羅湖火車站廣場遇到唔見證件肥漢

收藏 | 訂閱

85 5.7k

pp161

等待驗證會員

pp161

1^# 大中小簡繁發表於 2009-2-4 只看該作者

羅湖火車站廣場遇到唔見證件肥漢

正話由廣州返到深圳七點幾鐘，落火車後行去羅湖口岸大樓；
上緊扶手電梯時，由背後傳來急速上樓梯聲；
回身左望，見一肥胖中年漢快步上來；
佢望住我話：「嘩！d人真犀利，咁就俾人偷左個銀包！而家乜野都無晒！」
我無做任何反應，回頭繼續到電梯去到路面就照向口岸行；
個中年肥漢快步追到我左邊平排行，我即時睇下右邊有無人行近，係無的；
中年肥漢向我講：「我唔見晒d證件，唔知點搞！」
我已經提高警覺，對佢講：「你搵公安喇，或者警察喇！佢地做慣架！幫到你！」
我講完就加快腳步行，中年肥漢跟住都加快腳步；
佢話：「我要去市局辦證至得！」
我心諗：「無野呀？剛剛先話唔知點，而家即話要去辦證！變得咁快？老千得咁渣！」
我無理佢，繼續行；
佢繼續講：「我要去影相先做到證，影相要45蚊，我差25蚊，你可唔可以俾我呀？」
我望佢一眼後無理佢繼續行，當時已經行到書店附近；
中年肥漢邊講邊由褲袋拎出張摺到皺晒的身份證影印紙出來揚俾我睇；
講：「我係水上人來的，你睇！我叫朋友FAX過來的，我要去影相先拎到證，你俾25蚊我喇，你知喇，求人好難架！」
我即時火都來，簡直不知所謂，咁渣的騙術仲要黎！？
我好唔客氣對佢講：「喂！你咪再煩我！你呢頭話唔見證件，呢頭又有影印本，咁你係水上人就唔駛過呢個關喇，去碼頭坐番你隻船走喇！」
我講完後繼續行，而佢即時向右橫行行去整牙醫院那邊；
我行到口岸大樓出口處回身望望中年肥漢，見佢正落緊扶手電梯向回頭走。
跟住我就返香港。
報告完畢。
請大家留意！小心！

[ 本帖最後由 pp161 於 2009-2-4 08:16 AM 編輯 ]