引用:
原帖由 suki1985 於 2009-1-3 05:23 PM 發表 
如果之後真係同呢個男仔拍拖，我諗我無甘大勇氣一五一十同佢講以前既野，不過遲d先算啦，而家都係當朋友出下街！一陣都約左佢食飯！
一口氣睇晒啲post一.一 45頁..........都幾係野, 但係唔追又唔得 ^_^ (好奇心重......即係8掛 lol)
回一回你個post 先suki 有新既開始就好啦, 不過我覺得, 未必要所有野都講晒俾新既呢個男仔聽. 反而揾個機會, 問下佢介唔介意個女朋友係有"經験" 就夠啦, 如果佢係介意, 就唔好同佢開始, 你唔使同佢講你有定冇經験, 要唔同一個人開始, 可以有好多原因既
其實suki 你有咁既經曆, 你都唔想, 呢個係過去, 冇得返轉頭, 如果佢介意, 咁都冇辦法, 如果個個男仔揾女朋友都要係處......咁就慘啦, 大部份人揾唔到, ( 或者係要目標放遠啲, 追啲十歲八歲, 等佢十幾廿年, 咁可能得 )
呀, 唔知你信唔信神呢, 先講講, 我信有神, 但未係教徒, 亦唔係傳教. 如果夜晚瞓唔着, 就試下祈禱啦, 無指定放式, 只要合埋眼, 心裏面有咩想同神講, 就係心裏面講, 講一陣就會瞓得到 ka la. 我之前係我人生最低潮既時侯, 我晚晚都係咁祈禱, (風雨不改 :p ) 我係瞓係床度, 蓋好被, 跟住先祈禱, 祈左一陣就瞓着左 :smile_30:
祝你以後都開開心心生活
[
本帖最後由 felix_felix1 於 2009-1-9 04:59 PM 編輯 ]
