一個好消息, 一個壞消息
好消息:
早幾日老婆話佢姨媽遲左黎, 由於佢咁多年都係好準時黎好準時走, 於是我地滿心歡喜去買驗孕棒驗, 陽性反應, 即係有左bb, 禽日去同老婆去做婦科檢查, 諗住順便請教下醫生, 有咩要注意. 點知醫生check到佢有左bb 六星期:smile_24:
壞消息:
醫生同我地講, 搵唔到個bb係邊, 好大機會會黎番m, 之後個bb會跟住d m排出体外:') , 今朝我番左工, 老婆打黎話佢好似谷緊m. 下午佢再打比我, 佢話己經黎左m, 仲比平時多:smile_42: 打比醫生問佢, 佢話過多個星期先番去比佢check, 因為禽日搵唔到個bb, 今日都未必會搵到, 下星期先check會好d, 佢仲話流量比平時多, 好大可能係個bb唔穩, 跟住d m排出体外:') 不過都要check左先firm到, 又同我地講, 我地仲後生, 大把機會, 同埋個bb都未成形, 就算真係冇左都唔洗太難過:')
我老婆就好唔開心, 佢驚下一次懷孕, 又會係咁既情況, 我唯有安慰佢, 同埋幫佢約醫生做body check, 睇下發生咩問題. 我都好唔開心, 但係老婆面前又唔可以比佢知我既心情, 唯有係呢度呻:')