係大陸用提款卡/信用卡係機禁錢或付款要小心

收藏 | 訂閱

52 4.7k

llcoolj

等待驗證會員

llcoolj

1^# 大中小簡繁發表於 2009-1-25 只看該作者

係大陸用提款卡/信用卡係機禁錢或付款要小心

其實係大陸電視都成日播，成個過程影哂出黎，D賊係銀行關門後係自動門出面刷卡機外面加一個佢自己既刷卡機，你一刷卡開門佢就已經抄左你張卡的資料，你一入去禁錢佢就偷睇你按既密碼，佢帶自己個刷卡機返去複制你張卡就可即時去禁你D錢。所以如果銀行關門後D櫃元機門口要刷卡既就要小心D，最好等人地用佢地張卡開門，以防自己張卡比人抄左資料，佢部機係加裝係銀行刷卡機的外面，就咁睇係睇唔出，仲有禁錢時記得用手姐住唔好比人睇到你密碼，因為有D賊成個讀卡機和視像頭成套裝係ATM面板上面。仲有係上面最好少D簽卡，唔好以為大酒店或商店就沒事，好多前台或收銀D PK 係同D賊仔一伙，將你張信用卡一刷就奶野。
新年前我係工商銀行就見到一個 16、17歲既"靚"仔拿住10張不同的提款卡係工行不停禁錢，係大陸人，我就唔信一個靚仔有二十萬，就算真係有，係銀行排隊取錢就可以，好可疑。一張卡好似一日可以取2萬，但每次限取2500，我見佢不停咁取錢，一張按完又按另一張，後面D人(包括我)等到唔耐煩，佢不停係咁禁，我已經係後面爆粗，不過佢當然唔理我，但保安聽到就走埋黎企係佢後面，保安見佢不停按錢就說:"你取夠了吧？快走。" 但個靚仔好似好急上取哂D錢出黎，加快速度狂禁，保安發火，用之警棍打部機，然後大叫銀行裡面D職員食佢張提款卡，條靚仔就急急按取消拿返張卡就急步走左去。唉，其實個保安唔比佢走睇下佢D卡都知佢係比人指使的，D幕後怕監控錄到咪叫D靚仔入黎狂禁錢，自己係出面等。仲有如果禁錢無錢出千奇唔好打佢D貼紙上的電話，張貼紙都係D賊貼上去架，個電話號碼都係假既。我試過係CP 麗香樓中銀禁錢食我張卡出唔到黎，之後我周圍望，有幾條大陸佬係我後面等，冷好心同我講話呢部機成日食卡，話而家銀行關門了，說要明天跟銀行聯絡才可拿回張卡，小阿星，我緊係唔理佢，死都唔走，等了10分鐘等到一個保安，佢幫我試夾張卡出黎夾唔到，佢話不如我明天在去銀行搞，我緊係唔制搞，後面個幾條大陸佬仲係到等緊，點知佢地想點，我話我拎唔返張卡出黎係唔會走既，好彩佢都幾好人，佢之後周圍搵同我搵到過夾仔，夾返張卡出黎，好彩我張卡唔多錢，我去第二間銀行將D錢禁哂出黎，之後回港換密碼。

透视银行卡诈骗(一)ATM机上的陷阱读卡机、针孔摄录机，换二十张卡狂取款。
http://v.youku.com/v_show/id_XNTQ5ODUwMjQ=.html

[ 本帖最後由 llcoolj 於 2009-1-25 04:13 PM 編輯 ]