如果真的有今生來世, 我希望下一世可以同佢正正式式開始....
同佢結束咗曖昧關係已經有個多星期, 傷痛慢慢減少, 但係眷戀嘅感覺仲不斷喺心入面徘徊不去!
最心痛係知道佢另一半嘅條件真係同自己有一段距離... 好可能只係輸比時間同經歷.... 喺呢一刻, 我係無能為力.......
回想起同佢開始瞹眛關係當日, 大家喺戲院角落, 由手臂貼手臂嘅身體接觸開始... 到佢情不自禁咁錫落我咀唇度...
還有當日佢(竟然)無視旁人, 係電梯、商場好肉緊咁拖住我、攬住我, 同三番四次咁捉實我嚟錫... 我心入面雖然知道好可能係萬刦不復, 但係呢種甜蜜感覺真係令我無法抗拒!
由情不自禁嘅接吻到激情嘅濕吻... 每一次都令我無辦法可以忘記... 令我好想好想可以永遠擁有呢種感覺!
我更懷念我哋做唔成, 但係又好可愛嘅第一次!
我哋迫埋係一張單人床(因為係TWINS ROOM), 肉帛相見, 但係因為毫無準備之下, 我哋無再有進一步行為,
只係大家好甜咁攬住錫, 傾偈, 再錫... 再傾偈... 大家就咁攬住好似已經好滿足咁, 根本唔記得咗過咗幾耐, 直至大家都覺得好肚餓,
原來我哋已經由四點幾五點, 傾到十點幾! 於是大家起身一齊去沖涼(都無做過啲咩, 唔知點解要沖涼! 好傻!)
喺沖涼房到佢一邊攬住我條腰, 一邊幫我沖身, 一邊同我錫錫... 直到呢一刻我心入面都仲係好清楚咁記得當時嘅畫面!!
佢對我嘅每一次都好溫柔, 好顧及我感受... 同佢做就會感到一種被錫、被竉愛、被尊重嘅感覺!
我知道今生今世都無咩可能會同到佢一齊, 甚至無咩可能再有機會同佢有咁親蜜嘅行為... 雖然心痛, 但係亦係無可奈何嘅決定!
我好希望好希望... 真係好希望下一世, 我會再遇到佢, 可以有機會同佢正式開始... 或者... 更希望可以同佢開花結果......
