師兄, 既然你 IQ 咁高, 讀書又咁勁, 年紀又唔係好大, 駛唔駛講到自己好似成世人已經浪費晒呀....

我後來不知什麼原因, 亦有可能關某單意外事, 記憶力大大衰退, 比常人更差, 腦筋亦轉得慢了很多, 分析力仍在...
而家心態只覺得睇化人生, 想退隱過平淡家庭生活... 做乜都無奮心.. 點算.. <我爸早十年就提早退休返左大陸... 哎.. 似佢呱..>

師兄, 我唔係想撥你冷水, 你成個 post 都係 sell 自己 IQ 高, 同搵D想生資優兒童既女人同你生仔, 問題係:

- IQ 高同成功(事業, 愛情, 財富, 家庭等等)其實真係兩回事黎架播. 師兄你同我咁上下大, 我IQ無你咁高, 但你已經無晒鬥心, 而我就繼續將勤補拙, 第日我拎願我既仔女係好似我咁, 天資平庸, 但唔會輕言放棄.

- 兩個 IQ 高既人, 係唔係就一定生到資優兒童出黎先? 生出黎唔係, 無得退貨架播. 我舊時幫人補習, 都補過唔少父母都係讀得書之人, 甚至兩個都係 doctor, 結果個仔咪又係一舊飯咁.

- 談戀愛既事, 最好都係拎份誠意出黎啦, 自信同自負只係一線之隔, 前者令人欣賞, 後者令人討厭.

- 為左生個聰明仔而去談戀愛, 會失去好多當中既趣味, 感覺似馬匹配種, 恕我直言.

- 師兄你 IQ 咁高都唔駛我講, 凡事按步就班嘛, 你連識都未識, 夾唔夾又唔知, 拍拖一齊有無火花又唔知, 相見好會唔會同住難又唔知, 幾時結婚又唔知, 家庭計劃又未有, 生幾多個又要討論, 錢銀方面點安排又要計算, 雙方屋企人既意向又要考慮. 咁多野都未知, 你一開波就用生資優生黎 sell 自己, 點會有人同你反呀.

信我啦, 做人就算真係好猛料, 都要適當時候隱藏自己, 唔好話我唔理解你地IQ高既人既心理狀態, 我細佬都係資優生, 我讀果間學校都大把讀得書既人, 屋企亦大把錢栽培佢地, 結果到頭來有幾多個真係出人頭地, 做到同佢地 IQ 一樣咁高既成就, 真係唔多. 唔好再迷信呢一套野喇, 莫講話搵錢行唔通, 溝女更加死得快, 我係女既, 要個有錢既都唔要個考試考第一架啦.

[ 本帖最後由 mobileme 於 2008-11-10 07:05 PM 編輯 ]

Ｃ兄,好有見地 小弟佩服:smile_46: :smile_46: 啊顏生 ---對吾住,係吴生咁高iq 真係想問吓邊間大學,讀law定讀醫,:smile_46:

我有個親戚,佢老婆帶ニ個小朋友系大陸落黎,個老婆嫌佢做地盤散工兼住板間房而走咗佬,這位地盤啊哥身兼母職,而两位小朋友依家---其一係醫生,其一教緊大學。

因為我太閑 想介紹無線剛做完一個有關資優生的節目---故事介紹陳履安女兒的一對兒子,因為呢两個小朋友成日被老師投訴成績差而搞到辭工返家教小朋友讀書。而陳履安女兒係跳級讀大學,絕對聰明,但佢兒子考試成日吾合格。

如果我係女仔 見到你標奇立異的topic肯定走及吾透

人貴乎自知!!!!!

:smile_27:

what a joke!

:smile_30:

the topic is a joke :smile_46:

聽君一席話，勝讀十年書
我同樓主素未謀面，但有朋友識得樓主，
希望樓主細味呢位C兄／姐之言。
IQ重要，EQ亦不可缺少，但一顆自強不息既心更重要。

[ 本帖最後由 普普通通的人 於 2008-11-11 02:20 PM 編輯 ]

Right... 愚人自娛, 娛人亦自愚... :smile_44:  一個娛樂的 post 而已.. 無必要引致咁大回響...
君不見我"又矮又醜又老又窮, 終日無所事事遊手好閒..."嗎?
我曾經出過另一個post, "我35歲, 又矮又醜又老又窮"竟然鬼影都無隻呢... 哈.. 你先去問下d女仔點解果個post就無人理啦...:smile_30: