引用:
原帖由 heheha1234 於 2008-9-9 03:13 PM 發表
咁我淨係屙過尿咋嘛!:smile_34:
如果我係沙灘屙過屎,我都會講埋呀!:smile_30:
講起沙灘疴屎,我都有一個小小回憶!
都係靚仔嗰陣去露營,就喺沙灘紮營!瞓到半夜三更屎急,
出咗營行到冇幾遠就忍唔住,挖咗個窿就地解决!之後就揾啲沙埋番佢!
過咗冇耐就有一對情侣揸住盏燈,揾地方紮營!(都唔知點解佢哋咁夜先揾地方紮營)
淨係聽到個男仔講:呢度應該冇乜蚊啩!
開頭都冇乜嘢!瞓瞓下就聽到個女仔講:好臭呀!係咪你放屁呀!
個男仔就話:我都聞到呀!我以為妳放屁咋!所以我都唔敢出聲啦!
後來聽到佢哋拉起沙灘蓆嘅聲音!
之後聽到個女仔大叫:咦?呢度濕濕哋嘅?哎吔!有督屎呀!
我諗嗰鑊嘢佢哋天光都唔使瞓!