以前如果剩係上去玩玩一張如意通儲值卡都夠晒玩~
不過隨住個人長大~LEVEL UP左~就會煲飯盒~沉船~甚至o係上面搵埋老婆tim~
咁呢個時候用果張儲值卡就開始唔係好掂當喇~~
我想知道各位巴打又係用咩野卡或者咩野plan sms同打返上去架呢?
小弟目前係開左联通既月費plan~有1800分鐘香港地區既基本分鐘~最初我上台條友特登冇同我講~原來由香港打上去除左扣基本分鐘~仲會收$0.39/min tim!!!
我第一個月中晒招~成2000蚊電話費單
~做左膠人一個:') ...之後我先發現原來联通真係好貴~不過佢果個好似30蚊100幾條sms果個plan真係唔錯~而且囡囡打落香港都係要帶住張一卡兩號先方便~但係巴打又要小心喇~因為香港接電話一樣會扣$0.4/min~真係好甘架~所以我強烈建議联通d plan最好唔好用黎講電話~用黎sms就唔錯~
跟住我開左個idd 1507~打上神州任何地方~只要係手機打出都只係扣0.11/min~不過要注意就係同時會扣你個手機既基本分鐘~就係咁fit晒喇~果1800分鐘終於有用武之地~如果果1800mins用完~就又可以用返本身香港個台手機既基本分鐘~如果不幸d基本分鐘真係用晒~用屋企個固網打上去都係收$0.14/min~我覺得真係易登記又抵玩~
最重要係1507唔會好似联通果d死老千咁~你過爆晒分鐘計左你成千銀都唔出聲~陰陰咀笑d膠人中招咁~~
如果我講idd一到左$300呢個數~佢就會停左你一陣~之後就會有人打黎同你講你用左$300 wo~有冇問題~先再繼續~對理財有計劃既人真係好有保障~唔駛下下打上台check自己仲有幾多min~用左幾多咁~不過可惜佢好似話到4月底就唔係呢個價~不過到時先算啦~
咁樣我一個月台費+idd費都係500幾蚊左右~一個月講3000mins左右~
唔知有冇d巴打有其他更好既介紹呢??
