|
等待驗證會員
|
74#
大 中
小 發表於 2009-2-4 只看該作者
我地又係時候包膠包膠啦
玩總統套房, 岩晒我地要求
想我地今次落去前, 我地好想同個部長傾D细節, 想講清楚係米有咁大拆扣, 同埋指定要房聽到舞池音樂, 阿青話我辦事, 你放心, 好啦, 佢話佢搞掂, 報左人數20人左右, 開頭羅定間錦田,諗住今次掂晒, 每人150蚊有酒有歌唱有DJ有朋友有氣氛又迷幻, 星期六晚去到就話轉左間大D既房俾我地, 心諗, 係米真係咁夠朋友先, 左度左度, 諗黎諗去, 諗到一樣野就係, 水都樓上好多房都無舞池DJ架波, 即時追問帶位, 佢就老實啦, 一五一十咁話俾我地聽, 係電腦選曲嘅, 我話得喇, 一聽就明晒, 我話我你果D國產Fing頭DVD街頭賣緊5蚊隻咋喎, 你走黎收我地呢班猛男幾千蚊酒水,你係米撈野架?! 你D歌又唔夠加洲紅齊, 你咁米即係趕客姐!?, 老老實實喇, 我地係鐘意你個場後台强勁, 百花齊放, 一係就換俾我地, 一係我地就20人坐晒响高抬咋, 本來換間4樓銅鑼灣俾我地, 同舞池隔左幾層樓梯,又上又落都幾係野,真係想落舞池親下熱閙要行成公里路,返工都無咁辛苦啦,今次阿青真係大整估啦, 算啦, 後尾都係換左間”上水”房, 順便講講,果道D房名好搞野架, 全部香港同深圳地方名黎既, 聽落好似有少少歸屬感, 1樓近舞池, 到左12點左右, 十幾人黎齊都夠坐, 玩玩下朋友拉朋友在場20-30人上左總統套房, 我就迷迷糊糊, 好多囡囡, 出出入入, 夠晒熱閙
每人夾多D, 玩得開心D, 一早埋定單, 唔洗煩荷包
其實好似在當晚在場, 朋友拉朋友, 夾夾埋埋, 好多都無夾錢, 埋單3400人仔左右, 飲左9打, 收左15個人錢左右, 真係唔係好夠數, 我包左底收少左成1150人仔
真係要提一提大家一樣野: 如果有朋友臨時要加入, 唔該叫佢地報到夾錢, 我都唔想話玩完各散東西call你地又擾人清夢, 煩到你地都唔好既,散場淨返我地幾條友夾幾千蚊真係唔好意思既, 大家平水雙逢, 亙不雙欠, 共同進退, 先係最開心既事
不過計數還計數,我UN左出黎都好happy, 不過真係又唔想你地覺得你地會欠左我咁, 所以下次個團真係要起價啦, 依家開始每人$hk250, (我唔想收到假人仔, 又唔洗你地換黎換去) 多除少補, 如果咁樣大家仲可以平水雙逢, 做你地既忠實浦友, 要玩就玩大D, 先夠happy既, 豪D放D, 食好D 玩大D, 增強我地香港人既抗海潚意識, 救國救民, 對袓國既付出熱誠係唔可以少既….
取消女仔免費, 還我男人清白
因為出黎係交朋友, 我地唔係要妳賣藝, 賣身, 賣弄色相, 搞清楚先, 妳地同陪酒唔同, 陪酒要引我地開心, 而妳地係我地既朋友, 浦友, 唔好唔會, 出到黎大家平等,男女平等呀,覺得男仔都唔應該俾晒姐, 俾人話我地班男仔係個個狼,個個有企圖先得架,識朋友大家都應該有付出先得既, 係米? 又唔會搞到係你地女仔欠左我地男仔咁, 心照啦, 出到黎如果真係有人霸王硬上弓,或未經同意摸手摸腳, 欖腰, 摸胸, 強吻, 一定會交俾在場保安打手處理, 罰錢離場, 黑名單, 或由娛樂場所或公安査辦.
我地真係出黎同你/妳地交個心出黎做朋友既, 大家一齊飲下野, 一齊聽下歌, 搖搖擺擺, 迷幻下, 又一day, 岩玩既閒日都可以有節目…..
包賿完啦, 收工^_^
|
