Hi大家好，呢幾日都好忙啊！日日都去左街，有時同屋企人，有時同朋友。平安夜同一班朋友開Party，都算ok啦！話無諗起佢就呃你地，不過我都盡量唔去諗！聖誕節就同屋企人過！
平安夜玩完有個男仔(係讀書時識)送我返屋企，之前都送過我幾次，但尋晚臨上屋企時佢問我，我地有無機會發展，當時我唔知點答，我只笑一笑就講byebye！雖然對佢都算有d好感，但又未算講到係鐘意，同埋覺得係呢個時候去同另外一個男仔一齊，好似對個男仔唔係甘好，自己都過意唔去，話哂自己個心都好似仲有一個人係入面！個男仔日日都有打比我，仲約我除夕一齊過，不過我仲未答佢，算啦！順其自然啦！

你要記住你已經重生,唔再係以前0既suki,唔好再比以前d記憶綁死,
你個賤種屎撈人ex係咁唔係個個男人都係咁啊~
試下發展下啦~叫你發展0既意思唔一定係拍拖,
係比機會試下了解下其他男仔先,等你知唔係個個男仔都係咁,
當你重建信心之後你就會放開到之前一段感情,
你試試啦~!!希望有你好消息!!

我唔知suki妳既宗教係咩,但係聖誕教導我既係"舊事已過,都變成新的了"我唔係要彭吹妳同呢個男仔發展只係唔想妳繼續停留係之前唔開心既階段,人係要向前望既,就正如另一句"忘記背後,努力面前,向著那標杆直跑",當然我唔會知道妳既目標係咩,因為畢竟我都係因為妳開咗呢個post我先會對妳有一點點既認識,相反如果連妳自己都唔係太清楚的話,2009年就快到啦,不防為自己諗一諗去定一個自己既目標呀

願主祝福妳,讓妳每天都能安然渡過

Suki:
今天是大除夕的好日子,一切不開心,不如意的事就隨著除夕一起除去吧!
願我主的大愛和衪那大能的手保守你和你家都能活在平安,健康以及歡愉的每一天。

suki,新年快樂!!忘記2008年的一切,從新由2009開始吧!!!

Suki~
試下發展下都好架

不過記住一樣野
唔好為左忘記一個人而太快同另一個人一齊呀
最緊要係睇清對方係個咩人先 : )

樓主, 你既情況同我太太以前情況十分相似, 佢同舊男友要分手, 因為他時常睹錢, 舊男友電話不停煩佢, 跟踪佢, 又話要去佢公司講佢地以前d野比佢D同事知, 比起你D秘密更嚴重. 但佢同我拍拖之後, 立刻同我講了所有的秘密, 話如果我原諒佢, 我地可以試試一齊, 唔原諒就不要開始了. 後來她的舊男友真的發現我的存在, 一定要電我. 在電話中講了她們的秘密我知, 心想我必定會放棄她, 但因我早知, 所以他很無奈地收線. 我地拍拖兩年後結婚, 現已十年了, 有一女八歲. 我都係住係你個到. 你唔駛驚依D男人架. 不過, 你第二時拍拖, 一定要同男朋友講清楚你既過去, 咁就唔怕個衰人威脅你. 好彩你無片係佢手, 唔係佢實要脅你, 要你永遠做佢性奴.

你要忘記過去, OK的話, 開展新的一段情吧.  祝你新一快樂.

師兄你真係好好!!!:smile_40:請你多d鼓勵suki,因為有過來人事實0既support,
會比我地平白安慰更有說服力!!

好事黎, 好事黎, 新既一年, 新既開始, 衰野走哂, 好野番哂黎,希望你今晚玩得開心啲la,姑勿論你會唔會同呢個同學仔發展, 你都展開咗新既一步, 唔好再回望過去啦

唔知樓主近況如何呢? 希望新的一年, 新的開始, 唔洗再煩擾在呢件事上面啦