引用:

原帖由 suki1985 於 2008-12-4 11:56 PM 發表
今日已經同佢第二日無聯絡，我都係無時無刻望住個電話睇下佢有無打比我或send 短訊比我，結果緊係無！我驚自己終會忍唔住打比佢！原來無左佢既日子可以係甘辛苦，睡唔到，食唔落，無心機扮靚，個心無時無刻都隱隱痛，好似係度行屍走肉甘。
我已經買左部新機比佢，諗住聽日食晏時拎上佢屋企，我知佢個段時間實唔係屋企，其實我諗住買部新機比佢係我對呢d電子野唔熟，我唔知比返原本部佢，會唔會有其他方法攪得返，我想問原本部同卡我可以點攪，我諗住揼落海，應該都安全掛。
其實未同佢一齊時，我每個星期六都會同d朋友出街，星期日就陪屋企人，同左佢一齊後，佢叫我星期六日留返黎陪佢，平日同星期六日朝早就陪屋企人，甘我所以之後就同d朋友就出小左街，大約一個月一次，d friends都話過我衰，其實聽晚一早約左d friends食飯，而家都唔係甘想去！
大家請放心，我唔係亂甘比男仔追既人，之前未識佢，都有好多人追，但都無一齊，讀書時重比d人話我唔鍾意男仔。
見到呢度大家都對我甘好，真係好多謝你地！
之前好鍾意一首歌叫”愛是不保留”，尢其是最頭個八句！而家聽返真係好諷刺！
常聽說世界愛沒長久，哪裡會有愛無盡頭？
塵俗的愛只在乎曾擁有，一刻燦爛便要走！
而我卻確信愛是恆久，碰到了你已無別求：
無從解釋、不可說明的愛，千秋過後仍長存不朽！