Hello，首先向甘多位關心我既人講聲唔好意思啊！因為呢個假期真係好忙，日日都出左街，我都未返工啊，由12月25號放到下個星期一先返工，係度同各位講聲“Wish everyone a healthy and prosperous year”！我真係好開心，因為見到大家都好關心我！
第一件事同大家講係呢個長假期佢都無搵我同埋都無收到d古怪電話，算係一個好消息！
第二件事就係除夕個晚我同左想同我拍拖個男仔一齊過，不過係一大班人，係我提議既！最尾佢又送我返屋企，佢再問我會唔會考慮同佢一齊，我問佢鍾意我咩野，佢諗左一陣話好老實講開頭緊係覺得我靚先吸引到佢，後尾就覺得我性格都好好，同埋好乖！跟住我同佢講我唔係佢想像中甘好甘乖，我話不如大家再相處下先再講(其實我都唔抗拒佢，只係想大家再了解多d，雖然大家都識左五六年)，佢話好，跟住約左我星期六晚食飯，話今次只係單獨兩個，問我好唔好，我話都ok！
而最後一件事就係最驚，我d野遲左一個星期都未黎，會唔會係我呢一個月情緒唔穩定而影響左，好耐之前試過一次都係甘，個次遲左9日，個次係考試，個陣時都無驚過，因為個時都未同人咩野過！希望今次都係甘啦！唔係就死啦！

我好少回人,不過都講兩句...
其實你同EX之前做果D野唔等如你唔純唔乖,你都係愛佢姐....係佢利用你GE愛~
希望你可以搵到個你中意GE人,而且唔好受呢件事影響,可以享受LOVE~

我覺得呢次事件影響你心情啦... 因為之前你俾我地感覺係好大鑊咁..  d o野遲o左一d 都唔奇.. 怕o既咪買驗孕棒睇o下有冇中招..  你同佢做o個時冇帶o野咩?!

你地相處一段時間
覺得佢OK既話
可以考慮一下#647風馬牛兄既建議

咁就唔怕之後俾個衰人威脅

[ 本帖最後由 tinlong22 於 2009-1-4 09:56 AM 編輯 ]

最尾個次無用(11月29號，安全期，之前個ex男朋友話唔會有事，一路安全期都無用)，以後都唔會甘傻甘做！不過當時只係想佢開心！
過多幾日未黎，真係要驗下！

#657搵唔到啊！

suki妳要加油呀,向妳美滿幸福既人生進發呀

suki, 我唔係想嚇你, 但係我提議你立刻去屈臣賣野驗一驗先.
如果真係中咗招, 唔駛怕, 我有經驗, 我知點做. 如果真係需要, 我會幫你的.
唔係#657, 係#647.

[ 本帖最後由 風馬牛 於 2009-1-3 12:54 PM 編輯 ]

first of all, wish you a happy new year and prosperous 2009.

#647 講得好岩, 如果個 男仔真係好o既, 不防試下發展... 許可既話, 可以同佢講下以前o既野, 因為由始至終, 你根本一d 野都冇做錯過...
如果有咩事o既, 不防同我地呢度d 人講, 一定會有人幫到你的...

衷心祝你以後都會開開心心...

睇o黎你應該冇事o既... 似係自己嚇自己多d.  因為你潛意識中唔想同佢有任何關係.. 你怕有o左之後又要面對呢個人.. 心情緊張自然唔會o黎...放鬆d啦...