兩人相處最緊要係有冇愛, 如果係有愛存在, 而兩人已經有過性關係就唔可以話冇 (除非佢係虧又或者唔愛你), 因為有愛o既性係好美好o既事 (唔好怕醜, 我唔係講咸濕o野) 我同我老婆由拍拖到結婚已經十幾年, 但我對佢仲未厭, 仲認為佢好正, 因為我真心愛佢, 自然想同佢恩愛恩愛, 如果你真係愛佢唔好計較邊個買套, 但睇情況你都已經唔愛佢, 所以唔好認為可唔可惜係問題, 你o既青春 = 你o既時間, 你o既時間 = 你o既生命, 既然已經冇愛o既存在, 就唔好浪費自已o既生命, 就算佢今日因為怕o左你而就你, 將來佢都會遇到佢愛o既人, 到時分手你咪仲唔咁心
而且以男人角度話你知, 女人一定係有脾氣, 男人愛你或怕你可以你就, 但就唔忍得幾耐, 如果到時遇到個溫柔體貼o既女仔實埋單走人, 你都唔可以怨佢, 因為間接都係你迫走佢, 最緊要係你要改變自己, 雖則講就易, 做就難, 但一定要做, 因為一個男人更愛你, 你o既脾氣都會迫走佢, 而且兩個人相處冇話邊個遷就就係蝕, 只要得到平衡, 行埋一生一世o既路, 咁你認為自己有冇蝕???
[ 本帖最後由 oda0511 於 2009-1-7 10:24 PM 編輯 ]
