突然想起她(作出了某些回應)
好耐以前,我仲係單身嘅時候,有性需要就會去旺角d馬檻,有一次來了一個好靚好靚嘅女仔,佢係大陸落唻,當時佢17歲,我26歲,果次同佢做完,我即時加多咗個鐘,仲問佢攞咗電話,之後我會同佢通電話,有需要我會上返果間馬檻搵佢,因佢唔係周圍走,佢做梗一間,兩個月後,佢要走,佢話佢唔會再唻hk,因為佢唔會再做呢d野,佢在hk最後果日唔使再接客,我同同佢睇咗場戲,行街,我在尖沙咀九龍酒店book咗間酒店,我同佢食自助餐,食完之後仲去咗九龍公園行咗陣,就好似一對普通情侶咁,大家唔好誤會,除咗房錢同自助餐錢,佢自己買野返鄉下都無要我俾,之後我地返酒店,果晚做咗三次,我最記得做完第二次之後佢喊咗出唻,其實我都好想喊,我真係中意佢,可能大家會笑我,中意個私鐘北妹,但係我真係解釋唔到....
第二日,我同佢上咗深圳,果日大家都好唔舒得,結果我地一齊在深圳又過咗一晚.....
第三日,佢真係要返福州,我真係有個衝動想同佢一齊去....
之後我地有通電話.....過咗三個月,我上咗去搵佢,我地真正開始咗.....
我地拍咗一年,可能大家會以為佢會要我俾錢佢,但係我每次上去搵佢,除咗同佢拍拖要用嘅使費外,根本無使過d咩錢,我試過主動俾錢佢,但係佢都無唔要.....
可惜係,大家此終分開兩個地方,我又越來越忙,結果都係分開咗....不過最安慰係佢用佢在hk賺到嘅錢開咗間舖頭仔,佢真係唔再行返果條路.....
我第一次在這裡post,打得唔好不要見怪,但係我今晚突然想起佢......唔知佢而家點.....希望佢可以開開心心啦!
(加於2月11日下午2時32分)
睇到好多人都話好感人,希望大家唔會以為我在作故仔啦.....
至於有人會話我可以再打電俾佢,其實當日分開(都6,7年前),係因為我有一段時間去咗北京做野,雖然大家都在大陸,但反而見唔到面,因為我工作關係跟本唔可以走得開.....
同一般情侶一樣,幾個月一面都見唔到,開始有小小問題,結果有一晚大家傾咗好耐,決定分開,早期大家都有通下電話,但係我都仲係無機會去搵佢,就係咁真係斷咗聯絡....
而且都咁多年,我自己而家都有個女朋友,我都要對而家愛嘅人負責,我想起佢....佢叫小玉....只係一時感觸....就算真係再見返佢,呢刻我愛嘅都係而家嘅女友,因為而家嘅女友都為咗我做咗好多野.....
[ 本帖最後由 PCON99 於 2009-2-11 02:41 PM 編輯 ]
