沉船地 (繼續沉船交流討論) ~ 6

新手上路

Rank: 1

552^# 大中小簡繁發表於 2008-7-5 只看該作者

轉貼

轉貼:eaglechanyw 師兄
之前沉個大陸女仔各大佬唔鐘意唔好罵，我本身唔係上大陸既人，但同事好多時都上，因為同太座唔岩，試過一兩次跟上去玩，已經提自己唔好迷上上面既女仔，初時一兩次只係睇同事玩，自已完全唔投入，一來本身自己個人悶，唔食煙同飲酒，唔鐘意唱歌，只係上去睇下 D 女仔有幾靚！會有咁多男仕沉！覺得上面都有 D 女仔幾靚，但性格好壞，所以都無出事

但有次識到個女仔，係朋友女朋友帶出黎玩既，廿歲女，好白好清秀，好靚女，長頭髮，無咩化妝，只係差在得5尺3左右高，最重要係性格唔爛玩，好思文，咁就死勒，我最鐘意果種，我D朋友見到鐘意都死，係咁叫佢唱歌呀飲酒呀咁，佢都只係唱一兩隻，飲半杯紅酒咁，最好就係唔食煙，跟住就坐係到乖乖女咁，D朋友見佢唔多玩咁就無理佢同其他玩得既女仔玩

我自已念我都三十幾拉，佢得廿歲女，我鐘意佢，佢都唔會鐘意我拉，唔會有事既！我見佢悶就同佢傾下計，傾落覺得佢真係幾乖，原來佢之前係做洗腳店部長，但同另一個女仔唔岩，罵交之後無做，到依家都係無野做，果晚同佢傾左好耐，唱左幾首歌，玩得幾開心，之後佢比左個電話我，我D朋友見到又即刻問佢囉電話號碼，我見佢都有比，心念乜原來你乜人都比架，之後完場後朋友帶女返房既返房，落 sunday既就落，我就送佢搭車返屋企

第二朝就返香港，之後幾日都念住佢，跟住忍唔住打比佢，同佢傾下計，問佢我D朋友無打比你咩？我見佢地幾鐘意你咁禍！佢話比佢地果個係假架，得比我果個係真，見我幾日無打比佢重以為我掉左佢電話唔會打比佢咁話，即時個心沉一沉，唔係麻！你唔好引我拉，我中招架！跟住同佢傾左好耐，重約佢下星期見，果日係我生日，但無話佢知，跟住果幾日好難過，終於等到果日，第一次一條友上大陸，約左佢係深圳等，
見面後即時同佢食野，佢問我今晚會玩到幾點，佢驚夜左無車返東莞，佢話如果唔返屋企要早 D 打電話同佢媽咪講，我聽到即時話如果可以想同你玩兩日，佢聽完就即刻打比佢媽咪，跟住佢問我今晚訓邊呀？我就話租酒店拉，食完野我地就去歡樂谷玩，玩得好開心，夜晚我就帶佢去大魚食自助餐，之後我地去租酒店，我問佢駛唔駛租兩間，佢話你傻架，租兩間咁貴，我心念，我當然想拉，怕你扁咀乍，登記果時佢見到我証件，睇到日期知道我今日生日，佢問點解唔早 D 同佢講，我話唔通神早叫你買定禮物送比我咩，我都唔知你會唔會同我出黎玩

上到房我地傾左一陣，我話你沖涼先，我地聽日一早起身再去第到玩，佢入沖涼房果陣其實我好想沖埋入去，因為我聽到佢無銷門

但我提我自己，雖然想同太座離婚，但未搞好手續禍，所以無沖入去，到我就快忍唔住想入去果時，佢就沖完出黎，重大濟，因為佢唔知要出黎兩日無帶衫，佢洗左 D 內衣物，入面真空，只著件 T 恤，件衫有幾長大家都估到拉，你話死未！睇到我想即時變身做超人，性愛果隻！佢重笑笑口咁座係床邊同我傾計，同我玩，走下光傾下計走下光玩下咁，我差D 谷精上腦，佢至話訓

訓果時我抱住佢訓，摩到佢無衫既地方，佢合埋眼，唔唔聲，大佬點忍呀？再摩佢下面，漏水呀？終於頂唔住搞左佢，好似自已返番廿歲果時咁，事後有 D 驚，因為做左環保戰士，事後有 D 後悔，提住自己唔好沉女，都重要沉，第二朝問佢點解唔比真電話號碼我其他朋友，佢話唔鐘意佢地只係鐘意你，你話死未！(各位朋友小心大陸女仔說話呀)之後同佢上旋轉餐廳食野，佢話未去過咁靚既地方食野，食完野同佢玩下行下街買下野，果晚同佢去香格里拉食野，佢果日好開心，話未試過有人對佢咁好，去咁靚地方，我話只不過你唔識到去呢 D 地方消費既朋友，只識去低一級地方消費既人，所以未黎過，我話我都唔係成日去呢D地方，只不過想帶你見識一下，知咩叫做高級地方，(咁就死勒，各位朋友千萬唔好學我咁白痴！)跟住送佢座車返屋企，重約定下次見面...............聽日再出，話比你地知快樂之後係點！

P.2

過在幾日後，上去同佢見面，好開心，佢帶我去食辣野，本身我唔食辣，但佢教我點至食到辣，初時好辛苦，但兩三次後就覺得幾好食，重要唔貴。
之後佢帶我番屋企，佢同佢媽咪、細妹住，嘩成間屋傢私都唔多件，得架電視，雪櫃都無個！我就帶佢買架 DVD 機比佢，跟住一齊返去睇碟，好開心真係好似兩公婆咁，夜晚佢又帶我去D 唔貴又好食既地方食野，重叫我唔好去果D咁貴既地方

因為佢同屋企人住，夜晚我唔方便係到過夜，我地會租酒店，幾次之後佢媽咪有次係樓下見到我，佢話媽咪問佢係咪拍拖！佢答媽咪係，但媽咪話要見你，我話無問題丫！見咪見！但佢話：如果媽咪問你，你係咪認真對我個女架？你點答！我當然答係拉！咁如果媽咪問你幾時同我結婚咁你點答呀？我當堂啞左，因為我未離婚！
當晚佢係床到同我講比兩年時間我離婚，問我夠唔夠，我心念應該夠拉，就答佢好，夠架勒，點知佢話：你唔好答得咁口爽，念清楚先，到時你離唔到我會怪你架，算拉，我鐘意你，會為你念，我比夠三年你，但你一定要離婚同我一齊。

這段期間佢無做野無問我要錢，我亦係有心唔比佢，睇下佢會點，點知佢真係唔問我，大佬人心肉做，咁靚女，咁乖，廿歲女跟你，佢唔問你都自已比拉！係咪先，咁我就問佢無野做你邊有錢用呀？佢話之前有小小錢係到，不過都就用哂勒，咁你唔搵野做？佢話搵左份，不過怕我唔鐘意無去見工，我話咩工呀？原來係骨場做部長，大約有$1000，我當然話唔好拉，大佬容乜易無左條女呀！
我就叫佢搵樣野學，電腦又好英文又好，是旦搵樣學，唔好係屋企無所是事，點知佢話如果你唔鐘意呢份工我搵過份，我唔想要你錢，你咁辛苦，但你可唔可以借一千蚊比我過呢個月，等我搵到工做先呀！聽到後當堂軟哂，我話每個月你要幾錢先夠呀？我唔想你咁辛苦，如果你返工後，我上黎見你會好唔方便架，你到時要返工點見我呀？

最後佢話如果唔駛比媽咪自己用一千就夠，如果比埋媽咪二千就夠哂咁話，大佬二千？唔係麻？我就話真係夠？佢話我地唔係好大駛架，夠哂拉，咁我就即時同佢講，我每個月比錢佢，你搵份野學得勒，唔駛搵野做勒，一個咁乖咁靚既女仔跟你，二千家用即比拉！係香港一個咁靚女既女仔？用多十倍時間追死都未必追到呀！我追我老婆果時都唔知幾麻煩呀！
之後我每個月比五千佢，初時好地地，但後來出現問題勒，我話上黎見佢，佢就話你做野咁辛苦第日先拉，一係就唔聽電話，話訓覺關左機！

P.3

名位唔好罵住先！因為生手所以打得唔係好好！ D字！我結左婚過十年勒！唔係因為呢個女仔我至想離婚架！多就無一個月搵幾萬都有既！之前無上去大陸所以咁無經驗出事囉！
之後見佢，佢都無以前咁溫柔！叫佢搵野學，搵黎搵去都話無慶趣！成日無所是事！一係同friend去玩，一係訓到中午先起身，就係咁過左幾個月，我叫佢一係搵份工一係搵野學，佢就話，你幾時離婚架！呀媽成日問呀！咁之前你又話比三年我？依家幾個月乍，大佬玩呀！

其實老虎都覺得我有問題，成日唔返屋企訓，但因為之前已經有問題所以分左房訓，其間其實佢都覺察到有野，問我係咪有女人，當時想答佢係，但怕佢係我屋企人到煩！所以答佢無呀！
只係係咁叫佢如果唔鐘意我就同我離婚！唔好成日唔理我同屋企，成日兩三點至返屋企，放假都只係同朋友見，一個月食唔到五餐飯，但老虎無理我，但係都唔同我離婚，比佢吹漲！
其間照樣成日返上去，重同朋友一齊上去玩，次次都有叫佢出黎，我 D 朋友當正佢係我呀細，反而我老虎係香港都唔會同我D朋友出黎食飯。

係勒！到依家都未話比大家聽，呀細叫咩名添，佢叫呀萍，成個靚版楊恭如咁架！
呀萍就係咁又同我幾個月，其實我覺得佢好多野有問題，例如電話一定唔離身，成日好神秘咁講電話，上到去等佢又成日要等幾個鐘，我問佢你無野做點解要咁耐至出到黎見我？佢就話要扮靚黎見你麻！
我自已念，咁靚，又叫算做聽話，算拉，由佢拉，唔過份就算拉，點知咁就出事勒，之後重過份，試過放我飛機添！
之後有D野令到我好唔開心！下次再講比你地聽

P.4

又過左幾個月，有次同呀萍食飯撞到佢幾個朋友！嘩！咩黎架！無理由係人黎架！咁鬼靚既？無錯！一定係妖精黎既！但我清醒小小就覺得唔對路，點解果幾隻妖精 D 衫咁性感既？

果四隻妖精有一隻重要靚過呀萍！其後都有同佢地出去食下飯咁，有次我問呀萍果幾隻妖精做咩架？好似唔駛做咁既？係咪做小姐架？佢話你傻架！做小姐唔駛返工咩？一樣要返架！

係禍都要返架，咁做咩至得架？果隻最靚既妖精重要幾多錢駛咁架禍！後黎知道原來佢地都係有香港、新架玻、台灣、男友或老公。

有次同佢地去 K 玩，我就比果幾隻妖精迫我飲左幾杯酒，有 D 頭痛！而呀萍同最靚隻妖精就飲到貓貓地！散會後幾隻妖精夾手夾腳抬左靚妖同呀萍返酒店！喂！攪咩呀？抬隻妖上黎做咩呀？成個月至見得果幾日，比隻妖精左住哂？

佢地放左兩個靚女係張床到！跟住就一齊變法術，一轉身就唔見哂！佢老味丫！

無計拉！同呀萍抹身先拉，搞到我幾辛苦呀！又想做，又無得搞，無理由搞死魚架係咪先！跟住死狗自己走入去沖涼囉！沖完出黎一望大件事！隻妖精訓到條裙同件小 T 恤都扯高哂，見到佢條 T black ，個水濂洞同 D 湖邊小草都見到！嘩！唔係咁益我呀？但無用丫！呀萍係隔離！你敢食咩？差 D 忍唔住手抽下水添呀！

無計拉佢地訓左一張床，我只有訓另一張拉，媳燈訓覺！

訓訓下！點解我支人肉飲管有人啜繄既？嘩！好舒服呀！呀萍係邊到學架？未試過咁舒服呀！啜啜下跟住重座埋落去！平時呀萍無咁主動架，等我重以為今晚要食齊添！呀萍係上面郁左陣，我跟手一野摩上對山峰到！疑！唔對路！呀萍無咁大架！開小小燈一睇！嘩真係隻妖精，你唔係咁益我麻！唔係！你唔係咁害我呀！比呀萍知道我重有命？即刻叫停問佢做咩！.............我好鐘意你架，但你係呀萍老公所以我平時無同你講，今晚我好想要呀！你同我做拉我唔會同呀萍講架！

喂！大佬你細聲 D 拉！咁樣比呀萍見到，講乜都無用拉！喂落黎先拉，唔得架！，跟住即刻落床！

隻妖精見到重大大聲係到笑，嘩！咁大整估呀！呀萍知道我死比你睇呀！跟住呀萍真係醒左！天呀你咁玩我？

呀萍望住無著衫既我地！跟住行過黎我到，我心念死得拉！跟住佢同我講.............................

算你拉，咁都忍到！...............................

做咩呀？咩事呀？搞邊科呀？

原來呀萍夾埋隻妖精試我！我知道後，好慶同有 D 驚，嘩！大陸女仔咁試人架？咁都肯？香港女仔一定唔會咁試個男友！大佬，果 D 真係唔係人，係妖精黎架！各位朋友下次如果好似我咁就要小心勒！

我開始覺得呀萍同佢 D 朋友唔係咁簡單！跟住發生左件事重令我知道我估計無錯！...................................................

下次同各位講係咩事！

P.5

朋友，呀萍唔係姓周既！姓咩唔好講拉！

果晚我就同呀萍訓一張床，妖精訓另一張，訓訓下呀萍個死妹釘搞我禍！我話你想玩 3P呀？隻妖精訓係隔離乍！佢問我咩叫 3P呀？我話一皇雙后呀！即時比佢打我，佢話我地靜靜地咪得囉！佢唔知架！大佬我比佢係咁摩，可以點呀？當然聽女人話！訓係到享受拉！

好鬼刺激，又怕比隻妖精見到又鬼咁舒服，咁大個仔都未試過咁刺激，可能刺激得濟！好快比呀萍 K.O.左！我希望隻妖精無發現我地搞野拉！點知我望過去見隻妖精係到笑笑口乍訓！我就知佢係到偷睇，好鬼死於！咁快搞掂！重要比隻妖精睇到！

呀萍入去沖涼果時，隻妖精即時彈起身笑我無用咁快架！大佬未試過比人偷睇做麻！你估我想架！即時扮訓著唔理佢！

但我念一念！點解佢地會咁做？正常人都唔會咁玩拉！佢地係咩人黎架？我開始覺得我呀萍有好大問題

其實呢段期間呀萍都唔似以前咁乖！好多時會打電話落黎香港比我，忽然話要幾千蚊匆用！重要即時果隻，咁我話過幾日有時間上黎就比你拉，佢就話唔得呀好忽架！信我就唔好問即時比我！.......................
大佬我聽日大提野做，下午做完野即時上去比錢佢，又唔留得過夜，第二日大把野等住我做！即時要返落香港！有幾辛苦大家都估得到拉！
但我多數都會即日上去比佢就算即日唔得，第二日我都會上去比佢！

新手上路

Rank: 1

553^# 大中小簡繁發表於 2008-7-5 只看該作者

呢段時間老虎對我越黎越好！呀萍就要錢果日一定好！其他日子就唔好講勒！越黎越覺得自已囉黎衰，隻老虎都改拉！你重搵女人？如果比佢知咁都唔知點死呀！佢以前都同我崖生崖死架！你依家同佢玩分手？細契真係真心對你？定係想囉你 D 錢呀？
唔會既呀萍點會咁對我呀？佢應該真心對我既！希望拉...............
呢日呀萍問我有無時間同佢返鄉下十幾日，問我囉$8000，我呢排都有 D 時間如果唔過一星期都可以安排到，就同佢講唔過一個禮拜就得咁話！佢好開心咁同我講話返到去要點陪我去玩！
一個星期後我安排好哂時間就同呀萍出發，講真我都好開心好期望同佢返到去後係點開心法！嘩！去到車站上大巴，咩事呀？成車一陣怪味！好惡頂呀！算！為左呀萍！忍！一座......................你真係估唔到呀！係十幾個鐘呀大佬！我唔記得係13定係16個鐘呀！我坐飛機返美國都係13個鐘乍！我都已經想死咁呀！依家坐大巴十幾個鐘呀！如果你未試過！我會叫你打死都唔好試！你試過至知果種辛苦法，慘過去勞改咁呀！
到落車果時我好似散左咁！幾經辛苦至( 勘 )返個人型落車呀！
好彩落車唔駛轉好耐車就返到佢呀姨屋企！

對唔住各位朋友要大家等咁耐！尋日一落機，食左小小野就即時做工課，同各位講故事架那！
之前有位朋友話我老虎囉我電話打比呀萍，咁呀萍點會唔知係我打比佢，其實係我老虎囉我電話扮我，同呀萍用訊息通訊，而用佢自已張電話咭扮呀萍朋友同佢通電話呀！明唔明呀！

話說去到呀萍鄉下，住係佢呀姨果到！嘩！佢老母一家，成家女人都幾靚，佢呀姨同呀萍個靚樣有九成似呀，呀萍同我講我地住係呀姨到應該比封紅包呀姨！咁我都覺得好應該！咁我話比幾多呀？你點都估唔到佢話幾多呀！
我地唔駛住酒店，省下D錢比呀姨拉！咁我念住一二千都得拉鄉下地方！點知佢話五千禍！
嘩！五千，算！當見面禮又好酒店又好拉！我都知同佢返鄉下一定要用D錢！所以都帶左兩萬幾上黎！赤就赤D不過算拉，開心就得拉，湖北，武漢 D 野真係好平，夜晚去食野好多野我都唔識叫係咩但幾好食！睇見呀萍開心就得拉！住左兩日佢帶我去見佢媽咪果邊D屋企人，見親都比紅包，最小都三五百！但好奇怪！無見佢老豆果邊D親戚！
之後又帶我去佢外婆屋企！呢獲大獲！原來佢婆婆住係山區！又坐左十幾個鐘車上山見佢婆婆，去到都黑哂天！好鬼辛苦！做乜鬼囉苦黎辛丫！第二朝晨咁早比呀萍叫起身，見佢外公外婆！嘩，原來山區D風景靚到你唔信！我從來未見過咁靚風景，真係乜都直返哂，呀萍對佢外公外婆好乖，好聽話，免不了自動自覺比紅包拉！都係五千，開始驚帶黎既錢唔夠，初時點都估唔到返一返鄉下要咁多錢！( 各位朋友要留意勒，真係估唔到要花咁多錢架！ )
係果到住左兩日，好靜，好靚，佢屋企人問我幾時同呀萍結婚，我都唔知點答，呀萍話快架那！快架那！
呢兩日我係到念好多野！兩個女人！我點做好呢！我有無玩大左呀？我處理得到咩？埋到尾？真係唔敢念落去，見到呀萍好乖，我好開心，佢係鄉下同係常仔真係兩個人！如果佢係常仔都好似依家咁就好勒！雖然駛左好多錢！
有晚佢帶我去一個夜市行街買野，話要買D野比佢屋企人，咁佢重叫埋佢細個果時D同學仔一齊出去！嘩！我都叫去過世界好多地方，但未見過一個夜市係咁大既！大到如果你用腳行！我相信起碼行四五日你至行到出黎！我地五條友，又買左好多野！
將所有野帶返佢外婆屋企，第二朝我地就返落湖北佢呀姨到，真係比我估中無哂錢咁濟！即時打電話返香港求救！叫老友即時入錢落我大陸戶口救命，萬五！希望唔會又唔夠拉！呀靚外母原來呢兩日都落左呀萍個呀姨到，返到去見到靚外母，佢同我講左佢自已既故事，原來佢好細個就嫁比呀萍老豆，但原本佢老豆大靚外母成廿年咁多，大獲在佢老豆重有幾個仔女，好似靚外母咁大既，之後佢 D 仔女點會頂到呢個o靚妹做後母架！
所以成日( 蝦 )佢！最後呀萍幾歲大果時佢老豆死鬼左就趕佢三母女出街！佢老母乜都分唔到，但佢老豆都算有良心，留左幾間屋比呀萍。
所以呀靚外母話佢好唔鐘意我同呀萍係一齊！我真係估唔到佢咁同我講，佢重話你地香港人唔好以為有錢就可以(蝦)我地，大佬！我無咁念禍！同埋我都無乜錢架。
你幾時同呀萍結婚呀？咁我點答呀？初時呀萍話比三年我架麻！依家兩年都未到！我老虎又越黎越好！點死呀？
結婚！點結呀！(各位朋友上大陸搵細契真係要念真呀。)
我唔知點答靚外母，但靚外母話，我知你未離婚麻！呀萍同左我講，我希望你唔好玩佢！
咁即係點呀？我同我一齊崖過既老虎離婚又唔係玩佢呀？咁即係我成世都唔可以同呀萍分手呀！就算佢對我唔好都唔得呀？我唔係想玩你個女呀！但我唔知成件事會咁發展落去麻！

係湖北果幾日我見到呀萍好多親戚朋友，有 D 開心，但更大既係壓力！佢地睇你既眼光！期望，令你覺得自已好唔岩好衰.................................咁我又真係幾衰既未離婚就搵細契！

最後呀萍紅哂眼咁同我坐車返常仔！又十幾個鐘！..........................
返到香港計一計數，嘩！用左三皮幾野！死未！ (如果各位大佬無返咁上下身家，真係唔好同女女返鄉下呀！好似我咁就快跳樓呀！)
老虎呢個星期睇我既眼神我覺得有D野，但我又唔講得出係咩野！好鬼辛苦！念到就快腦出血咁濟！
呀萍返左落常仔既日子又變返衰，原全唔同佢係鄉下果時個樣！
我發覺一樣野！大陸女仔好多對屋企都好孝順，但對我地香港既男人又唔係咁架禍！
有一晚呀萍對我好溫柔！服待好到你唔信，舒服到我完全無念過既都招呼到你！佢點會識架？......................
唔好念咁多......................壞腦架！
事後係張床到佢好溫柔咁同我講！你咁辛苦做野，重要上黎陪我不如我地係深圳搵處地方住，你咪無咁辛苦囉！咁你話我可以點答丫，當然話好拉！深圳租處地方幾錢o即！千幾好未！唔駛坐車上常仔都係到拉！咁咪答佢好囉！
跟住果排呀萍都叫我去深圳睇樓！
大獲！呀萍原來唔係叫我租樓！係叫我買樓呀！.............睇親都成百野果 D 呀！
真錢唔係大富翁玩果 D 買樓呀！死未？
我話租住先咪好囉！買咩即！
你買層樓比我唔得咩！我都跟左你成兩年拉！你買層樓比我天公地道架！.........................
大佬！一百萬呀！唔係一百蚊呀！我邊有咁多錢買呀？
你供咪得囉！你唔好以為我唔識野呀！
我無話你唔識！但買樓唔係買菜呀！睇定 D 先拉！( 講真佢唔係咁忽然迫我！我念過遲 D買層寫佢同我名既！)但比人咁迫，人既自然反應係唔合作反擴架！
你同你老婆住果到都係供架拉！咁佢得我唔得呀？

話說呀萍迫買樓！我要點灑掂佢呢！................其實果時我已經好後悔搵左佢返黎做細契！初初佢好似好乖咁，但越黎越多問題出現.................各位大佬唔好玩我拉！我有？果封五千利是你估我唔赤呀？你估我想比架？你唔比過我睇下丫！我點估到返一返去用咁多架？

   我同我老婆層樓係供！你無錯呀，咁你估我搵十幾廿萬一個月咩！你唔駛用呀？我老婆同個細路唔駛食呀？香港層樓又唔駛供呀？
何況香港層樓都係我同我老婆結婚後至買架！咁你又未嫁比我！點買呀？況且我真係唔係好夠錢買住呀！遲小小先拉！我賣左香港層樓先算拉！供兩層我會好辛苦架！又係你話唔想我咁辛苦至叫我搬落深圳既！依家反而令我更辛苦點通呀？係咪我買層樓寫你同我個名你每個月唔駛我比家用先？
大姐！你每個月話就話五千，平時買野食飯行街，呀媽駛用！唔萬五都萬三四拉，真係遲D先拉！租住黎住住先好唔好？
可能呀萍聽到話如果供樓無家用，即時縮一縮！
果晚真係出盡我十二成口才至唔駛買樓叫到呀萍返常仔！但成晚都黑口黑面！勁無引！
我開始覺得佢真係鐘意錢多過鐘意我好多！

返到落香港老虎問我點解呢排成日唔返屋企訓？我話多野做，成日要陪 D 朋友或老細上大陸。
咁成日要陪人，係咪好生意左呀？
係呀係呀！所以咪成日唔得閒倍你囉！
咁生意好左，你比多 D 家用得唔得呀？同買隻表比我得唔得呀？
(買表？加家用？呀萍係咁問我囉錢，返佢鄉下又用一大筆！想死呀大佬！)...........得！買隻表戴下都好丫！加家用遲 D 至講好唔好？
咁都好呀，你過兩日同我去睇表丫，不過睇二手果 D 得勒，新表唔低呀！二手同新表都無乜分別，家用你遲 D 真係搵到自已加比我拉，你自已都好多野要用錢既。
聽到老虎咁講真係有 D 面對唔到佢！我出面有細契，佢重咁為我念！佢真係講得岩呀，我真係有好多錢要駛呀，呀萍真係好大駛呀！

上面罵人果位大佬，唔鐘意咪唔好睇囉！罵都唔駛罵到人渣，水魚呀麻！我又唔係上去叫女女！只係受唔住引誘o即！想識個正經既乖乖女即，唔通你唔係男人唔鐘意靚女？係！我認我無用，但果時我真係好鐘意佢麻！有乜計呀！

  呀萍叫唔到我買樓後好唔開心，又成日唔聽電話，好鬼激氣！

  我有晚同佢講，唔買都租深圳樓住住先拉，我真係無咁辛苦架，其實上上落落都好累架！點知佢話唔想搬禍！話唔捨得佢班妖精朋友禍！
咁你又叫我買樓？唔通我買左佢唔駛搬去住呀？

呢排呀萍真係對我冷淡左好多，我問佢咩事，佢話上次返鄉下見過哂佢屋企人，個個都問佢幾時結婚？點解重同呀媽住？佢唔知點答禍！

你講黎講去都係想買樓，我話租你就話唔捨得你班 friend！買樓你就捨得呀？
我真係唔想咁無預備就做買樓咁大既決定，你唔好再迫我！

如果你真係唔想買我唔迫你，咁你比十萬蚊呀媽裝修過間屋，我同你一間房好唔好？你老婆就乜都有，我就乜都無！咁唔公平！

大佬！你乜都無？我理你多過我老虎百倍拉！你分左佢老公一大半咪重唔公平！(不過我唔夠膽講出口即！)

      各位大佬！留意下，係老虎扮我同細契通訊果時細契話要買樓，老虎即時灑住細契先！其實老虎都好怕我應承細契買樓架！唔係老虎叫細契迫我買樓呀！  o.k.

   我當時對呀萍話：唔係唔公平！果時香港樓平麻，想買黎投資賺錢先買架！況且果時結婚我至買即！
第工時我地再買拉，依家我真係唔夠錢！
   咁裝修得拉，十萬蚊你都唔捨得呀？
唔係唔捨得，係一時間囉咁多錢出黎會好辛苦！生意上如果有事要週轉就會好麻煩，可能會出事！
我知你囉到既！你鐘意我就唔好咁多借口！

大姐呀！岩岩係你鄉下至用左幾萬銀！依家又話十萬！就算我囉到出黎，我老婆都會知拉！到時點答佢呀？

咁你又話同佢離婚？............你係唔係唔捨得你老婆丫？

點答呀大佬？我唯有唔出聲！

大家唔好意為唔出聲就過到骨呀！

你唔出聲即係應拉！你呃我！

我唔係想呃你！但我真係唔捨得佢，咁你想點丫！

咁你唔同佢離婚都得既，但你要更加錫我囉！你同我地屋企裝修先拉，我地住都住得舒服 D 麻！咁以後又唔駛租酒店，你話唔好咩？
各位大佬你地話我可以點丫？我當時真係一時念唔到點答佢，真係比佢一個特襲成功！

你唔出聲我當你應承架！我聽日同媽咪去睇傢私！好野！多謝老公，錫哂你。

我當時聽到後都無野講！只係話，唔好買咁多野呀，真係水繄呀！用住四萬蚊先得唔得！

都好呀！遲 D 再買過！

跟住果幾日佢真係走去買床買傢私，跟住就問我比錢找數！.......................又幾皮！........

講真同呀萍一齊後，有開心有唔開心，個因為成日要上黎見佢，營成我係香港既時間小左好多，初時唔覺，但年幾兩年後既今日，搞到我日常工作，生意都好大影晌，收入都小左！

壓力開始出現，因為我估計唔到一個細契係要用你咁多金錢，時間同精神，相對如果我用咁既精神，時間，金錢，我相信係生意到我會搵到幾多錢下！

好拉買過哂 D 傢私電器！念住會安安樂樂拉！點知又係死既！
上去住得一兩個月，呀萍就話靚外母成日問佢幾時結婚，一時又話，個妹同我係到一齊住唔係咁方便架！

初頭念住裝修完間屋，叫做同呀萍有間房，唔駛租酒店，係屋企煮下飯仔咁，幾好丫！唔錯架！點知住咁耐都未食過一餐住家飯！成日都係出街食！以前都係同呀萍兩個食，依家就同埋靚外母同呀萍細妹，有時重有佢地果 D 朋友一齊！駛費重大左！
重有就係有時想同呀萍大戰三百回合，但佢又話呀媽係膈離呀，聽到架！就算大戰到都要就住就住！大戰完沖涼重麻煩，成日驚佢老母同細妹見到，...................勁無引呀！反而唔合以前咁方便！
咁又兩三個月..............................

新手上路

Rank: 1

554^# 大中小簡繁發表於 2008-7-5 只看該作者

呀萍迫買樓單野！係我駛左幾皮野買傢私電器，最後比多兩皮野呀靚外母手！最終比我拖到！唔駛買住！

好！唔好話我唔比你揀！一係你要呢頭家，一係你搞掂佢！............你揀丫！

梗係愛你拉！但點搞呀？

   點搞？女人你又識搞！唔識點搞掂佢呀？

( 點搞掂呀？你唔係叫我搵賭神個保標呀龍九殺左佢呀麻？).............你比 D 時間我拉！

   重比咩時間呀？你重想見佢呀？

大姐呀！你點都要比 D 時間我同佢交代清楚架！我唔可以就咁一聲唔出行左去架！我真係放左感情落去呀，如果我係果 D 咁唔負責任既，你以前都唔會鐘意我拉！

   駛乜上去呀！打電話咪得囉！打拉，打呀！...........

我唔想係電話講，我想上去同佢交代清楚，唔想以後會有條尾呀！你迫我都無用架！我同佢一齊就對你同寶貝唔住！我同你係番一齊！我個心就覺得對佢唔住！你再迫我！................我行左去兩個都唔見住囉！

   好！你唔打比佢丫麻！我打比佢！       (打比佢？你知鬼佢電話咩？我駛怕你？....有本事你就打比我睇！)

跟住老虎真係囉個電話出黎！跟手就打十幾個字號碼！...................喂！呀萍呀？ (呀萍？佢點知細契叫呀萍架？唔通佢走去搵過穌民峰？就算搵過穌民峰，都無理由知細契電話架？)

   呀萍！我已經知道你同我老公 D 野！你同佢講清楚丫！

老虎遞個電話過黎果時，我望住個電話，個電話好似忽然變左條毒蛇咁！我真係唔夠膽接個電話！

   咩呀！夠膽搞女人唔夠膽聽個電話呀？你同佢講清楚呀！你話講清楚架麻！

( 我望住老虎，我真係好驚！點解佢乜都知既？我係果幾分鐘個腦真係乜都念唔到！可能係太震撼既關係！同我平時個腦都叫有 D 匆才完全兩回事！完全係跑出條 99倍冷 Q ！企係到搭坐係到！的我真係企左係到唔識反應！)

我當時只係識望住老虎，睇住佢講電話，但就完全無留意佢講咩！只係記到佢初頭係咁罵，跟住平靜 D 唔知同果面傾咩！..............................我叫佢收線，佢唔肯收！我係咁叫佢收！佢都唔收線！我跟住走左出街！................

我相信老人痴呆症都可能係嚇出黎架！我當時就係乜都念唔到乜都唔記得！連呀萍個電話號碼差 D 都唔記得，要念好耐至記到！

我好亂，個腦完全實哂！我行左一陣，就打電話比呀萍！
我老婆係咪打過電話比你呀？

   係呀！佢係咁罵我呀！你話我電話比佢知架？

我點會話你電話比佢知呀！你當我傻左呀？唔係你講！唔係我講！佢點知架？

咁會唔會你無放好你個電話比你老婆睇到我來電號碼呀？

會唔會真係我大意比老虎見到呢？...............真係有可能禍！我以前都無念過佢會知，所以無特別留意個電話！

咁你有無放條 T black落我個袋呀？

   梗係無拉！你傻左咩？我點會咁做呀！你唔係咁念我呀？

我唔係有心咁念你呀！係我返到屋企果時我老婆係我個袋搵到條底衭呀！會唔會係大妖或細妖放架？

唔會架！佢地都幾鐘意你對你印象好好！唔會整估你架！

咁條底衭邊到黎架？

   會唔會係你老婆放落去試你呀？比著我，我都會咁做！

(試我？唔係掛！我老虎幾時變得咁醒袈？食左聰明藥呀？佢嫁我果時無咁醒架！我 I.Q.128！佢得一百零幾乍禍！無理由呢獲比佢跣獲咁甘架！)

   依家你點呀？你返唔返屋企呀？如果你返唔到屋企，你上黎拉，我唔會煩你架！

我都唔知點呀？我無念過比佢知，所以依家好亂呀！你幫我念下拉，我念唔到野呀，我遲小小再打電話比你拉！

行左幾個鐘後返屋企睇下老虎有咩反應！返到去好靜！果種靜法係好得人驚！令人好唔舒服，係房見到老虎，佢問我依家想點！離婚定同呀萍係埋一齊？

我都唔知點做，我想你比 D時間我，我會同佢講清楚，但唔係同你既方法！我有自己處理既方法，總知我會同佢分手拉！好唔好？

   你係咪唔再愛我呀？如果唔係，你點會搵女人呀？重要唔係一獲過，係玩感情果隻！

我唔識答你，我只可以答你，我重愛你，但我同你之間真係多左個人，我唔係有心搞到咁既！我無念過可以長時間有兩個女人而你唔知既！我都知穿煲只係時間既問題，不過無估到咁快比你知o即！

   快？我一早知拉！我唔出聲乍，我希望你自己識返轉頭，我都唔想開口架，我驚我開口踼爆你，你同我都返唔到轉頭呀！但你越黎越過份，成日都唔返黎，上左去！生意都唔多理呀，你 D 拍擋打電話搵你果時我聽電話，佢地都問我你呢排係咪有事呀，無哂心機做野咁呀！
   其實我好早已經係你電話見到呀萍發訊息比你，我重偷你電話扮你同佢通訊添！係你大暮乜都唔知o即！

( 唔怪知佢乜都知拉，都係自己甩甩漏漏！)

   我知佢重叫你買樓添！你有無買比佢呀？

無！梗係無拉！你當我傻架咩！

   傻？你唔傻咩？你咁叻！你念住點對我地呀？如果你真係咁鐘意佢，你同我講囉，我退出拉，唔好難為你！

你唔好咁講拉！總知我識點做拉！但我要你比 D 時間我，過兩日我會上去搞清楚，好唔好？

   唔好！我唔想你再上去呀！你上左去重有得剩既？ D 大陸女仔好犀利架！你唔夠佢地斗架！

我唔係上去打交呀！斗咩o即！係上去講清講楚，佢話哂都跟左我年幾兩年拉！我點都要向佢交代清楚架！

   我知你係佢身上駛左好多錢丫！我念住你醒，會自己醒，會玩完識返屋企，唔會咁樣沉哂落去，點知你會咁蠢，聽哂個女人講！

鐘意一個人係會盲會聾架！我又唔係成日上去玩，點知提住自己都會鐘意左個妹妹仔至得架！對唔住呀！我真係無心架！我無意傷你架！

      你知唔知一個女人明知個老公出面有女人而唔出得聲好痛苦架？我好辛苦呀！其實我重知道好多野，不過想知你重會唔會呃我o即！不過好在你都無再呃我！你一係要佢一係好似以前咁同番我地一齊！你做個決定拉！

( 我聽到老虎咁講！我個心實哂！我真係無念過佢感受！好在今次呢件事我係用九陽神功當中既 " 灑 " 字訣！唔係用呃字訣o即！唔係重大獲！)

我聽日返公司做好哂 D 野！後日上去同呀萍講清楚佢拉！你唔好咁嬲拉！喊到成塊面花哂唔靚架！訓拉！
跟住無耐，呀萍發短訊比我，好溫柔既字句，叫我唔好念咁多，佢會支持我咁話禍！

總算搞掂老虎！但跟住點收科呢？我都唔識點做！大家教下我勒！等我睇下我果時有無做錯決定！

         第二朝返到公司無心機，做做下野，我個老友傔拍擋入黎問我做咩無哂心機咁呀？我同佢話，尋日發生既大，細契真情電話對答事件！

嘩！唔係咁大獲呀？不過你好野呀！重保得住下面個細佬！即係無野拉！

      唔好玩拉！好煩呀！你重係到講笑，幫手念下計仔拉！

點念呀！我地上去玩又唔見有事？你梗死拉，搵件咁死靚，又唔係出黎做既！搵件出黎做既你咪唔會中招囉！

      重講！你重係咁，公司 D 野你做埋佢呀！我要放幾日搞掂單野呀！平時 D 野我做哂，我睇你點死！

你個死仔平時做野幾醒架！點會輸比個 o靚妹架！你平時念 D 橋班老細都受，係我地念既班老細反而唔受！你念橋出各掂架拉，依家反而要我幫你念？點念呀？

      我個腦實哂呀！幫幫手拉！

你梗死拉，衰心軟，出黎玩好似你咁純情我真係未見過！正一白痴仔！影衰我地香港人呀！

      我中午要返上去同呀萍講清楚呀！唔好玩，幫手念拉！

你重上去？你耳仔咁軟，你唔驚死呀？上去把鬼咩，唔好比我批死你！你實比呀萍 (菻)掂你！大陸妹 (菻)麻甩佬天下無敵架！

      咁都要上架！最多提醒自己， (的) 起心肝！

(的)乜春心肝丫！大陸妹溫柔起上黎，(菻)多你兩(菻)，你頂得到咩？我岩岩上去玩果時都 (賴)過野拉！你份人係點，我知你實玩唔過呀萍架！

      你 (賴)過你唔話我知？等我呢獲 (賴)得重勁呀！

我以為你醒丫麻！平時見你醒過我咁多，念住你唔會 (賴) 野架麻！點知你重大獲！一陣駛唔駛我陪你上去呀？

      你陪我上去把鬼咩？我見呀萍講分手呀！比你上去睇完返黎笑我呀？

好自為知拉！唔好比我批死你，無咁易架！

      又有幾難呀！

         其實到依家都唔知條  T  black 係老虎放落黎試我？定係呀萍特登放係到，等我老婆知，要我同老虎攤牌！

   中午做完野念住行人果時，老友兼拍擋叫住我！

喂！你咪行住！

   咩事呀，趕住上去攤牌呀！

我就係知你趕住上去攤牌至叫住你！

   搞咩呀？你幫我念到計仔呀？

計你個頭！囉你個銀包黎！

   做咩呀？我銀包無野禍！    ( 跟住比佢一手搶左我個銀包！)

重話無野？成皮幾野係個銀包到！做咩呀！送錢比人駛呀？送比人不如送比我拉！

   咩送錢比人呀？我上去同呀萍講清楚 D 野乍！

我夠知你上去搵呀萍拉！就係知至唔比你囉咁多錢上去！我問你勒！如果一陣呀萍叫你幫佢忙，借幾萬蚊比佢！你會點丫？

      會......................！

會乜丫！會有幾多你無幾多呀！算拉！...........你囉三千蚊上去好勒！你已經內出血拉，我廢事你今次嚴重內出血呀！記住如果佢再叫你比錢佢，你點都唔好比呀！............平時做野就咁醒！對住 D 女就成隻豬咁！初時念住叫埋你上去係玩班大陸妹妹仔，為港人增光！點知你衰到掉盡香港人既面！死蠢！

      嘩！唔駛罵咁盡呀？你條仆街明知女人係我死穴，你都唔叫住我睇住我死！真係夠哂老友呀！

點睇呀？呢 D 野有得叫住架咩？就算果時叫住你，你會聽得入耳咩？

      咁又係！果時同佢一齊都叫做開心過！.....................算拉，希望一陣順順利利拉！ ( 比老友叫住唔比我帶咁多錢上去，就帶住三千上去搵呀萍！)

      話說我上到常仔搵呀萍！呀萍一見到我就好溫柔咁同我講！

你唔好念咁多拉！我知你依家好煩，你老婆一定係叫你唔好見我，要你同我分手麻！我知架！我乜都知架，你係到乜都唔好念，舒舒服服得勒，由我服待你！

      唔係呀！我想...................................

唔好想呀！...........你咩都唔好念，我煮左 D 野比你食，你試下好唔好食？

      講真果時真係食咩都無味拉！我都唔記得左呀萍煮左 D 咩比我食！我地食完野，呀萍只係欖住我，乜都無講！佢欖住我，我望住佢，大家都無出聲！我好想同佢講，但搵唔到機會，我份人唔怕人惡，最怕人好雙乳，(對唔住！係好相語至岩！)

      我欖住佢成個鐘，岩岩想開口同佢攤牌果時，可能佢知我想開口，佢就同我講！

你係咪唔鐘意我那？你唔要我那？

      唔係！但我唔捨得同我老婆離婚，咁對你都唔公平拉！

你唔捨得佢，咁你又捨得我呀？

      我兩個都唔捨得！但有咩辦法呢！我以前應承你三年同我老婆離婚，但我真係做唔到！對唔住！

離唔到咪唔離囉！我唔介意咪得囉！你唔鐘意我那？

      唔係！

唔係就得拉！我地同以前一樣咪得囉！你有時間就返黎見我，咁唔好咩？

      但我老婆果邊唔得呀！

你唔講就得拉！佢點知 o即！呢排你小心 D 上黎小 D 就得拉，等遲 D 你老婆無咁留意果時再多 D 上黎囉！

      但係我應承左我老婆以後唔上黎那！

你應承你老婆！咁你應承我果 d 呢？點呀！你唔錫我勒，你唔要我勒！.............................我唔會煩你架！你鐘意至上黎囉！我唔捨得你呀！我唔比你走呀！

      各位大佬！對唔住！呢排公司好鬼多野做！要做完至有時間同大家講我既故事！             上面有位大佬提醒我條老底有可能係呀萍老母放落我個袋到跣我！我真係無念過呀！不過我相信佢無乜機會落到手禍！到依家我都重未知我係比邊個謀殺我既！上面位大佬講得岩呀！ I.Q.高無用呀，我 E.Q.低呀，所以唔夠條姐姐仔玩呀！

         係上面比呀萍欖住唔放！都唔知點算！唔係真係比我老友批死我講唔掂呀？
         呀萍！你唔好咁拉！你同我講過唔肯做人二奶架！咁依家你咪等如做左我二奶？不如我比小小錢你，等你呢段過度期易過 D 拉！

唔要呀！乜都唔要呀！我只係要你，你比錢我都無用架！

新手上路

Rank: 1

555^# 大中小簡繁發表於 2008-7-5 只看該作者

你當我咩呀！我要你呀！

我唔係想咁架！但我老婆知道你既存在！我又唔想同佢離婚！對你唔公平丫！你咁靚女！搵個對你好既男人唔難丫！

      你講咩呀！我都話只係鐘意你一個拉！呢段時間你老婆一定睇得你好繄架！你咪有時間有心情，想見我至上黎囉！你以前又話好鐘意我既！假架？

唔係假！但............我都唔知點做呀！總知我唔可以好似以前咁照顧你拉！

      咩唔可以 o即！你唔講，我唔講，你老婆唔會知架！

唔知？佢依家乜都知呀！如果佢帶埋我寶貝走！我真係死比你睇呀！

      我真係唔會煩你架！...................你睇下！你老婆迫你！我都無迫你拉！你掛住我至上黎見我囉！除非你唔再愛我！你唔愛我咪唔好見我囉！等我一世掛住你囉！    ( 大陸女仔真係好識 (罧 ) 人架！明知係大話，但男人都鐘意聽，同唔忍心踢爆佢)

同呀萍傾傾下！老婆既十字追魂 Call 就到！問我點解咁耐都呀返落黎！

得那！得那！比 D 時間我就得勒！同佢傾繄呀！.........................一陣再打比你拉！

      你老婆追你返去呀？..................你返去先拉！你唔駛理我拉，你返去搞掂你老婆先拉，如果你真係鐘意我，愛我既就返黎見一見我拉！老公你走拉！但你記住我等繄你架！......................................

之後呀萍係咁欖住我喊！話唔捨得我，重話叫我記得有機會就返上去見佢，就算唔過晚都要上黎見佢咁話！而我話放低三千蚊比佢用住先，佢都唔肯收，跟住老虎再打電話黎追我返落香港！呀萍就送我去火車站！

係火車到個心重煩！念住同呀萍講清楚！點知又係衰心軟！重應承呀萍有機會就見佢！你話死未？咁老虎果邊點搞呢？又應承老虎同呀萍攤牌！攤成咁！一陣佢問起點答呀？......................

返到香港，老友打電話黎問我係上面搞成點！照實報告。

   話左你搞唔掂架拉！大陸妹 (罧)死你呀！銀包果三千蚊有無放低呀？....................無放低？唔係呀？佢唔收？無理由架！佢唔驚連最後果三千都無呀？你唔係應承再上去呀麻？

喂. 喂.喂！你一輪咀咁！我點答你呀？.........................係呀！我應承下次再上去同佢講清楚呀！

      重上？你傻左呀？呀萍係幾靚！但更靚既上面都大把拉！我上次上去搵果個都唔錯架！下次介紹比你勒！咪再搵佢拉！

      介你個頭呀！...........介紹！唔係呀！我好似真係幾鐘意呀萍呀！有 D 放唔低呀！

你唔係呀？傻架！鐘意上面 D 女仔？...........上面女仔唔係咁簡單架！你真係丟盡香港人既面呀！放低錢走人拉！比你老婆知你重搵呀萍，你真係著多幾條衭訓呀！唔係第二朝唔見左個細佬呀！

         唔係呀！你咪講到咁得人驚拉！

你無睇報紙架！成日有登架拉！港男內地包二奶被大婆發現，夜晚剪掉老公子孫根！.......你睇住呀！我唔相個拍擋係香港最後一個太監呀！...................你自已小心 D 拉！有咩打電話比我拉！

         比我老友話一話之後真係有 D 驚！今晚都係收埋屋企 D 較剪穩陣 D 呀！........................

         返到屋企一入門口老虎就望住我！用對眼要我交代一切，有時真係唔駛講野！眼神都話到比你知呀！可想而知當時老虎既眼神係點拉！

         最後交代一切係要 D 時間既！唔好再問我那！我唔想再記起以前既事！總知我地以後開心就得拉！唔好問，你問我都無咩同你講！

你話架！咁即係你同佢講清楚拉！以後唔見佢，係唔係？

         係呀！唔見那！好未呀大人！

         果晚老虎真係無再問我！只係同眼神同我講：唔好再呃我呀！我亦都用眼神答佢：得勒！...........係咪好似武俠小說咁呀？眼神交流呀！....................勁！

         其實我都知呀萍鐘意錢多過我，但你話佢一 D 都唔鐘意我又唔係禍！唔見佢果時我真係識念架！叫住自己唔好聽佢講架！但一見佢就死得！成個人軟哂！乜都聽哂佢講，大陸女仔真係唔係人黎架！妖精黎架！識妖術迷你架！我就係中左迷術勒！

            返左落黎幾日都無咩事發生，但都好掛住呀萍！自己提住自己唔好搵佢，忍到差 D 想斬隻手落黎至忍到唔打電話比佢！.............................................電話響.............一睇！大獲！呀萍短訊殺到！

      我好掛住你！老公，你有無掛住我？有時間就上黎見我拉！依家無你係我身邊我訓唔著呀！我晚晚欖住你件衫聞住你陣味至訓得著呀！

   嘩！睇完即時閂左段訊息！如果又比老虎睇到就死比你睇！

   老虎呢幾日無乜問我呀萍 D 野！只係提住叫我以後非必要唔好再上大陸！我話有事要上都無辦法！盡量小上拉！

      其實自已個心係到念！如果老虎唔知，我其實都唔捨得呀萍！但又怕老虎知道後帶埋我寶貝走，同埋我都唔捨得老虎！做人真係矛盾！都唔知自己想點！...................如是者又過左一個月。

      呢個月我真係無上過大陸，但呀萍就成日發訊息比我，都係話好掛住我果 D 野！就算明知係假多過真，但都鐘意見到佢發短訊比我！呢個月我無比錢佢！佢亦無開口問我！

      但無開口問唔代表我無比禍！佢呢到至高招呀！佢唔會同你講話要錢做家用！佢只係係訊息到講佢呢個月黎既生活係點！有時就講到要交幾錢電費呀煤氣費呀咁，又話唔夠錢增值張電話咭，有次重講到話要呀媽比錢佢至開到飯咁！

      咁我咪又心軟！死狗咁又入錢比佢囉！真係自已囉黎賤！唔值得可憐呀！

      又過多兩星期，呀萍係電話問我可唔可以上去見佢，我話驚老虎知同唔想再拖佢時間，但呀萍係都話要我上去！..............................又呃老虎話要陪 D 老細上去，重搵拍擋幫手呃老虎，就上左去見呀萍！

      果晚唔駛講拉，呀萍梗係交足功課，服待週到！又錫又欖又罧，咁就過左個銷魂既一晚！果晚呀萍話早十幾日呀靚外母返左鄉下，依家身體唔舒服，佢話想上去陪佢，問我好唔好？咁我心念我都唔可以好似以前咁成日上黎見佢！咪叫佢返囉！佢話唔夠錢返上去！..........................又係囉錢！

      佢見我面口沉一沉！好醒咁話，我唔係一定要上架，你唔鐘意我聽哂你話，你話想我留係到等你我都得架！我好想你上黎見我，好掛住你，好欖住你呀！

         你地話丫！大陸女仔，點到你地唔沉丫！咁識罧人！我直情比呀萍嗲到暈！

         我呢世人最怕女人流馬尿同嗲！呀萍兩樣都識！嗲人功力直情係九陽神功第九重功力！天下無敵果隻！我又輸係佢手上勒！

跟住幾次後！又比老虎踢爆！呢煲大大煲！好大獲！令我好後悔！點解自己定力咁差，..........................

               對唔住各位大佬！我要我女人訓左至同你地講到我既故事呀！上面有位大佬講得岩呀，係屋企上綱都要睇車架！所以我晚晚都咁夜至可以同大家傾計！

               各位大佬對唔住！唔係玩野！呢幾日公司好鬼多野做！搵米繄要呀，大家都知拉，女人用好多錢架！唔比心機搵錢養唔到人架麻！
               重有就係我之前唔係話老虎訓左至上得綱，我係話要我女人訓左至上得呀！咁大家估下，我老虎同埋我一齊定係呀萍，還是大細契都退路，呀三登位呢？

               個故事係咁既！話說老虎唔知我上去見呀萍，我以為得米拉，咁又密左上去，原來老虎都唔係咁放心，佢原來有  CHECK 我！就係叫果間死人  ( 生滋) 電話公司出份祥細電話通話報告比佢，因為我個手提電話係老虎出名開戶既，果時貪佢一齊出有著數，同屋企所以費用都係老虎負責交數，男人懶麻！懶就死得拉！

               張報告一出老虎就知我有古惑！但佢又醒禍！又唔出聲，咁又有一日我同老虎講又要上去做野！念住又了去見呀萍果時！

  你又要上去？同邊個上呀？

            同拍擋上去陪 D 老細傾野麻！

咁你早 D 返落黎拉！

            得拉！第二朝我會早 D 返勒！..........................咁我咪上去見呀萍囉！我重扮醒目仔即時打電話比拍擋話我同我老虎講我地會一齊上去！叫佢醒目，如果我老虎打比佢，夾好 D 口供！

得拉！你老婆打比我，我會話同你係上面拉，你自己醒 D 拉！

            咁我咪好放心咁上去見呀萍囉！呀萍見到我就問我點解咁耐都唔上去見佢，我話老虎睇得繄麻！

你咁耐唔上黎我好悶架！你多 D 陪我好唔好呀？

            呀萍又運起嗲人神功第九重天功力！........................我又暈一暈！................我多 D 上黎拉，夠唔夠錢用呀？

你講我至出聲乍，唔係好夠呀！呀媽早幾日都問我有無家用比佢呀！

            咁我一陣比你拉！...............................果晚又係一個鎖魂既一日！

               原來係我鎖魂既同時，我老虎打電話比我拍擋！但佢問得好醒目，掘個陷阱比我拍擋踩！

   喂！你係咪心情唔好同我老公上左大陸飲野散心呀？

               我老友知鬼我點同老虎講至得架？佢一聽到我老虎問佢係咪同我一齊上左大陸，咪即時念都唔念就答...............................係呀！呀嫂，你老公同我上黎飲酒陪我散心呀！

               我之前同老虎講係上去陪老細傾野架麻！咁就死拉，依家變左陪拍擋飲酒散心，...................如果平時，唔係之前比老虎發現細契，呢獲野我都一定折得掂，但依家就死勒！我一返落香港！.................................

            一返到屋企！未行入門口，老虎已經係到大叫！.............................

你又返上去搵個大陸妹！.................我地離婚拉，你唔駛再搵我同你寶貝勒！我地以後都唔會見你！

               喂，搞咩呀？咩大陸妹呀？

你重扮野？你尋晚唔係返左上去？你唔駛扮野勒！我打電話比你拍擋問過！我問佢係咪心情唔好要你陪上去，佢話係！但你同我講係陪老細傾野！

            佢講錯野 o即！唔駛咁衝動禍，慢慢講丫！

唔好講勒，你有無上去見佢丫？

               ................................上去見邊個 o即？

  得勒！你等如答左我，同你咁多年！重唔知你邊句真邊句假咩！

               你聽我講先拉！唔係你咁念架！我都要時間甩佢架麻！放左感情落去，唔係話完就完架！

得拉，你同佢唔完！同我完囉！..........................我知！你覺得個大陸妹溫柔丫麻！聽你話丫麻！唔會駁咀麻！你念下拉！上面生活指數低！三五千蚊一家人如果唔大駛一定過到活！你試下係香港三五千過唔過到活丫！你比錢個大陸妹唔駛佢做，又一個月上得去果幾日，佢食好住好，果幾日佢點都比心機罧你拉！你試下唔駛我做，個個月比十萬八萬我丫，我都成隻羊咁唔敢出聲呀！我重溫柔過個大陸妹呀！

                  我無咁念過禍！我只係唔忍心 o即！......................我走左佢好慘架！

佢好慘！佢係到，我地屋企重慘呀！你唔好搵我呀！我走勒！............................

               老虎就咁衝出門口！我即時捉住佢唔比佢走！

  你放手！你唔放手丫麻，你念清楚呀，我買左把新剪骨較剪，我今晚唔走就一定剪左你！

               ......................................唔係麻？各位大佬！如果係你，你放唔放手呀？

               咁我可以點呀？唔放又死，放又死！

               你唔好走拉，係我唔岩！我唔再上去搵佢拉！好麻？

  你上次都話唔上拉！依家咪又上！你唔放手，我留低囉，但今晚我就剪左你，等你上去都無用！

               你唔會剪我既，你咁愛我，我又咁可愛，你唔捨得既！最多一陣同你簽份聽話約！以後聽哂你話丫！

你唔好係到癩皮，我今次唔受你呢套！你最好放手，唔係你實後悔！

新手上路

Rank: 1

556^# 大中小簡繁發表於 2008-7-5 只看該作者

我唔係懶皮呀！你念下，我都唔想咁架！但我真係放左感情落去呀萍到麻！如果我咁無情！你都唔會咁鐘意我拉！

      鐘意都無用架！我唔鐘意同人分個老公呀！你咁鐘意上去搵佢！你上去拉，重唔上？

咪住先！我寶貝呢？點解返黎咁耐都唔見寶貝出黎既？

      你唔駛搵勒！你寶貝唔係到！佢係我外家，你上去拉，駛鬼理我地咩？你理個大陸妹得拉！

  大佬唔係呀？你帶佢返外家做咩呀？你唔係黎真呀？我都話唔再上去見佢拉！你想點呀？

      我想離婚呀！你睇得唐心風暴多呀？以為真係可以有大細契呀！你唔駛念呀！

( 其實老虎真係估中左！我真係想可以有大細契呀！不過老虎唔肯乍！)
喂！萬事有商量，除左離婚你話點就點拉！

      好！你放手先！你今晚自已念清念楚睇下應該點搞掂個大陸妹！你念掂聽日再搵我！我今晚同你寶貝返外家，你搞唔掂我地唔會返黎！

唔好拉！你帶返寶貝返黎拉！我聽哂你話勒！

      信你一成雙目失明，信你兩成死因不明呀！次次你都話聽我話拉！次次事後都係我聽哂你話就真呀！呢次我唔會比你懶皮架！你唔比我走，今晚你實後悔！不如你念清楚點做，聽日再搵我拉！不過到時如果無一個滿意答案比我，我地都係離婚拉！

跟住我老虎真係就咁行左出門口！..............................我睇住佢離開既背影，就好似中學果時睇中國語文呀朱自清果篇背影咁，個心好唔舒服！..........點解我又會搞成咁架？明明尋日重好開心架！點解會咁煩架！

自己一條友係屋企睇住寶貝同老婆 D 相！我地以前幾個好開心架！點解會搞成咁！我寶貝如果無左我，第時會變成點呢？我老虎又會點呢？呀萍值唔值得我咁為佢呢？依家佢一個開心，但我地三個好唔開心禍！咁我咪好蠢！我一個開心，佢地三個唔開心我都唔想拉！何況依家咁！..................................好多野念下念下就好似念通左咁！...............................個死人電話又係到響！..........一睇，呀萍訊息！

         你老婆打電話黎罵我呀！可以就打電話比我。

嘩！唔係呀？我都未煩完，又出新招？我頂唔繄架！...................唯有即時打電話比呀萍！

咩事呀？佢講咩呀？

         佢一打黎就係咁罵我呀！好難聽呀！

咁佢罵你咩丫？我代佢道歉拉！

         唔講呀！總知好難聽拉！................你做咩咁無心機呀？唔好咁拉！你上黎我錫返你丫！

重上？我老婆帶埋我寶貝返左外家呀！

         唔繄要拉！遲 D 你同佢爭返寶貝咪得囉，你鐘意細路，我同你生番一個囉！

呀萍！我念我地真係要念下以後應該點做！好似依家咁唔掂架！...........................你比我靜一靜！我一陣打電話比你！

  果晚成晚訓唔著！好鬼死多野念！好難咁至等到天光...........一早返公司搞掂 D 野，下午就去搵老虎，老虎話夜晚食飯果時至講！

夜晚車老虎人赤柱，我地初初拍拖去果間呃錢餐廳到食野！果間野好鬼呃錢，十幾年前食個死人晚餐都話成六百幾蚊位！賴係浪漫咁，呃錢....................唔係要罧番老虎，我都唔捨得再黎呀！係咁浪漫，咁有紀念既地方！希望有幫助拉！

            做咩咁好死同我黎呢到食野呀？平時叫你黎親都唔肯！

嘻.嘻.........呢到好氣氛麻！我念過勒！我會同呀萍和平分手既！

            你同佢傾掂左咩？

唔係！不過我念住同佢講 O即！

         你唔駛講勒！我今朝同佢傾左成三個鐘電話，佢叫我比十萬蚊佢，佢就會離開你禍！

咩話？唔係呀！你同佢傾電話？.......................(大細契對話？)

         係呀！我呃佢應承比錢佢，佢話唔會再見你架！你醒下拉！佢呃你錢架，佢唔係鐘意你架！今次當我送比你既離婚禮物拉，等你睇清楚個大陸妹既真面目呀！

(唔係呀？就算呀萍要錢都問我拉！點解會問老虎比錢既？呀萍鐘意錢係真，但都不至於一 D 都唔鐘意我丫！點解咁架！..........................)

係你搵佢？定係佢搵你先架？

         邊個搵邊個先都無關係拉！最重要係結果！

      各位大佬！你地就快知道我會點收場勒！................................總知就可憐拉！我都知老虎好過呀萍！但男人又衰呀，貪新鮮，貪後生靚女，但呢個世界靚女何其多呀？唔通見一個想一個咩！有時過左去既！就點追都追唔到！後悔都後悔唔黎！

  你地幾時傾過計呀？

      今日！我地傾過哂！.........................我係你老婆，我真係忍唔到個老公有第二個女人，所以你唔駛再講，我決定同你離婚，重有就係如果佢無呃我，我相信你地唔會再見面！

我覺得我係有錯，但我唔係有心出去搵二奶，之不過之前我地兩個相處出現問題，我地又唔肯坐低傾，搞到個問題越黎越大 o既！..................依家我地已經講好左拉，咁難得可以好似以前咁，點解又要離婚丫！

      有問題你就去搵女人！咁唔通我又去搵男人呀？............................如果我話比你聽！之前我同你有問題果時我唔開心同過一個男人過夜！你會點丫？

我明！我都話左我有錯拉！但呢一樣野呢個世界係咁唔公平架禍！男人可以話風流，女人就一定係下賤架！相反，平時就男人要讓女人，唔係女人讓男人囉！如果你真係有過第二個男人...............咁唔駛講拉，我一定睇唔開，但我希望你比個機會我，又當比個機會你自己，我應承你呀萍係我同你之間唯一既一次例外，我唔會再有下次，唔會再有其他女人.......................你記唔記得呢間餐廳呀？我地剛剛拍拖果時無錢但又想睇下人地有錢人係點浪漫就死慳死底都要黎一次，反而依家叫做舒服 D 可以去再靚 D 既餐廳食野，但都無再黎過！...................以後我地多 D 黎，懷念番我地以前既開心時間好唔好？

         呢間餐廳我梗係記得拉，果日我地兩個遊完水，著住白波鞋，係門口果個部長問我地有無訂位，我地話無，佢望左我地好耐，好似唔想招呼我地咁丫麻！點知佢話有位帶我地入去...........一睇原來得小貓三四隻，你重話第時你會比心機搵錢唔好比呢 D 人睇低你，你有錢後要時時黎添！...................但依家你叫搵到 D 拉，但一次都無再黎過！

唔係唔想同你黎，係呢到唔抵食呀！你睇下個餐牌！晚餐都要成八舊水，我同你人西貢食海鮮食到嘔都得拉！如果你鐘意，我地以後每個月搵一日做拍拖日，果晚就黎，好唔好？

         以後？你搞掂呀萍同你自己個心先拉！

( 一聽老虎咁既語氣，咁都無咁驚，即係心軟拉，好在我個人死剩把口，咁都比我罧掂老虎！)
你放心拉，我呢次真係知點做勒！......................係呢！你同呀萍講過咩呀？佢咁容易就走人？

         你想知咩？你自己問佢囉！我唔想講，同我以後唔想再聽到呢個名！

我只係想知點解你咁好野可以搞得掂佢 0即！我搞黎搞去都搞唔掂佢，你一出馬就得！ (即時做擦鞋仔)

         你無用架！死奏，佢擺到明就呃你錢拉，你咁都比佢呃！............好多錢呀？以後 D 錢比哂我管！

  唔係呀？你講笑乍！.....................

         咁講笑呀！又係你話簽份聽話約比我 o既！假架？

唔係！...................但男人出黎傾野，無個錢係身點得呀！比人笑架，你唔係想個老公比人笑呀麻！

         我無話唔比錢你袋呀！但以後你 D 錢要話比我知用左係邊囉，唔係容乜易你又比錢佢呀，你知你幾無用幾耳仔軟拉！

慘.............................好似返番學生仔年代，要問呀媽囉錢駛咁！

         一陣話比大家知老虎話比我聽既大細契對話內容，同我呢次事件被老虎法官判咩刑罰！總知就慘拉！

         各位大佬！呢次老虎咬人事件，我做左受害者！.......................老虎依家出左一份申請表，逢親上大陸我都要書面向老虎申請，祥情要交待事件包括.........

1, 為乜要上去
2, 同邊個上
3, 要上幾耐
4, 上去邊到
5, 有無女同行
6, 要帶幾錢

            真係要改名呀！以後大家可以叫我做..............小可憐！

            其實都無話用左幾錢係呀萍身上既！兩年幾咁耐，每個月萬幾走唔甩，有獲爆就駛多兩三萬，都幾大獲架！講真，真係唔可以用錢黎講，你當供架新車都要拉，我蠢在放左真感情落去，反而錢駛左最多第時努力再搵過，果種失望至係最傷心，最無引！

            因為之前真係無咩上大陸，估唔到 D 女仔咁靚咁後生，只係會向錢看，完全無念過將來，只念住有幾多囉幾多，之前我都以為呀萍都不至於只鐘意錢，都會有 D 鐘意我既，但事實係錢行頭，我最多都係跟尾，我係佢心目中只係值十萬！.............................無錯！有人可能會話，食野當然要比錢拉！

         但我唔係上去叫外賣禍，我唔係齋要買肉體果 D 禍！佢係話要真感情，要我離婚架禍，唔係話我要幾錢，你比就我陪你幾耐禍！.................我竟然相信佢！差 D 搞到收唔到科，當然我自已亦要負好大責任！

         呢兩年我真係當呀萍係親人咁關心佢，反而小左關心老虎同我寶貝，其間有開心有失落，但最重要係經驗，駛我明白大陸同香港既女仔有咩根本上既分別！

         老虎都算好野，呢次之後令我睇到，原來老虎係咁鬼鐘意我，同咁鬼醒，原來女人係唔睇小得架！你對佢輕敵就會好似我咁收場勒！

新手上路

Rank: 1