仆街主場 -- 你地好等錢洗??
都幾長下 , 但希望大家睇下 , 真人真事 , 今朝發生 , 又屈人$$
平時回都懶得回既我! 今日真係好慶咁打咁多字!!!
水圍蔚藍海岸 , 話說琴晚我同個friend兩個人上去呢間我地幫襯左兩三年既骨場按摩 , 四點上到大廳 , 坐低按腳睇波 , 睇完波 , 入房按泰式 , 按左個半鍾到 , 我同個friend都訓著左 , 突然有個女部長大大力鄗我地房門 , 入到黎笑笑口話 " 唔好意思 , 你地頭先係大廳食煙燒穿左我地張椅同椅套 , 話要賠錢 "
跟住我比佢講一講 , 醒醒地先發覺唔對路 , 問清楚咩事 , 佢就話係我頭先食煙燒穿左佢地個椅套 , 我同個friend 叫d 技師先落鍾 , 我地同佢出返大聽睇 , 我即時吊七佢 , 我都唔食煙既 , 點會食煙燒穿左佢地個椅套.... 佢話我個friend食 , 但都唔會燒到我果邊呀?? (佢坐我左邊 , 我右邊椅邊燒穿) , 個煙頭印好明顯係舊料 , 個燒窿好靚 ,好明顯洗過水既 , 岩岩燒穿既 , 摸落去實有d 灰呀 ?
跟住我大大聲同佢係個大廳到嘈 , 順便嘈醒晒係大廳訓緊果d客 , 我話一黎我唔食煙既 , 二黎你地用成個幾鐘先發現有個煙頭印 , 先黎同我地講? 三就係我地訓撚晒佢大大力敲門嘈撚醒我地就係黎屈錢....
跟住我話我唔會賠 , 佢話打110 , 諗諗下訓醒要返工 , 費是煩 , 問佢要屈幾多 , 佢話唔係屈 , 係賠100ymb 喇 , 個椅套百幾蚊 , 跟住我話得 , 我要拎埋走 , 我比左錢就即係我架喇 , 跟住我同佢講 , 仲有 , 頭先我地簽小費果d同我取消左佢 , 按腳30+按摸40 x 2 = 140ymb(我都知d技師係無辜 , 但真係好撚火 , 佢想要果100$想到志在必得咁) , 佢話你簽左名就唔可以咁窩 , 我跟住話 "我係帶唔夠錢黎 , 係本來岩岩好, 而家比你屈一屈唔夠喇" 佢好似好無耐咁話 " 人地幫你服務左....你係應該要比, 除非你對佢地有不滿 , 有投素" , 我話 " 小費係咪可以唔簽架 , 張單寫住隨意架麻 , 我話我而家比佢地按完好撚痛 , 又唔想比喇 " , 跟住我叫佢入埋果100入我手牌
嘈左半個鐘 , 講好了我賠 100 , 取消兩人140 小費 , 都訓唔著了 , 去埋單 , 又一個部長係到係大堂 , 佢話果位178 , 我就178+100 , 我問佢又咩178 , 又開始嘈 , 佢又扮係到解識 " 泰式108 , 小費70 " 我話小乜撚費呀小你老母 , 頭先個部長話幫我取消左架麻 ,跟住佢又行開 , 又返黎 , 話 "你賠100你張單先減到,你朋友果張單減唔到 " 跟住我又大渴!, 咁你頭先果個又話幫我地減撚晒 ?
佢又行開打電話 , 又返黎又話ok..... 108+108+100 , 比$$ , 我睇睇張單 , 都無果100賠錢果項 , 佢話賠$$果d無得入 , 跟住我話無果項 , 唔會比 , 點知你係咪自己吞 , 跟住佢又有d無耐走去求其寫張咩收據比我 , 我個frend就話唔得 , 一定要用電腦入單 , 唔係唔會比 , 佢話入唔到 ... 佢又呆左一陣 , 又走去個櫃台 , 出過張單 , 果行100 既item 係"技師小費"
跟住我又就叫佢拎埋個椅套黎 , 佢話唔比得架窩 , 我又吊佢 , 你頭先果個部長又話得 , 佢又去打電話.... 佢唔知邊到拎個套出黎, 黑麻麻既 , 又真係燒穿左果窩 , 但肯定唔係頭先果個 (佢地準備左大量舊貨去屈人$$??) , 我話我要上去睇住你地除出黎 , 上到去 , 個部長又好無耐咁叫個服務員除出黎... 比完$$ , 拎左個綺套出門口就掉左!!!
每個月都同朋友去幾次 , 每個月都係到洗成幾千$$ , 唔熟唔食呀?
