你係股東嗎?
個故仔比較長, 亦唔關夜游事, 純分享, 不喜見諒
禽日同老婆去華強北行街, 中途去食麵, 好多人無計唯有搭檯, 旁邊國內同志, 一男一女, 睇似係正經人, 擺明係男女朋友, 食食下條仔接電話然後話要去處理公務, 話香港箇邊話文件有問題, 半個鐘番黎, 條女話係麵舖等佢, 唔想係部車等, 條仔就走左
3分鐘左右, 條女食完麵, 打電話, 係i-phone, 原來識講白話, 純度八成左右, 被逼聽左一陣, 原來打去香港
女: 食左飯未呀? (嬌嗲過啊嬌)
靠估對白: 食左啦, 你呢?
女: 一個人華強北行街, 依家係麵舖食麵囉, 你又唔過黎陪我喇, 悶悶地咪出黎行下囉
靠估對白: 有無買野呀?
女: 無呀, 就行下姐, 要等你過黎陪我行先有feel加嘛
靠估對白: 咁我行唔開嘛
女: 我知你忙, 我會行多陣食埋夜晚箇餐先番去, 你忙歸忙, 要注意身體噢, 拜拜
靠估對白: 拜拜
轉頭又打電話, 又係去香港
女: o畏, aunt呀, 我呀, 食左飯未呀? (嬌嗲/2)
靠估對白: 食左喇
女: 你一陣出唔出街買野呀? 我4點左右去香港探你好唔好呀?
靠估對白: 無野買喎
女: 無野買呀, 我過黎一齊去行街好唔好呀?
靠估對白: 好呀
女: aunt有無整紅豆膏呀, 我想跟你學點整呀, 行完街你教我整丫, 阿強又種意食, 等佢一陣落機番屋企時可以食丫嘛
我地都食完, 走人, 老婆話依家d女仔真厲害, 3條船點樣踏先唔沈呢, 我就話依家d港男真易呃, 其實條女幾一般, 做sn或k都好炆邊, 真係估佢唔到咁掂
你係股東嗎? 你今日check左未呀?
奉勸一句, 師兄們如果唔係長駐或長住大陸, 搵國內女朋友真係要三思, 小弟老婆就係長駐然後長住先敢娶