:smile_27: 各位浦友,你地好呀 ^ ^
响呢版睇咗咁耐都冇咩點發表過意見, 趁有間新開大場, 小弟都發表下意見先, 啱聽嘅歡迎大家入嚟吹下水
D-Room...係我近期玩得比較多嘅場, 所謂多, 只不過是一, 兩星期1次, 真係不得不慨歎一句『不復當年勇』:smile_35: , 我由coco duck, yoyo, 100 feel, 348年代玩到而家, 要搵返個相類似嘅場玩可以講話根本冇可能, 而家只求搵個俾到你有當年小小感覺嘅場嚟玩 , 已經好滿足:smile_40: , 相信好多浦齡近8-10年嘅朋友都會有呢個感覺, 講番個場先, 其實我覺得個場整體嚟講都唔差吖, 細場嚟講算唔錯了, 起碼無俾我爛蹋蹋嘅感覺, 歌方面呢...都係一貫油尖旺disco歌啦
, 如果係浦開嘅, 都應該都會啱聽嘅, 個人嚟講, 如果自己一班人玩的話算係唔錯嘅選擇, 不過又議事論事, 如果係一心諗住去溝女嘅, 就真係爭咗少少, 去過咁多次, 見親啲人都差不多係一班班咁上嚟, 好少一兩個女仔咁上嚟, 呢點大家真係要留意, 不過對浦齡有番咁上下嘅小弟嚟講, 呢個已經唔係咩問題, 曾經响一個回金龍嘅post度提過, 如果你去玩嘅目的係為咗溝女嘅話, 嗰晚你溝唔到女一定會覺得唔好玩, 倒不如一班朋友聚下舊, 聽下歌, 飲下酒, 吹下水好過
, 場中所見亦都大部份人係咁, hehe :smile_30: haha :smile_30: 氣氛都算幾好, 到真係遇到啱而又合眼緣嘅
, 咪先當係bonus囉
, 一路都keep住呢個心態去玩, 可能亦係我玩咗咁耐都唔厭嘅地方 .
至於Club R呢, 我平安夜落去玩過, 始終大場即係大場, 裝修, 燈光, 音響各方面嘅硬件都好認真製作
, 地方亦夠哂大, 粗略估計最少有萬五呎樓上:smile_40: , 不過俾我感覺成長方形setting好似梗係爭咗少少, 同埋啲人多數聚哂响前面, 如果你係坐後面啲枱, 氣氛就相對會爭少少, 因為啲音樂去到嗰個位已經好散:smile_38: , 同前面爭好遠, 當然我都明白好難做到十全十美, 所以呢啲只不過係小弟嘅個人意見遮:smile_35: , 歌方面呢, 當晚都係好大路嘅一貫油尖旺中英disco歌, hip-hop都有唔少, 不過個人嚟講hip-hop就真係麻麻 ( 都係個人喜好, 絕無有色眼鏡 :smile_35: ), 浦咗咁多年, 我都硬係覺得落 D 點都係要聽啲Bang Ling Boom Lun
嘅快歌先配合到, disco 麻
...clubbing 另作別論呀...而且整體氣氛都算唔錯, 可能亦都係大時大節啦, 見大家都好開心同投入, 場入面亦見唔少後生仔女, 有啲重經過悉心打扮添架:smile_47: , 但個場都有唔好嘅地方, 就係要排隊入場喇:smile_19: , 排隊入場我完全理解, 但真係排得太耐喇大佬, 嗰晚我地有房, 都要由11點9, 排到差不多12點半以後先入到場, 條龍係以好慢嘅速度各前移:smile_41: ...呢個亦係成晚唯一要扣分嘅地方, 不過最尾見佢walk in都好放得好快, 都算佢公平啦:smile_40: ...但希望佢可以改善下, 排都排到腳仔軟啦:smile_27: , 重邊有力跳舞先:smile_30: , 係咪, 入快少少等我地嗌多兩杯嘢飲重好啦...:smile_30:
吹住咁多先...歡迎大家都發表下
