suki, 希望你今日收工前會睇到呢個 message.
可以o既話, 真係唔好再見佢喇... 見到佢, 都唔會有 d 咩好事發生... 我估佢目的都係想叫你上佢屋企, 雖然我知你唔會咁做, 但係有時d 野好難講... 我真係怕佢唔知同你會講d乜令你心軟, 又或者唔覺意又唔知點解上左佢屋企就真係麻煩啦...

佢打比你, 同你講話佢要搵你幾時都可以搵到, 已經有少少恐嚇你o既成份... 你可以迫到你比你電話佢, 佢已經覺得成功左一半架喇... 唔好比佢得寸進尺呀..
收工搵人陪你啦.... 我相信佢會纏住你... 甚至會去你屋企樓下等你, 然後等你怕比屋企人/ 鄰居見到, 博你跟佢去第二度...

搵人陪你啦, 最好可是送你返屋企添...

suki, 小心d 呀, 唔好心軟, 唔好再見佢啦, 一定唔會有好野架...[ 本帖最後由 chuizhiling 於 2008-12-16 03:28 PM 編輯 ]

我都認同 chuizhiling 講... 我直覺上覺得佢唔會咁易罷手.. 小心佢話有你以前d 三級相o黎要脅你... 到時候唔好心軟... 一於報警, 但記住錄低証據.

你約佢, 記住帶埋一個朋友一齊..

Suki 呀, 希望你放工前你可以睇到啦!!!
佢知道哂你D野姐, 唔駛怕架!! 千祈千祈千祈唔好上佢屋企呀, 就算講清楚都要去多人既地方, 唔好單獨同佢一齊呀!! 如果佢話送你返屋企, 唔好彩佢呀, 叫你爸爸媽媽係樓下接你啦!! 唔好俾佢有機可乘呀!!!
如果佢同你講話佢仲有你D片, 唔跟佢番屋企就放上網, 唔駛怕佢, 唔好俾佢大到!!!! 千祈千祈千祈千祈唔好跟佢上佢屋企呀!! 你最多同佢講話考慮下先, 唔好跟佢上佢屋企, 返到屋企叫你爸爸媽媽同你去報警, 佢已經係威脅緊你!!! 佢咁樣已經係滋擾緊你!! 另外, 佢就係諗死你俾佢食住!! 以為你好蝦!!! 你就唔好俾佢睇死你!! 好似樓上有位師兄話齋, 佢就係覺得迫到你比你電話佢, 佢已經覺得成功左一半, 仲會有機會可以繼續慢慢迫你!! 唔好俾佢咁得戚呀, 最多報警!!
如果有咩事, 唔好怕你爸爸媽媽知道, 佢地先係至親, 有咩事佢地都會企係你果邊幫你, 唔好俾果賤男搞到你怕俾佢地知, 唔好當佢地係弱點, 佢地先係你既支柱!!
就好似最近無線藝員司徒瑞祈, 俾D大耳窿睇穿佢怕事, 一路迫佢!! 卒之佢都報警!
Anyway, 至緊要怕佢, 要叻D!!!
等你update啦!

change the tel number again and call police!

suki...............
你千其千其  唔好跟佢走牙...
再唔係 你搵個男仔 fd 同你一齊去食飯...
話佢係你 男朋友.....
一係你食完飯 就叫個男仔黎 接你...
總之唔好俾佢睇死.....
一定唔好上佢度....
佢威脅你  你就報警.....

SUKI,睇到你update立即走入黎睇!!
你千期千期唔好比佢有同你單獨相處0既機會,
呢個茂利睇死你耳仔軟,一定係想氹返你做佢sp,
如果係呢樣還好呀,最多你扯佢幾巴送多兩句粗口再踢佢細佬一下走人,
最驚係佢落藥或者迷暈煙之類,夾左你唔知去邊又影裸照咪死??
到時你會好麻煩,你一定要保持清醒,時刻提醒自己呢個pk係點對你!!!!
再騷擾你就報警!!!佢條粉皮都唔知衰,話咩你改電話一樣搵到你,
叫佢食屎痾飯啦~真係睇到火滾!!!
佢家陣睇死你呀!!!佢肯定知你放唔低至咁講啦!!!比佢逼到個新電話,
再逼埋上床唔係難事,你唔好比佢再有機會呀!!

一定唔可以出去呀記得呀!!!

[ 本帖最後由 bcm 於 2008-12-16 07:13 PM 編輯 ]

妳已經開始踏入成功攞脫佢既道路,所以妳要堅持呀,呢度有好多人支持妳架,雖然個個都素未謀面但係大家都係用心來支持妳架,妳唔好叫我們傷心呀,妳要見佢既話就call個最信得過既男仔黎保護妳啦:smile_34:

如果萬一佢真係夠膽死去搞妳既,最有效既方法就係去申請"人生保護令"希望唔使行到呢步啦:smile_39:

加油呀

今日專登著得比平時返工靚，唔係為左佢，之前聽人講話如果同人分左手，係街見返個一刻最緊要係最佳狀態，我諗我係呢種心情。
頭先差唔多5:30pm佢就打黎我公司，話已經係留下等緊，我6:30pm都未落去(其實已經走得)，過左15分鐘佢再打黎話我再唔落去，佢就上黎等我，我就話7pm前落去！落到去第一眼望到佢，當時知道自己已眼紅紅，跟住佢就話我剪左短頭髮，都幾好睇，仲話都未同短頭髮既我做過，佢問我去邊度食飯，我話唔去，我約左人(其實只係返屋企食飯)，只係想同你講以後唔好再搵我，我已經諗通左，唔好再打黎煩我，跟住我就走，佢一路跟住我，一路係我後面講越睇越想插我，又話我媽咪應該都唔知個女甘好玩，行行下有架的士經過，我就上左車，佢無追黎，但佢send左短訊比我，話除左我屋企人唔知我甘好玩、又好服侍，應該公司d同事都唔知，如果比人知道都幾好，又靓女又玩得好難搵到架！我跟住send返比佢，我話以前我對佢所做既野，係鍾意佢先會甘做，話如果佢曾經真係愛過我既話，希望佢唔好再搵我，同埋傷害我！之後我係的士度無喊過，不過個心就好痛好痛！
直到而家佢都無再搵我，希望佢真係唔好再搵我同埋將我d野週圍講！重有希望我盡快忘記到佢！
剛剛返到屋企，就上黎，真係唔好意思要你地擔心，好多謝你地既意見，雖然我岩岩先睇到(因為係公司唔敢上黎)，我諗我都無令大家失望！不過我真係好驚佢會同身邊既人講，雖然而家都無諗過會好快拍返拖，但如果第二時出街拍拖撞到佢就死啦！佢實亂講野！

加油呀:smile_38: :smile_38:

這個情況, 看來佢會有下一步行動, 你認識佢時是否完全兩個人黎?
我有朋友都預過ex-bf 攪到公司的情況, 又攪到send e-mail 去佢公司, 當然公家果個address 。又打去佢公司成日搵佢, 最後攪到俾上司鬧。
佢當時已經有新 bf , 呢d 時候係要個男性出手幫幫。男人同男人傾情況又會唔同, 最後都攪掂冇事, 冇再攪佢。
不過我意思唔係叫你快d 搵新bf , 因為都要慢慢選擇。現在你回家出入都小心為上 , 有咩事就報警啦!