我明白樓主想表達乜嘢,本來小費應該係額外嘅獎勵,但係最衰就係D技師中式1個鐘只拆得8蚊,泰式9蚊,日式10蚊,早幾年環境好1個月連小費一般都唔低過4,000蚊,嗰時做待應都係得6-700蚊,所以雖然係有肌膚接觸,但因為收入夠吸引,蝕底D都吸引好多女仔都嚟做.
依家D場越開越多,市道又唔好,好多唔係咁旺場嘅技師1個月連公司規定嘅120個鐘都做唔倒,仲拆得少D添,而且公司仲會乘機炒你,吞埋你嗰幾仟蚊押金.
我識得D技師話2個鐘簽40蚊佢哋已經好開心,因為有唔少港客都係簽20蚊咋,簽10蚊都仲有,不過好在只係好少數啫.所以C兄都計倒佢哋嘅收入喇,最怕係收入唔夠吸引,流失大,新血又唔夠充足,影響D技師質素咋.