔似係大陸喎，因為大陸既通常一食就成舊散哂水汪汪既，我都唔知邊到既，算了，好食就得。凍蟹都好正，不過2條友食預2舊幾埋單。但D肥牛你唔好諗住好次係銅羅灣登龍個D咁正。

小肥羊(中原街) - 唔掂，我覺得麻麻，深圳小肥羊分店好食好多，深圳小肥羊而家好多野食，仲有煎羊扒。CP個間貴又唔好食，1百幾蚊食唔飽，叫碟牛肉、金姑如牛丸咁就百幾蚊，食唔飽又唔好食，上次我想話要換飯，佢話無飯，暈。深圳店好好多，CP百幾蚊好食既大把選擇，我以後唔會去CP小肥羊。

好運左邊個間過橋米線- 真係幾好食，不過我叫牛肉米線我嫌佢少肉，唔夠飽，D竹桶飯ok，有煎薄餅，同湘村人家差唔多。

蒙自源 - 都係食過橋米線，但無好運左邊個間咁好食。

湘村人家 - 又一名店，好多本地人去食，但水準唔運定，食茶香蝦有時D蝦好似唔新鮮，有時就好正，不過你預左食湘菜係勁多油，我叫碟雞，哇，成碟油，咩都係油浸咁。女女話湘菜係咁既，辣而味濃，以前比女女逼黎勁食羅左張八折卡。

湘风楚寨和毛家飯店- 一般，可能我唔鐘意食湘菜，D女女話好好食，我就無咩胃口，唔岩我口味，可能我唔太食辣

伯顿 (西餐) - 一般拉，食扒ok既，價錢合理，但唔算好好食羅，食牛扒、雞扒、豬扒都係個幾種汁，食幾次ok，食多幾次你就發覺D肉無味，食豬、牛、雞都一種味道… 不過都好多人去鐘意去，2個人一兩舊，睇你食咩。

旋转餐厅 (西餐) - 我覺得一D都唔好食

MITO米多(西餐)同凯恩阁(西餐) - 好過伯顿少少。

相聚一刻(西餐) - 我覺得都唔錯，西餐來來去去都係個D味道拉。

翠華茶餐廳 - 快餐黎講ok，多選擇，但我食羅米雞試過食到有條毛毛蟲，以後唔敢食羅米雞，我同女女話有毛毛蟲，指比佢睇，服務員佢死話係蝦米，咁我叫佢同我食左佢，佢就笑笑口，之後我同女女換第二D野食，之後都有係果度食，因為我知羅米雞唔係佢地自己整既。

金源?茶餐廳 - 唔知有無寫錯名，好運隔離個間，垃圾，無咩野食，上次去食早餐，佢敢同我講話無雞蛋，以後唔幫親

曼聯茶餐廳 - ok，唔錯，好食過翠華，不過大陸茶餐，香港價錢，仲貴過香港，唔抵食呀，都唔知點解收咁貴，茶餐廳咋，收得仲貴過香港，所以我好少去食，除非去會W玩。

富豪酒店對面沙鍋雞粥 - 正! 一煲雞連加料河蝦大約一舊水，冬天食正。

富豪酒店餐廳- 都ok既，我同女女係房夜晚最鍾意叫上房食。水准唔差架。

華宇條街既雞煲-小店一間，但幾好食，好多本地人去食架

真功夫 - 好難食呀! 可能唔岩我口味拉，叫了一個飯，我同女女一齊食唔到半碟，我忍唔住笑走出黎，因為估唔到咁難食，女女就嬲爆出黎去街邊買寸燒食

KFC -唔係講笑，味道比香港入味，我平時係TST金馬倫道既KFC食D雞原全唔入味。CP個間反而好入味

飲茶就美怡登、會華個D好味D，紅C同常平廣場一般拉。不過紅C有晚市茶飲。

音樂龍樓下個間食餃子既 - 只食過一次，ok 好食，但有壞印像，夏天去食，X家拎，幾十隻烏蠅飛黎飛去，要D服務員係旁邊我地一邊食佢一邊打烏蠅，叫佢關門開冷氣，佢話公司講明要晚上才可開冷氣。食到我標哂汗。

天鵝湖條街個D川粵湘菜館 - 大部份幾好食，十零二十蚊一個菜，真係幾ok，不過可惜份量少得可憐，排骨真係得骨無肉，我叫排骨，只見一小塊肉係D骨上面。

天鵝湖金豪茶餐廳 - ok 拉，普通

天鵝湖金港茶餐廳 - 同金豪差唔多，但平D

天鵝湖星緣茶餐廳 - 幾好，我成日幫親。

天鵝湖加州紅對面D燒烤檔 - 同其他差唔多味，CP街邊燒烤只有一隻味，因為佢地最鍾意落支然粉。

銀星樓下茶餐廳 - 等…沒法等都要等，上菜勁慢。呢間野出名慢

P.S 千其唔好係D唔係香港人開既港式快餐店叫港式快餐，難食到嘔
P.P.S 千其唔好係大陸超市買出前一丁，佢唔係假，但係係大陸製，工序同料唔同，我買過黎煮，好似食緊D爛膠咁。

其他既CP美食介紹，但我未試過 :
福星(大良)双皮奶糖水店——相聚一刻侧
天天聚源味——公安局那条路。。。
君悦大酒店中餐(水晶鸡、石烧牛柳、桑拿牛仔骨。。。回味无穷)——中元街
百花街的牛杂、炸鸡奕小吃。。。好像还没解封，真是损失老板不少生意吖
大和后面好像是叫富源的吧，皇牌云吞超赞，不送包。。华润附近有家分店
米多这条街（振华十街吧）球进会后面有家天下第一粉
天安门(东北菜)
美怡登(酒店中餐)
聚福楼(星汇下面)
肥苏烧鸭
大良珍宝快餐
惠福楼大排档
荔兴园
万绿湖(客家菜)
艳阳天(文化广场下面)
阿炭哥(振兴三街)
百花街的牛杂……
松柏塘三角田凉亭大排档(碧湖花园前行300米红绿灯右转)
海霞酒楼

[ 本帖最後由 llcoolj 於 2009-2-23 03:47 AM 編輯 ]

多謝Ｃ兄

師兄真識食...:smile_04:

樓主...多謝分享.
不過可唔可以簡單講下邊幾間特別好食, 消費如何...THX

我都係copy人地D資料，我成日係CP都唔係間間食過ga。出名個D就食過。

Thank you..........

有平有貴,各有所好

你地平時食邊間多？

多謝ching報告.....

多謝師兄推介